Të paktën 400 persona kanë humbur jetën dhe mbi 190 të tjerë janë plagosur në Pakistan gjatë 10 ditëve të fundit për shkak të shirave të rrëmbyeshëm dhe përmbytjeve të mëdha që kanë goditur rajonet Khyber Pakhtunkhwar, Gilgit-Baltistan dhe Kashmir. Mbi 20,000 persona mbeten të zhvendosur.

Zyra e Kombeve të Bashkuara për Koordinimin e Çështjeve Humanitare (OCHA) njoftoi se viktimat kanë nevojë urgjente për strehim, ndihmë mjekësore, ushqim, pako higjienike, ujë të pijshëm dhe mbrojtje, veçanërisht gratë dhe vajzat.

Departamenti Meteorologjik i Pakistanit parashikon mbërritjen e një sistemi të ri musonësh, me shira të rrëmbyeshëm që pritet të vazhdojnë në ditët e ardhshme, duke rrezikuar situatën aktuale.

Që nga fillimi i sezonit të musonëve më 26 qershor 2025, Pakistani ka regjistruar gjithsej 798 vdekje dhe mbi 1,000 të plagosur si pasojë e shirave të rrëmbyeshëm dhe përmbytjeve, sipas autoriteteve kombëtare.

Një stuhi e pazakontë ka goditur Moskën, duke sjellë reshje shiu me intensitet të jashtëzakonshëm, të cilat mediat lokale i kanë quajtur “rrebesh tropikal”.

Brenda vetëm pak orësh, në kryeqytetin rus ka rënë sasia e shiut që zakonisht bie për dy javë deri në një muaj të plotë.

Sipas autoriteteve meteorologjike, shirat e rrëmbyeshëm kanë shkaktuar përmbytje të shumta në pjesë të ndryshme të qytetit.

Kalimet nëntokësore për këmbësorë janë mbushur me ujë, duke i bërë të pakalueshme. Po ashtu, shumë qendra tregtare, supermarkete dhe parkingje nëntokësore janë përmbytur, duke shkaktuar dëme materiale dhe ndërprerje të aktivitetit normal.

Autoritetet kanë nisur operacionet e emergjencës për të larguar ujin dhe për të ndihmuar qytetarët e bllokuar në zona të përmbytura. Trafiku është rënduar ndjeshëm dhe ka raportime për bllokime rrugësh dhe automjete të ngecura në ujë.

Ky fenomen i rrallë për klimën e Moskës ngre shqetësime për ndryshimet klimatike dhe përgatitjen e qyteteve të mëdha për ngjarje ekstreme të motit që po bëhen gjithnjë e më të shpeshta.

Pesë persona kanë humbur jetën si pasojë e përmbytjeve që kanë përfshirë Uellsin e Ri Jugor, Australi.

Autoritetet australiane filluan punën të shtunën për të riparuar dëmet e shkaktuara nga përmbytjet shkatërruese në pjesën juglindore të vendit, të cilat kanë marrë jetën e të paktën pesë personave, raportojnë mediat e huaja.

Shërbimet e emergjencës në shtetin e Uellsit të Ri Jugor njoftuan më herët se po vazhdojnë vlerësimin e dëmeve nga përmbytjet që përfshiu rajonin ditët e fundit.

Kryeministri Anthony Albanese, i cili u detyrua të anulonte vizitën e tij në Taree të premten për shkak të përmbytjeve, tha se ishte “e tmerrshme të dëgjoje lajmin për humbje të mëtejshme jetësh”.

Shirat e rrëmbyeshëm shkaktuan fryrje të lumenjve, duke rezultuar në përmbytje të zonave të gjera, duke bllokuar afërsisht 50,000 banorë, shumë prej të cilëve u strehuan në çatitë e ndërtesave duke pritur ndihmë nga ekipet e shpëtimit.

Shirat e rrëmbyeshëm shkaktuan përmbytje të lumenjve, duke rezultuar në përmbytje të zonave të gjera, duke bllokuar afërsisht 50,000 banorë, shumë prej të cilëve u strehuan në çatitë e ndërtesave duke pritur ndihmë nga ekipet e shpëtimit.

Shirat e rrëmbyeshëm dhe përmbytjet kanë vrarë të paktën 33 njerëz në Kinshasa, kryeqyteti i Republikës Demokratike të Kongos.

