LOS ANGELES, 21 TETOR 2025 – Një ndjekje spektakolare policore në Kaliforni ka përfunduar në tragjedi, kur një hajdut i dyshuar humbi jetën pas një përplasjeje të tmerrshme në autostradë. Ngjarja u transmetua drejtpërdrejt në televizion nga helikopteri i “CBS Los Angeles”, ndërsa pamjet tronditëse lanë të shokuar shikuesit dhe spikerët në studio.

Sipas autoriteteve amerikane, ndjekja nisi në lagjen kineze të Los Angeles-it, ku policia po përpiqej të ndalonte një furgon të bardhë të vjedhur. Hajduti u përpoq të largohej me shpejtësi, duke hyrë në autostradë mes trafikut të dendur. Në një moment, ndërsa furgoni po lëvizte ngadalë, ai doli nga dritarja dhe tentoi të kapërcente barrierën ndarëse të rrugës për të ikur në këmbë.

Por përpjekja e tij për t’i shpëtuar policisë përfundoi fatalisht. Pasi u pengua dhe ra në asfalt, ai u godit fillimisht nga një makinë që po kalonte me shpejtësi. Edhe pse u përpoq të ngrihej, u përplas menjëherë nga dy automjete të tjera, duke humbur jetën në vend.

Policia e Los Angeles ka nisur hetimet për të sqaruar rrethanat e ndjekjes dhe identitetin e viktimës. Ngjarja ka ngjallur reagime të shumta në rrjetet sociale, ku shumë shikues kanë kritikuar transmetimin e drejtpërdrejtë të pamjeve dramatike, ndërsa të tjerë e kanë cilësuar një dëshmi tronditëse të rrezikut që mbartin ndjekjet policore në rrugët e SHBA-së.

Një aksident i rëndë ka ndodhur në aksin Lezhë-Shkodër.

Nga pamjet  dallohen dy automjete të cilat janë përplasur teksa njëri ka dalë nga rruga duke përfunduar në arë.

Nuk dihet ende nëse ka dëmtime në njerëz apo vetëm dëme materiale. Shërbimet e policisë janë në vendin e ngjarjes e po kryejnë veprimet procedurale hetimore.

Një aksident ka ndodhur mëngjesin e sotëm në aksin rrugor “Gjirokastër -Tepelenë” ku një 21-vjeçar duke drejtuar automjetin ka përplasur një 73-vjeçare.

Aktualisht e moshuara ndodhet në spital, jashtë rrezikut për jetën dhe grupi hetimor po punon për zbardhjen e rrethanave të aksidentit.

Njoftim i Policisë:

Informacon paraprak/Rreth orës 08:15, në aksin rrugor “Gjirokastër-Tepelenë”, në vendin e quajtur “Ura e Kardhiqit”, shtetasi A. S., 21 vjeç, banues në Gjirokastër, duke drejtuar automjetin, ka përplasur aksidentuar shtetasen D. P., 73 vjeçe, banuese në fshatin Taroninë, e cila po merr ndihmë mjekësore në spital dhe është jashtë rrezikut për jetën.

Shtetasi A. S. u shoqërua në Komisariat, për veprime të mëtejshme.

Grupi hetimor po punon për zbardhjen e rrethanave të aksidentit.

Tiranë – Një aksident rrugor është regjistruar në kryeqytet, ku një 44-vjeçar ka humbur kontrollin mbi drejtimin e mjetit dhe ka dalë nga rruga.

Sipas të dhënave zyrtare, drejtuesi i automjetit, shtetasi M. S., pësoi dëmtime dhe aktualisht ndodhet në spital, nën kujdesin e mjekëve.

Ngjarja ndodhi si pasojë e humbjes së kontrollit mbi mjetin, ndërsa fatmirësisht nuk ka pasur të lënduar të tjerë.

Policia ka nisur procedimin penal në gjendje të lirë ndaj tij dhe materialet iu referuan Prokurorisë së Tiranës për veprime të mëtejshme.

|Erion Veliaj, i cili ndodhet në paraburgim në Durrës që prej muajit shkurt, është transportuar sot në spital pas raportimeve për probleme me tensionin e gjakut.

