]Të tjera detaje janë bërë publike në lidhje me arrestimin e dy të rinjve Ardit Domi dhe Lorenc Cali që u përplasen me arme zjarri me policine. Sipas burimeve policore, automjeti që dyshoheshin se ishte përdorur për grabitje ishte vjedhur më 20 gusht në sektorin Rinia.

Pak orë më vonë, në një pikë karburanti në Sukth, grabitësit me armë morën lekujt e xhiros dhe u larguan pa u identifikuar. Në orët e para të mëngjesit, pranë zonës së Çifligut, policia mori njoftim për dy persona të maskuar që tentuan të grabisnin një automjet G Class, por drejtuesi i makinës arriti të largohej. Forcat e policisë lokalizuan automjetin e vjedhur dhe nisën ndjekjen. Gjatë ndjekjes, grabitësit hapën zjarr ndaj policisë.

Njëri nga grabitësit, Ardit Domi, u plagos dhe u transportua në spital, ndërsa Lorenc Cali u arrestua pas disa minutash rezistence. Policia gjithashtu ndihmoi pjesëmarrësit e një dasme në zonë që të largoheshin pa probleme nga restoranti ku po zhvillohej ceremonia.

Të paktën gjashtë foshnja të porsalindura kanë vdekur si pasojë e një zjarr të rënë në një spital për fëmijë në kryeqytetin indian të Nju Delhi. Ngjarja e rëndë ka ndodhur mbrëmjen e djeshme. 

Dymbëdhjetë të porsalindur u shpëtuan nga spitali, por gjashtë vdiqën nga zjarri, tha për CNN, Atul Garg, shefi i Shërbimeve të Zjarrfikësve në Delhi. Një nga foshnjat e shpëtuara është në gjendje të rëndë, ndërsa pesë të tjerët po marrin kujdes mjekësor, tha Garg.

Foshnjat e shpëtuara nuk janë identifikuar pasi autoritetet nuk kanë gjetur ende të dhënat e tyre të lindjes, të cilat dyshohet se mund të jenë djegur si pasojë e zjarrit.\

Shërbimet e Zjarrfikësve të Delhi-t thanë se mori një telefonatë në orën 23:32 pasdite me orën lokale dhe nëntë zjarrfikëse u dërguan në vendngjarje.

Operacionet e shpëtimit janë duke u zhvilluar, ndërsa raportohet se zjarri filloi në një ndërtesë fqinje, por shkaku i saktë i flakëve ende nuk është përcaktuar. Në vitin 2021, 10 foshnja të porsalindura vdiqën nga një zjarr në spital në shtetin perëndimor indian të Maharashtra.