DEVOLL, 1 TETOR 2025 – Një sherr mes disa personash ka përfunduar me dy të plagosur në qytetin e Bilishtit. Ngjarja ka ndodhur paraditen e sotme, ku sipas burimeve, konflikti fillimisht verbal degjeneroi në përdorimin e sendeve të forta dhe më pas edhe të armës së ftohtë.

Mësohet se Trajan Çeliku, i njohur nga policia si person problematik, së bashku me dy persona të tjerë ka dhunuar një 39-vjeçar me inicialet G.M., duke i shkaktuar dëmtime trupore. Pas sulmit, i dëmtuari ka nxjerrë një thikë dhe ka goditur njërin prej dhunuesve.

Burimet saktësojnë se palët kanë pasur konflikte edhe më parë për motive të dobëta, ndërsa sot përplasja ka nisur verbalisht dhe është përshkallëzuar në dhunë fizike. Pas ndërhyrjes së policisë, të plagosurit u dërguan në spital për mjekim, ndërsa më pas të gjithë personat e përfshirë janë shoqëruar në komisariatin e Devollit për të dhënë dëshmitë e tyre.

Grupi hetimor po punon për zbardhjen e plotë të rrethanave dhe dinamikës së ngjarjes.

Një konflikt mes pesë personave ka ndodhur sot në rrugën “Kurbini”, të Laçit.

Në pranga ka rënë Klajdi Rryta, i njohur edhe si Klajdi Tusha 37-vjeç, ndërsa 4 persona të tjerë janë shpallur në kërkim.

Ende nuk dihen shkaqet e sherrit, teksa raportohet se fatmirësisht nuk ka ndonjë person të dëmtuar.

Gjatë arrestimit, policia i gjeti 37-vjeçarit një armë zjarri e tipit “Glock”, me fishek në fole gati për qitje.

Arma me të cilën dyshohet se u qëllua edhe në ajër gjatë konfliktit u sekuestrua si provë materiale.

Njoftimi i policisë:

Pas njoftimit për një konflikt fizik ndërmjet disa shtetasve, rreth orës 11:00, në rrugën “Kurbini”, Laç, shërbimet e Komisariatit të Policisë Kurbin kanë ndërhyrë menjëherë, duke parandaluar përshkallëzimin e konfliktit fizik ndërmjet 5 shtetasve, gjatë të cilit dyshohet se është qëlluar edhe me armë zjarri.

Nga veprimet e shpejta u kap dhe u vu në pranga shtetasi K. R., alias K. T., 37 vjeç, banues në Tiranë, të cilit iu gjet dhe iu sekuestrua në cilësinë e provës materiale një armë zjarri e tipit “Glock”, me fishek në fole gati për qitje.

Nga të dhënat e para rezulton se shtetasit e tjerë të përfshirë në këtë konflikt, të identifikuar me iniciale G. D., 27 vjeç, banues në Tiranë; E. Sh., 29 vjeç; E. Sh., 34 vjeç; si dhe E. R., 32 vjeç, banues në Laç, janë shpallur në kërkim dhe po punohet për kapjen e tyre.

Nën drejtimin e Prokurorisë vijon puna për dokumentimin e plotë të ngjarjes dhe identifikimin e personave të tjerë të përfshirë në konflikt, nga i cili nuk ka të dëmtuar.

Materialet u referuan në Prokurorinë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Kanosja” dhe “Prishja e qetësisë publike”, të kryera në bashkëpunim

Korçë, 15 gusht 2025 – Një tjetër ngjarje e rëndë është regjistruar sot në fshatin Dvoran të Korçës, ku një 27-vjeçar ka mbetur i plagosur me thikë.

I dëmtuari, i identifikuar si Ari Kodra, është transportuar menjëherë drejt spitalit të Korçës, ku ndodhet në sallën e reanimacionit. Burime mjekësore bëjnë me dije se ai është në gjendje shëndetësore të stabilizuar.

