Një aksident rrugor ndodhi mbrëmjen e sotme në aksin Tiranë–Elbasan, në zonën e Dopaj, ku një automjet dyshohet se po lëvizte me shpejtësi mbi normat e lejuara.

Sipas policisë, shoferi humbi kontrollin mbi drejtimin e mjetit, duke u përplasur me barrierat mbrojtëse anësore.

Përplasja ishte e fortë dhe solli përmbysjen e automjetit, duke shkaktuar panik tek drejtuesit e tjerë të mjeteve.

Fatmirësisht, nuk ka të lënduar me pasoja të rënda. Pasagjerët dhe drejtuesi kanë marrë vetëm dëmtime të lehta.

Autoritetet ndodhen në vendngjarje, ndërsa po hetohen shkaqet e aksidentit dhe po menaxhohet trafiku në zonë.

Në 24 orët e fundit, katër persona – përfshirë dy fëmijë, kanë humbur jetën në tri incidente të ndara gjatë përpjekjeve për të kaluar kanalin e La Mansh nga Franca në Mbretërinë e Bashkuar, raporton The Guardian.

Një incident ndodhi mbrëmjen e së martës pranë bregut të Sangattë, ku një gomone me 38 pasagjerë u fundos, duke shkaktuar vdekjen e tre personave, ndërsa tre të tjerë janë ende të zhdukur pas një aksidenti tjetër në Neufchatel-Hardelot, ku një anije me 115 pasagjerë u përfshi në një ngjarje të ngjashme.

Gjithashtu, një grua vdiq pas një përpjekjeje shpëtimi në anën britanike të kanalit, pasi u transportua me helikopter në Dover, por nuk mundi të shpëtohej.

DIVJAKË- Një aksident me vdekje ka ndodhur ditën e sotme në divjakë. Mësohet se një 62-vjeçar duke lëvizur me mjetin e tij bujqësore në rrugën e parcelave ka humbur kontrollin e mjetit duke u përmbysur në kanal.

Maliq Meta është bllokuar në mjet dhe si pasojë ka gjetur vdekjen e menjëhershme. Megjithatë edhe pse janë afruar menjëherë bashkëfshatarët e tjerë për t’i dhënë ndihmë nuk kanë arritur ta shpëtojnë.

Një aksident i rëndë ka ndodhur në autostradën A19 në Mecklenburg-Pomerania Perëndimore, në Gjermaninë veriore, ku një autobus i kompanisë Flixbus doli nga rruga dhe u përmbys, duke shkaktuar panik mes pasagjerëve.

Sipas autoriteteve gjermane, të paktën 20 persona kanë mbetur të plagosur, ndërsa një prej tyre është në gjendje kritike. Një pasagjer mbeti i bllokuar për rreth dy orë brenda autobusit përpara se të shpëtohej nga ekipet e emergjencës.

Autobusi po udhëtonte nga Kopenhaga drejt Vjenës dhe kishte gjithsej 53 pasagjerë dhe dy shoferë në bord. Aksidenti ndodhi në afërsi të kryqëzimit Röbel, në drejtim të Berlinit.

Sipas informacioneve paraprake, autobusi ka devijuar fillimisht në të djathtë të rrugës dhe më pas është përmbysur. Shkaku i saktë i aksidentit mbetet ende i paqartë dhe policia ka nisur hetimet për të zbardhur ngjarjen.

Pamjet nga vendi i ngjarjes tregojnë përmasat dramatike të përmbysjes, ndërsa ekipet e shpëtimit kanë punuar me orë për të nxjerrë të lënduarit dhe për të siguruar zonën.

Një aksident automobilistik është regjistruar mbrëmjen e kësaj të marte në vendin e quajtur “Shkalla e Tujanit”, në Rugën e Arbrit.

Siç shihet edhe në pamjet e mësipërme, një kamion me ngarkesë është përmbysur në mes të rrugës.

Si pasojë e aksidentit ka mbetur i plagosur drejtuesi i kamionit, i cili është dërguar në spital për të marrë ndihmë mjekësore.

