Kosovë- Reshjet e fuqishme të shiut dhe breshërit kanë përfshirë disa rajone të vendit, duke përfshirë Brezovicën, Gjilanin, Ferizajn dhe disa fshatra të Gjakovës.

Stuhi të pasdites së sotme kanë përmbytur rrugë, e oborre, ndërsa pamjet e publikuara në rrjetet sociale tregojnë nivel të lartë të ujit dhe breshër të dendur në shumë zona.

Në Brezovicë, një nga destinacionet më të njohura turistike në Kosovë, rruga kryesore që çon në qendrën turistike është bërë e pakalueshme për shkak të vërshimeve.

Ndërkohë, përmbytje janë raportuar edhe në Gjilan dhe Ferizaj. Në Gjilan, disa rrugë urbane janë mbuluar nga uji, duke vështirësuar qarkullimin dhe duke rrezikuar bizneset dhe banesat në nivelet e ulëta.

Në komunën e Gjakovës, disa fshatra janë përballur me reshje të dendura të shoqëruara me breshër. Pamje të publikuara tregojnë oborre të mbuluara nga uji dhe breshëri i madh.

Kompania për Distribuimin e Energjisë Elektrike në Kosovë njoftoi se një numri “të konsiderueshëm” të konsumatorëve u është ndalur rryma në pjesë të vendit, veçanërish në rajonin e Anamoravës, për shkak të reshjeve të shiut e breshërit. KEDS tha se ekipet e tyre janë në terren dhe po punojnë “pa ndërprerje” për ta rikthyer energjinë elektrike” sa më shpejt që të jetë e mundur”.

ITALI- Rajoni veriperëndimor italian është sot në alarm të kuq, pasi një valë moti ekstrem vazhdon të godasë Italinë, veçanërisht pjesën veriore të vendit. Shirat e rrëmbyeshëm dhe erërat e forta kanë shkaktuar ndërprerje të mëdha, ku përmbytjet kanë krijuar probleme në trafikun rrugor dhe hekurudhor.

Në Torino, autoritetet komunale mbyllën hyrjet dhe daljet e rrugëve, për shkak të rritjes së nivelit të lumit Dora Baltea. Ndërsa në Milano u mbyllën parqet për shkak të shiut të dendur dhe erërave të forta.

DURRËS- Moti i keq dhe reshjet e dendura të shiut kanë përfshirë Durrësin dhe disa qytete të vendit. Si pasojë janë përmbytur disa lagje në Durrës si Stacioni i Trenit, Stadiumi dhe lagjia nr.17.

Rrugët janë mbushur me uji ndërsa shkojnë afër me nivelin e trotuarit. Teksa mjetet kalojnë uji vërshon edhe në trotuar duke vështirësuar kalimin për këmbësorët që në ditë me shi janë të deyruar të vijojnë rutinën e tyre.

Ndërkohë po ashtu hyrja dhe dalja e Durrësit nga Ura e Dajlanit deri tek stacioni i Trenit gjithashtu e përmbytur.

Reshjet e dendura te shiut kanë shkaktuar përmbytje dhe rrëshqitje të dheut në Italinë qendrore dhe veriore.

Zjarrfikësit italianë punuan gjatë natës të enjten për të shpëtuar njerëzit nw rajonet e prekura.

Sipas departamentit të zjarrfikësve, rreth 350 operacione për të kufizuar dëmet dhe shpëtimin e njerëzve u kryen midis të enjtes dhe të premtes në rajonet e Ligurias, Toskanës dhe Emilia Romagnas, raporton agjencia e lajmeve AP.

Në Liguria, një nga rajonet më të prekura, 100 ndërhyrje urgjente u kryen kryesisht në zonën e Genoas.

Shumë nga njerëzit e shpëtuar ishin bllokuar në automjetet e tyre ose në katet e poshtme të shtëpive për shkak të rritjes së nivelit të ujit.

Në provincën e Sienës në Toskanë, u kryen 60 shpëtime të lidhura me motin, ndërsa në provincën Livorno, në rajonin e Liguria, 30 persona u shpëtuan gjatë natës kur lumi Cornia doli nga shtrati.

Mbrojtja Civile lëshoi të enjten një nivel alarmi portokalli për ditët në vijim në pesë rajone në Italinë veriore dhe qendrore.

Përmbytjet e shkaktuara nga shirat e rrëmbyeshëm në Brazilin jugor kanë vrarë 56 persona dhe kanë lënë të paktën 67 të tjerë të zhdukur, sipas të dhënave të fundit të publikuara sot nga agjencia e mbrojtjes civile.

Sipas autoriteteve të Rio Grande do Sul, pothuajse 25,000 njerëz u detyruan të largoheshin nga shtëpitë e tyre pasi stuhitë goditën më shumë se gjysmën e 497 qyteteve në këtë shtet që kufizohet me Uruguain dhe Argjentinën.

Rrugët dhe urat u shkatërruan nga ujërat në shumë zona. U shkaktuan gjithashtu rrëshqitje dheu dhe u shemb pjesërisht një digë në një hidrocentral të vogël. Ekziston edhe rreziku i shembjes së një dige të dytë, në qytetin e Bento Gonçalves.

Në Porto Alegre, kryeqyteti i Rio Grande do Sul, lumi Guaiba ka vërshuar duke përmbytur rrugët. Aeroporti Ndërkombëtar i Porto Alegre pezulloi të gjitha fluturimet për një kohë të pacaktuar.

Guvernatori i shtetit Eduardo Leyte u tha gazetarëve se numri i të vdekurve mund të rritet. Në pjesët veriore të shtetit sot priten sërish reshje shiu dhe autoritetet u kanë bërë thirrje atyre që jetojnë në komunitete në rrezik të kërkojnë strehim diku tjetër.

Komunitetet bregdetare në Kaliforninë jugore po shpresojnë për më të mirën, por po përgatiten për më të keqen, pasi Uragani Hilary u përplas ne gadishullim Baja California të Meksikës të shtunën.

Qendra Kombëtare e Uraganeve tha se uragani po dobësohej në rrugën e tij drejt bregut perëndimor-qendror të gadishullit të shtunën në mbrëmje.

Ai parashikoi se do të humbiste më shumë forcë dhe do të shndërrohej në një stuhi tropikale ndërsa do të shkonte drejt Kalifornisë jugore të dielën.

“Përmbytje të shpejta dhe urbane, në nivel lokal, katastrofike, priten, veçanërisht në pjesët veriore të gadishullit”, tha agjencia me bazë në Miami në këshillën e saj të fundit.

“Po pres një stuhi te forte me shumë shi. Jam i vetëdijshëm se të jetë një stuhi tropikale. Jam i shqetësuar për përmbytjet, kryesisht për jetën e njerëzve.