Ndërkohë, forcat e policisë kanë bërë të mundur kapjen e autorit të dyshuar të plagosjes. Mësohet se edhe ai ka pësuar dëmtime dhe është nxjerrë nga banesa nën shoqërimin e uniformave blu për t’u dërguar në spital, ku po merr trajtim mjekësor.

Hetimet paraprake vijojnë për të sqaruar motivet e kësaj ngjarjeje, ndërsa policia lokale ka rritur masat e sigurisë në zonë. Një ditë më parë një 14-vjeçar humbi jetën nga sherri me thika në Maliq.

Sipas autoriteteve, i riu kur iu kërkua të tregonte dokumentet e tij, shpjegoi se nuk kishte leje drejtimi. Por kjo nuk është e gjitha. Një ndalesë rutinë në një pikë kontrolli të karabinierëve këtë fillimjavë përgjatë rrugës Nettunense në zonën e Aprilias, çoi karabinierët në arrestimin e një shqiptari 29-vjeçar.

Në një përpjekje për të fshehur gjurmët, ai u përpoq të ikte në këmbë, gjë që nuk e çoi shumë larg, megjithëse lëvizja e tij e papritur, e cila i lejoi të hapte derën me forcë, mund t’i kishte zënë në befasi dy oficerët. Gjatë përleshjes, njëri nga dy policët u plagos lehtë dhe u detyrua të kërkonte ndihmë mjekësore më vonë.

Gjatë procesit të identifikimit, karabinierët zbuluan se i riu ishte gjithashtu subjekt i një urdhri burgu të lëshuar korrikun e kaluar nga Gjykata e Romës, për krimin e posedimit të narkotikëve me qëllim shpërndarjen e tyre, siç është kokaina. Ngjarjet që nga korriku i vitit 2023 në Romë, informon media italiane.

Pese te plagosur eshte bilanci i një debati për një vend parkimi mbrëmjen e djeshme në Ksamil.

Ngjarja ka ndodhur pranë një zone të frekuentuar, ku pas një përplasjeje verbale mes disa personave, situata ka dalë jashtë kontrollit dhe është shoqëruar me dhunë fizike.

Të përfshirë në konflikt sipas policise, janë dy shtetas turq, Hasan Can Gurhan 26 vjeç dhe Aden Ugras 27 vjeç, të dy me banim në Kosovë, si dhe një banor i Ksamilit, Adriatik Mollanji.

Pas sherrit, të lënduarit janë transportuar në spitalin e Sarandës për trajtim mjekësor.

Fatmirësisht, sipas burimeve, asnjë prej tyre nuk ka marrë dëmtime serioze.

Forca të shumta policie kanë mbërritur në vendngjarje dhe kanë shoqëruar personat e përfshirë në komisariat, për të marrë dëshmitë dhe për të zbardhur rrethanat e ngjarjes.

Shkak i konfliktit dyshohet të jetë bërë një vend parkimi, por hetimet janë ende në vijim për të sqaruar plotësisht çfarë ndodhi.

KSAMIL- Një rast konfliktual është regjistruar mbrëmjen e sotme mes disa personave në Ksamil. Bëhet me dije se në konflikt janë përfshirë disa persona nga Turqia dhe një banor i Ksamilit. Gjithashtu mësohet se shkaku i nisjes së sherrit ka qenë një vend parkimi.

Ndërkohë, mësohet se policia ndodhet në vendngjarje dhe ka shoqëruar disa persona e nga ana tjetë sipas informacioneve, të lënduarit e sherrit të dhunshëm po marrin mjekim në spital

Një konflikt mes dy shqiptarëve në Itali ka përfunduar tragjikisht, me një person të vrarë dhe një tjetër të plagosur.

Sipas autoriteteve italiane, gjatë sherrit, një nga të përfshirët ka goditur me thikë në bark një shqiptar tjetër, i cili nuk ka mundur t’i mbijetojë plagëve dhe ka ndërruar jetë në vendngjarje.

