Një aksident tragjik ka ndodhur në Turqi, ku një autobus ka dalë nga rruga dhe si pasojë është përmbysur, duke shkaktuar 9 viktima dhe 30 të plagosur. Mes viktimave është edhe shoferi i autobusit. Nga 30 pasagjerët e plagosur, 13 prej tyre janë në gjendje të rëndë.

Aksidenti ka ndodhur në orën 1:15 (ora lokale) të mëngjesit të ditës së martë. Sipas informacioneve, në autobus ndodheshin 43 persona, raportojnë mediat turke.

Ministri i Drejtësisë Yilmaz Tunc tha kanë nisur hetimet në lidhje me aksidentin tragjik.

Shkaku i aksidentit besohet të jetë moti i keq, ku si pasojë e shirave dhe rrugës së lagësht, shoferi besohet të ketë humbur kontrollin.

Guvernatori i Mersinit, Ali Hamza Pehlivan, i cili ishte i lidhur me transmetimin e NTV, tha: “Një aksident ndodhi kur humbi kontrollin e drejtimit të autobusit, i cili udhëtonte me 40 pasagjerë dhe 3 ekuipazh. Ne humbëm 9 qytetarë. 30 nga qytetarët tanë ishin të plagosur dhe dërguar në spitale. Gjendja e 13 nga 30 të plagosurit tanë është paksa e rëndë. Ka ndodhur një aksident i njëanshëm në dalje të tunelit. Fatkeqësisht shoferi i autobusit ka humbur jetën”.

Të paktën 18 emigrantë nga Venezuela dhe Haiti humbën jetën në një aksident automobilistik në Oaxaca,  Meksikë, njoftoi Prokurori i Përgjithshëm i shtetit.

Shumica e emigrantëve ishin nga Venezuela.

“Numri i përkohshëm është 18 të vdekur. Bëhet fjalë për dy gra, tre fëmijë dhe 13 burra. Të gjithë erdhën nga Venezuela dhe Haiti”, tha prokurori.

27 persona të tjerë u plagosën dhe u dërguan në spitalet lokale.

Fotografitë e publikuara nga shërbimi i mbrojtjes civile të Oaxaca tregojnë autobusin që transportonte emigrantët i cili u përmbys në një kthesë të mprehtë në rrugën që lidh atë shtet me Pueblan.

Një aksident tragjik raportohet nga Irani këtë të dielë, ku një autobus që transportonte një grup alpinistësh drejt Azerbajxhanit perëndimor u përmbys, raportojnë mediat e huaja.about:blank

Si pasojë e aksidentit të paktën 10 pasagjerë kanë humur jetën dhe 8 të tjerë kanë mbetur të plagosur. 

Minibusi ishte nisur nga Tabriz, qyteti më i madh në veriperëndim të Iranit, në një lartësi prej 1351 metrash, drejt një prej fshatrave turistikë të Warzghan që ndodhet rreth 60 kilometra larg, kur u përmbys.