Ylli Didani, 43-vjeçari nga Shqipëria, është dënuar me burgim të përjetshëm nga një gjykatë federale në Detroit, SHBA, për drejtimin e një rrjeti ndërkombëtar të trafikut të kokainës.

Ai u shpall fajtor pasi provat në gjyq dëshmuan se ai ishte kreu i një organizate kriminale me shtrirje në Shtetet e Bashkuara, Amerikën e Jugut dhe Evropë.

Organizata e tij financoi dhe organizoi dërgesa të mëdha kokaine, të cilat u transportuan nga Amerika e Jugut drejt Evropës.

FRANCË- Sandrine Pisara, nëna që torturoi vajzën e saj 13-vjeçare dhe e la të vdiste nga uria, u dënua sot me burgim të përjetshëm. Pas diskutimit për vetëm dy orë e gjysmë, tre gjyqtarët dhe gjashtë juristët (pesë gra dhe një burrë) të Gjykatës së Apelit e shpallën fajtore Pisarën dhe e dënuan me burgim të përjetshëm. Ish-partneri i saj, Jean-Michel Cross, u dënua me 20 vjet burg për mohimin e kujdesit mjekësor 13-vjeçarit Amandine që i shpëtoi jetën.

Më herët prokurori Jean-Marie Beny kishte bërë thirrje që 54-vjeçarja Pisarra të dënohej me burgim të përjetshëm, duke thënë se nuk mund të kishte një dënim tjetër të mundshëm për këtë nënë të tetë fëmijëve, e cila ishte “tiranja e shtëpisë, diktatorja, torturuesja e Amandines”. Për Jean-Michel Cross, ai tha se ishte “bashkëpunëtor i pafytyrë i sistemit të Pizarro”.

Më 6 gusht 2020, ditën kur vdiq nga arresti kardiak dhe sepsë brenda shtëpisë së familjes në Mont Blanc, afër Béziers, Amandine peshonte vetëm 28 kilogramë. Për javë të tëra ajo ishte e mbyllur në një magazinë, pa dritare dhe pa ushqim.

“I kërkoj falje fëmijëve të mi, kjo është e gjitha. Nuk kam asgjë për të shtuar,” tha Pisara kur gjykata e thirri për të folur për herë të fundit pasdite.

I dënuar me burgim, për pjesëmarrje në një grup kriminal për kultivim të bimëve narkotike, kapet dhe ndalohet 42-vjeçari i shpallur në kërkim kombëtar.

Si rezultat i kontrolleve dhe punës së inteligjencës policore, që kryhen në kuadër të megaoperacionit “Sundimi i ligjit”, për kapjen e shtetasve të shpallur në kërkim, Seksioni për Hetimin e Narkotikëve i DVP Lezhë, në bashkëpunim me Komisariatin e Policisë Kurbin, kapën në Kurbin, dhe vunë në pranga shtetasin Bledar Baboçi alias Bledar Noka alias Bledar Trokthi, 42 vjeç.

42-vjeçari kërkohej kombëtarisht, pasi autoritetet gjyqësore në Shqipëri e kanë dënuar me mbi 5 vjet burgim, për veprën penale “Kultivimi i bimëve narkotike”, kryer në kuadrin e grupit kriminal. Nga ky dënim, këtij shtetasi i kanë mbetur për të vuajtur 1 vit e 4 muaj.

Shtetasi Bledar Baboçi, alias Bledar Noka, alias Bledar Trokthi iu dorëzua Drejtorisë së Përgjithshme të Burgjeve, për kryerjen e veprimeve të mëtejshme.