Burime pranë institucioneve spitalore bëjnë me dije se ish-zyrtari ka pasur shqetësime shëndetësore, ndërsa ende nuk ka detaje të qarta mbi gjendjen e tij aktuale. Në momentin e mbërritjes së Veliajt në spital, të gjithë pacientët e tjerë janë nxjerrë jashtë për arsye sigurie.

Ai është shoqëruar nga një njësi e përforcuar policore. Sipas raportimeve, gjatë gjashtë muajve të qëndrimit në burg, Veliaj ka humbur rreth 10 kilogramë.

Ka përfunduar numërimi i votavë në Tropojë ku PD ka fituar me 6056 vota. Pas tij, renditet PS me 2510 vota. PSD renditet forcë e tretë me 340 vota.

Një 21-vjeçare është paraqitur në spital për ndihmë mjekësore ditën e djeshme.

Policia njofton se e reja pretendon se është goditur me sende të forta nga një person, ngjarje e ndodhur në rrugën Gjon Buzuku në Tiranë.

Blutë bëjnë me dije se ky person është identifikuar por po punohet për zbardhjen e plotë të ngjarjes.

Informacion paraprak

Më datë 27.12.2024, rreth orës 23:40, është paraqitur në spital për ndihmë mjekësore shtetasja K.Ç, 21 vjeçe, e cila deklaron se tek rruga Gjon Buzuku, është goditur me sende të forta nga një shtetas i identifikuar si K.K.

Grupi hetimor po punon për zbardhjen e plotë të rrethanave të ngjarjes dhe dokumentimin e plotë të saj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Komisariati i Policisë Nr. 3, në bashkëpunim me Komisariatin e Policisë Nr. 2 dhe Nr. 6, ka finalizuar operacionin policor të koduar “Falco”, për goditjen e veprimtarisë kriminale në fushën e vjedhjes së pasurisë. Gjatë operacionit janë zbardhur dhe dokumentuar 11 raste vjedhjesh, si dhe një rast tjetër i mbetur në tentativë.

Në kuadër të këtij operacioni, është arrestuar shtetasi M. K., 26 vjeç, banues në Tiranë, i dyshuar si autor i këtyre vjedhjeve. Hetimet e policisë kanë zbuluar se ky person është i përfshirë në vjedhjen e sendeve me vlerë, kryesisht nga automjetet dhe skutera elektrikë, si dhe ka vjedhur shuma parash dhe sende të tjera të vlefshme.

Gjatë arrestimit të 26-vjeçarit, shërbimet e Policisë kanë sekuestruar gjithashtu një sasi të dyshuar narkotike, kanabis, që iu gjet gjatë kontrollit fizik të tij.

Në vijim të hetimeve, po punohet për zbardhjen e detajeve të tjera lidhur me aktivitetin kriminal të M. K., ndërsa ai ka përfunduar në pranga dhe do të përballet me akuzat për vjedhje pasurie dhe mund të ketë lidhje me raste të tjera të ngjashme.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Përfundon pas 8 orësh seanca për “Sterilizimin” në Gjykatën e Posaçme Antikorrupsion.

Këtë të enjte përfundoi deklarimet ish ministri i shëndetësisë Ilir Beqaj dhe avokati i tij Ermal Yzeriraj.

Të dy ata kërkuan nga togat e zeza pushimin e çështjes, ose në alternativë kthimin e dosjes për hetime të tjera në Prokurorinë e Posaccme Antikorrupsion.

Gjykata caktoi seancën e radhës në datë 12 dhjetor, ku do të vijojë deklarimet e tij Klodjan Rrjepaj si dhe mbrojtësi ligjor.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një aksident i rëndë ka ndodhur në aksin Ura e Çerenecit- Librazhd. Një fouristradë ka dalë nga rruga në rrugën që të çon drejt Ostrenit.

Drejtuesi i mjetit ka humbur kontrollin dhe ka rënë në humnerë.

Për pasojë ka humbur jetën drejtuesi i mjetit dhe është plagosur rëndë pasagjeri.

Në vendgjarje ka shkuar menjëherë policia dhe ambulanca.

Nuk dihen ende shkaqet e këtij aksidenti.

Grupi hetimor po punon për zbardhjen e plotë të ngjarjes.