Një ngjarje e rëndë ka ndodhur këtë mëngjes në Limassol, ku biznesmenit qipriot, njëkohësisht president i ekipit të futbollit FC Karmiotissa, Stavros Demosthenous (49 vjeç), është qëlluar me armë zjarri pranë banesës dhe ka ndërruar jetë.

Atentatorët duket se ishin në dijeni të lëvizjeve të biznesmenit, pasi kishin bërë pritë jashtë shtëpisë së tij. Sipas policisë qipriote, autorët e krimit ishin dy persona dhe po udhëtonin me një furgon të vjedhur. Sapo Stavros Demosthenous doli nga dera e banesës, ata e qëlluan.

Ndërkohë djali i biznesmenit e futi në makinë të atin dhe u përpoq ta dërgonte në spital. Megjithatë, gjatë rrugës Stavros Demosthenous vdiq dhe makina ku udhëtonte u përplas me automjete të tjera në autostradë.

Autorët e vrasjes u larguan nga vendi i ngjarjes dhe disa kilometra më larg dogjën furgonin me të cilin udhëtonin. Policia ka nisur kërkimet për të identifikuar autorët, ndërsa dyshohet të kenë qenë vrasës profesionistë me pagesë.

Po shqyrtohet mundësia që vrasja të ketë lidhje me aktivitetin e basteve në ndeshjet e futbollit, pasi FC Karmiotissa ka qenë nën hetim disa herë për trukim ndeshjesh me transmetimin e dosjeve të kuqe nga UEFA.

Një automjet është përfshirë nga flakët rreth orës 13:50, në afërsi të Tunelit të Krrabës, përgjatë aksit rrugor kombëtar Tiranë–Elbasan.

Ende nuk dihen shkaqet e zjarrit, ndërsa autoritetet njoftojnë se fatmirësisht nuk ka të lënduar.

GJIROKASTËR- Një automjet është përfshirë nga flakët pasditen e sotme pranë fshatit Dhoksat teksa po udhëtonte në drejtim të Gjirokastrës. Mjeti u përfshi nga flakët me shpejtësi teksa ishte në lëvizjae.

Sipas shoferit mjeti sapo u përfshi nga flakët, ato u përhapën me shpejtësi. Zjarrëfikëset ndërhynë menjëherë por flakët e shkrumbuan mjetin tip Ford. Fatmirësisht shoferi nuk ka marrë lëndime nga flakët pasi ka arritur të dalë në kohë nga mjetit. nga zjarri ka vetëm dëme materiale.

DURRËS- Një zjarr raportohet se ka rënë pasditen e sotme në një gomisteri në Shkozet të Durrësit. Mësohet se zjarri ka rënë në katin e parë të ndërtesës. Zjarri dhe flakët kanë alarmuar banorët dhe menjëherë janë njoftuar zjarrfikësit.

Flakët rrezikonin edhe katet e tjera të ndërtesës por edhe objektet e tjera rreth saj. Fatmirësisht ndërhyrja është bërë në kohë dhe zjarrfikësit kanë arritur te neutralizojnë flakët dhe e kanë shuar plotësisht atë. Nga zjarri nuk ka të lënduar vetëm dëme materiale.

PATOS- Një zjarr ka shpërthyer mbasditen e sotme në një servis automjetesh në Patos. Konkretisht ngjarja ka ndodhur pranë vendit të quajtur, “Kthesa e Patosit”. Siç shihet edhe në pamje flakët janë përhapur masivisht dhe tymi ka mbuluar gjithë zonën.

Fatmirësisht deri më tani nuk raportohet për persona të plagosur, por vetëm dëme materiale. Ndërkohë në vendin e ngjarjes ka mbërritur ekipi i zjarrfikësve të Patosit për të bërë të mundur shuarjen e flakëve.

Përfshihet nga flakët autobusi i linjës Tiranë-Kamëz.

Raportohet vetëm për dëme materiale dhe dyshohet për defekt.

Prishtinë- Një zjarr ka përfshirë sot pasdite tarracën e një qendre tregtare në lagjen Bregu i Diellit në Prishtinë. Ngjarja raportohet të ketë ndodhur rreth orës 15:00, ndërsa në vendin e ngjarjes kanë dalë njësitë e zjarrfikësve dhe të Policisë së Kosovës.

Aktualisht nuk raportohet për të lënduar, ndërsa dëmet materiale ende nuk janë konfirmuar zyrtarisht. Sipas pamjeve nga vendi i ngjarjes, zjarrfikësit e kanë vënë situatën nën kontroll. Policia e Kosovës ka nisur hetimet për të përcaktuar shkaqet e zjarrit.

Një automjet i tipit “Benz” është përfshirë nga flakët këtë të premte në bypass-in e Vlorës, në aksin rrugor që lidh qytetin me fshatin Tragjas. Ngjarja ka ndodhur rreth orës 10:40 të paradites, kur makina ka shpërthyer në flakë ndërsa ishte në lëvizje.

Sipas informacioneve paraprake, shkak për zjarrin dyshohet të ketë qenë një defekt në motor, i cili ka shkaktuar një shkëndijë elektrike që përfshiu mjetin në flakë.

Në vendngjarje mbërriti zjarrfikësja e Vlorës, por për shkak të largësisë dhe trafikut, mbërritja e saj u bë disa minuta pas nisjes së zjarrit. Deri në ndërhyrjen e forcave zjarrfikëse, mjeti ishte djegur thuajse plotësisht, siç tregohet edhe në pamjet nga vendi i ngjarjes.

Një banesë në Vlorë në lagjen “Pavarësia”, në zonën e njohur si “Albano dhe Romina”, ka rrezikuar të shkrumbohet nga flakët pak momente më parë, si pasojë e një incidenti në sobën e gatimit.

Një i moshuar që jetonte i vetëm kishte harruar sobën ndezur, ndërsa në zjarr ndodhej një tenxhere me presion.

Tymi që dilte nga dritarja alarmoi banorët e zonës, të cilët reaguan menjëherë duke njoftuar shërbimin zjarrfikës të Vlorës. Ndërhyrja e shpejtë e forcave zjarrfikëse bëri të mundur neutralizimin e flakëve, duke parandaluar përhapjen e zjarrit në të gjithë banesën.

Një automjet tip “Land Rover” u përfshi nga flakët mëngjesin e sotëm në aksin Fier-Lushnje, në zonën e quajtur “Vajkan”.

Fatmirësisht, shoferi dhe një pasagjer arritën të dalin në kohë nga makina, e cila u shkatërrua pothuajse komplet nga zjarri.

Gjithashtu, policia dhe grupi hetimor po punojnë për të zbuluar shkakun e incidentit, ndërsa paraprakisht dyshohet se zjarri ka nisur nga një defekt në motor.