Viktima është një burrë rreth 35 vjeç, por ende nuk është identifikuar, pasi nuk kishte dokumente me vete.

Policia dhe ekipet e emergjencës kanë ndërhyrë menjëherë në vendin e ngjarjes, ku kanë gjetur edhe një person tjetër të plagosur, një 21-vjeçar shqiptar, i cili dyshohet se është dëmtuar teksa përpiqej të ndihmonte viktimën nga sulmuesi.

Ai është dërguar në spital dhe ndodhet jashtë rrezikut për jetën.

Prokuroria ka urdhëruar nisjen e hetimeve për vrasje me dashje, ndërsa dy persona janë aktualisht nën hetim si të dyshuar.

Autori i dyshuar i vrasjes është ende në arrati dhe kërkimet për kapjen e tij janë në zhvillim. Thika e përdorur në sulm nuk është gjetur deri tani.

Një ngjarje e pazakontë ka ndodhur në qytetin bregdetar të Durrësit dy ditë më parë.

Policia e qytetit njoftoi sot se pas një përleshjeje mes tre personave me lidhje familjare mes tyre, kanë mbetur të plagosur dhe po mjekohen në spital dy prej tyre, të cilët janë babë e bir.

Por ajo që bie në sy është se konflikti fizik dhe i përgjakshëm ka ndodhur në varrezat e qytetit të Durrësit.

“Specialistët e Sektorit për Hetimin e Krimeve Durës arrestuan në flagrancë shtetasin A. V., 37 vjeç, pasi dje (17 prill), në varrezat e qytetit, dyshohet se ka goditur me send të fortë, për motive të dobëta, shtetasit R. Ç., 76 vjeç dhe O. Ç., 41 vjeç (babë e bir), familjarë të tij. Shtetasit e dëmtuar u dërguan në spital, për mjekim”, bëri me dije policia vendore.

Por për momentin nuk jepen detaje për dinamikën dhe shkaqet konkrete të këtij sherri, nëse konflikti ka ndodhur pas vizitës së varrit të ndonjë të afërmi apo për çështje që lidhen me ndonjë pronësi.

Një ngjarje veçanërisht e rëndë me të plagosur, ka ndodhur në Evosmos të Selanikut , konkretisht në kryqëzimin e Chrysostomou dhe Papagou, ku dy persona me origjinë shqiptare janë përfshirë në një përleshje të përgjakshme.

Sipas informacioneve, dy personat janë përplasur për një arsye të panjohur, me thikë.

Kalimtarët i kanë pikasur të gjakosur në një distancë të shkurtër nga njëri-tjetri dhe kanë njoftuar menjëherë shërbimet e urgjencës. Ambulancat kanë mbërritur në vendngjarje dhe kanë transportuar të plagosurit në Spitalin AHEPA.

Një situatë jo e këndshme ndodhi sot, pas ceremonisë së varrimit të reperit, Mentor Palokaj.

Sipas pamjeve të siguruara nga Gazeta Demos, disa persona u përfshinë në gati përleshje fizike, pas asaj të dukshme verbale.

Bazuar po ashtu në këto raportime, aty u dëgjuan sharje dhe po ashtu ofendime.

“Çka *** po këqyrë”, ishin fjalët të cilat u dëgjuan në këtë fjalosje.

Nuk dihet se kush ishin personat të cilët u përfshinë dhe shkaku që çoi në këtë situatë jo të këndshme.

E gjitha ndodhi në sy të reperit Unikkatil, i cili ishte po ashtu i pranishëm.

Varrimi i Mentor Palokajt u bë sot në varrezat e Gurakocit në Istog.

Ai u gjet i vdekur të dielën në një banesë në lagjen Arbëria në Prishtinë. Rrethanat që çuan deri tek vdekja e tij ende nuk janë bërë të ditura.

Policia në vendngjarje kishte gjetur një armë zjarri e po ashtu substancë të dyshuar narkotike.