Policia ndodhet në vendin e ngjarjes, teksa si pasojë e aksidentit ka patur edhe bllokim të këtij aksi rrugor.

Një aksident ka ndodhur pak minuta më parë në aksin Fier-Levan, ku një furgon pasagjerësh është përmbysur në rrugë.

Sipas burimeve policore, në automjet ndodhej vetëm drejtuesi, i cili dyshohet se ka humbur kontrollin për shkak të lagështirës në rrugë.

Shoferi është transportuar drejt Spitalit Rajonal Fier për të marrë ndihmën mjekësore. Gjendja e tij shëndetësore ende nuk është bërë e ditur.

Një tragjedi ka goditur Republikën Demokratike të Kongos, ku të paktën 148 persona kanë humbur jetën pasi një varkë motorike prej druri mori flakë dhe u përmbys. Mjeti lundrues, i quajtur “HB Kongolo”, po transportonte rreth 500 pasagjerë, përfshirë gra dhe fëmijë.

Varka ishte nisur nga porti Matankumu dhe kishte si destinacion zonën Bolomba. Fatkeqësisht, gjatë udhëtimit, shpërtheu zjarr si pasojë e gatimit në bord nga një grua, sipas deklaratës së zyrtarit të transportit, Compétent Loyoko. Rreth 100 persona kanë arritur të mbijetojnë dhe janë strehuar në ndërtesën e këshillit lokal, ndërsa të lënduarit janë dërguar për mjekim në spitalet përreth. Megjithatë, qindra të tjerë ende rezultojnë të zhdukur.

Aksidente të tilla janë të shpeshta në Kongo, ku varkat tradicionale prej druri përdoren gjerësisht për transport dhe shpesh tejkalojnë kapacitetin e lejuar. Vetëm vitin e kaluar, 78 persona humbën jetën në një tjetër aksident të ngjashëm në liqenin Kivu.

Një aksident tragjik ka ndodhur në Bolivi, ku një autobus pasagjerësh është përmbysur në qytetin Cerdas, në zonën e Potosit, duke lënë së paku 19 të vdekur dhe 9 të plagosur.

Mes viktimave janë 14 gra dhe dy të mitur. Të plagosurit janë transportuar me urgjencë në spital për trajtim. Hetimet e para sugjerojnë se aksidenti mund të ketë ndodhur për shkak të shpejtësisë së lartë.

Autobusi, i cili kishte kapacitet për 50 pasagjerë, po udhëtonte në një distancë të gjatë prej rreth 850 km, nga La Paz në Villazon, një qytet që ndodhet pranë kufirit me Argjentinën.

Një aksident i rëndë ndodhi rreth mesditës të kësaj të hëne në rrugën kombëtare Librazhd-Prrenjas.

Burime nga vendngjarja bënë me dije se aksidenti ndodhi në vendin e quajtur ” Kthesat e Dragostunjës “, 3 km larg qytetit të Librazhdit.

Sipas burimeve nga vendngjarja një autoveturë që dyshohet se po qarkullonte me shpejtësi në tentativë parakalimi ka humbur drejtimin e lëvizjes dhe është përmbysur në rrugë.

Ndërkohë drejtuesi i automjet dhe një person tjetër si pasojë e aksidentit kanë mbetur të plagosur.Paraprakisht nuk dihet gjendja e tyre , ndërsa transporti i tyre për në spital është i vështirë për shkak të qarkullimit jashtëzakonisht të dendur të automjeteve në këtë aks të rrugës kombëtare.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Përmbyset mjeti bujqësor, humb jetën drejtuesi.

‘Rreth orës 18:20, në fshatin Moglicë, Maliq, një mjet bujqësor që drejtohej nga shtetasi Sejfulla Gjata, 61 vjeç, në rrethana ende të paqarta është përmbysur.

Si pasojë drejtuesi i mjetit buqësor ka ndërruar jetë.

Grupi hetimor po punon për sqarimin e rrethanave dhe shkakut të rastit, njofton policia vendore.