Zjarri përfshin disa banesa në Pogradec.

‘Rreth orës 21:25, në lagjen nr. 4 Pogradec, dyshohet se aksidentalisht ka rënë zjarr në banesën e shtetasit A. B., 80 vjeç.

Si pasojë e zjarrit, janë përfshirë dhe banesat ngjtur me banesën që ra fillimisht zjarri.

Shërbimet Policisë dhe zjarrfikësit kanë ndërhyrë menjëhere për evakuimin e banorëve dhe për shuarjen e zjarrit.

Nga rënia e zjarrit ka vetëm dëme materiale, ndërsa banorët janë evakuuar të gjithë.

Vijon puna intensive për neutralizimin e përhapjes së zjarrit dhe shuarjen e plotë në banesat e përfshira nga flakët’, informon policia vendore.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një banesë dy katëshe në Gjirokastër u përfshi nga zjarri mesditën e sotme për shkak të një defekti në një bombul gazi 5 kg, e cila përdorej për gatim.

Ngjarja ndodhi në afërsi të Ura e Nanxës, mbi lagjen “Punëtori”, ku zjarri shpërtheu në katin e dytë të banesës.

Shërbimi Zjarrfikës u njoftua menjëherë dhe mbërriti në vendngjarje, duke mundur të neutralizonte flakët dhe të parandalonte përhapjen e tyre në pjesën tjetër të shtëpisë. Si pasojë, vetëm disa orendi u shkatërruan nga djegia.

Të paktën dy persona humbën jetën në zjarret që përfshiu pjesët veriore dhe qendrore të Portugalisë.

Disa shtëpi u përfshinë nga flakët, raporton portali Portugalresident. Sipas raportimeve, 20 shtëpi ishin goditur në Albergaria-a-Velho dhe tre të tjera ishin djegur në Gondomar.

Disa persona kanë mbetur të pastrehë nga zjarri, por numri i saktë nuk dihet për momentin.

Katër persona u plagosën dhe ndodhen në spital në Aveiro dhe Coimbra. Të paktën një zjarrfikës u plagos gjithashtu.

Një burim nga Shërbimi Kombëtar i Emergjencave dhe Mbrojtjes Civile (ANEPV) tha se disa fëmijë u trajtuan sot në spitale për probleme të frymëmarrjes të shkaktuara nga akumulimi i hirit dhe tymit në shumë zona.

Pasi kryeministri portugez Luis Montenegro anuloi detyrat e tij, anëtarët e tjerë të qeverisë anuluan gjithashtu detyrat e tyre pasi fokusi i vendit është tani në parandalimin e ngjarjeve më tragjike.

Aktualisht janë pesë zjarre të mëdha që digjen vetëm në rrethin Aveiro, të cilat po shuhen nga 1200 zjarrfikës, rreth 390 automjete dhe 12 helikopterë.

Zjarri në fushën e mbetjeve në Vlorë vijon që të jetë aktive.

Gazetari Elton Nika raporton se në vendngjarje ndodhen 4 automjete të forcave zjarrfikëse.

Aktualisht po punohet për të bërë të mundur shuarjen e flakëve