Banorët e dëshpëruar po përpiqen të ikin nga përmbytjet duke ecur, duke notuar ose duke vozitur për të siguruar sigurinë me kanoe të bëra vetë

Përmbytjet janë të zakonshme, lumi kohët e fundit arriti nivelin e tij më të lartë në gjashtë dekada. Pjesë të kryeqytetit janë të prirura ndaj erozionit të tokës dhe vitet e fundit presidenti kongolez ka paralajmëruar se kriza klimatike po i përkeqëson përmbytjet .

Shumë shtëpi në Kinshasa perëndimore u shkatërruan pas përmbytjeve gjatë natës nga e premtja në të shtunën.

Rreth gjysma e 26 rretheve të qytetit janë prekur në total, sipas kryebashkiakut të kryeqytetit, i cili thotë se ekipet e kërkim-shpëtimit janë dërguar.

Më të prekura janë periferitë e qytetit si dhe disa nga lagjet e tij më të varfra.

“Uji ka arritur 1.5 metra lartësi. Ne sapo kemi arritur të shpëtojmë veten, pjesa tjetër është bllokuar në shtëpitë tona,” tha Christophe Bola, i cili jeton në zonën Ndanu për agjencinë e lajmeve AFP.

Banorë të tjerë vendas u kanë thënë gazetarëve se janë të zemëruar me autoritetet, duke i akuzuar se janë shumë të ngadaltë për të reaguar dhe se nuk kanë dërguar ndihmë të mjaftueshme.

Autoritetet kane rritur numrin e viktimave nga përmbytjet në Spanjë, duke shkuar në 140 te vdekur, sipas raportimeve yzrtare, njoftoi agjencia shtetërore e lajmeve EFE.

Përmbytjet e tmerrshme në historinë moderne të Spanjës kanë përfshirë rajonin lindor të Valencias, pasi shirat e rrëmbyeshëm goditën rajonin të martën dhe të mërkurën, duke kthyer rrugët në lumenjë.

Presidenti i qeverisë së Valencias, Carlos Mazon, është ai mbi të cilin janë drejtuar të gjithë gishtat e atyre që kërkojnë përgjegjësinë për fatkeqësinë vdekjeprurëse që futi në zi Spanjën.

SPANJA- Të paktën 51 njerëz kanë vdekur nga përmbytjet si pasojë e shirave të rrëmbyeshme të martën në rajonin lindor të Spanjës, Valencia, njoftuan autoritetet të mërkurën. Shirat e rrëmbyeshme gjatë ditës së martë bënë që rrugë dhe qytete të përmbyten. Pamje të publikuara në rrjetet sociale shfaqën njerëz që kanë ngecur si pasojë e përmbytjeve, disa prej të cilëve duke u ngjitur në pemë. Carlos Mazon, shefi rajonal i Valencias, tha për shtyp se disa njerëz kanë mbetur të ngujuar në vende jo të qasshme.

“Nëse [shërbimet emergjente] nuk kanë mbërritur, nuk është si pasojë e mungesës së mjeteve, por për shkak të qasjes”, tha Mazon, duke shtuar se arritja në disa zona është “plotësisht e pamundur”.

Shërbimet emergjente në rajon u bënë thirrje qytetarëve ta shmangin udhëtimin rrugëve dhe u kërkuan t’i përcjellin përditësimet shtesë nga burimet zyrtare. Transporti me tren në qytetet Madrid dhe Barcelonë është anuluar për shkak të vërshimeve, ndërsa shkollat dhe shërbimet e tjera thelbësore janë pezulluar në zonat më të goditura.

Instituti Meteorologjik i Spanjës, AEMET, shpalli alarm të kuq në Valencia. Duket se ky është numri më i madh i të vdekurve në Evropë nga përmbytjet që prej vitit 2021, kur gati 200 njerëz vdiqën, kryesisht në Gjermani. Shkencëtarët thonë se fatkeqësitë natyrore në rajon po shpeshtohen për shkak të ndryshimeve klimatike. Meteorologët mendojnë se ngrohja e Mesdheut, e cila e rrit avullimin e ujit, bën që shirat e rrëmbyeshme të jenë shumë më të mëdha./ REL

VLORË- Qyteti i Vlorës është zgjuar nën ujë, pasi moti i keq goditi vendin tonë. Situata më alarmante ishte në qarkun e Vlorës ku reshjet intensive të shiut shkaktuan përmbytje të mëdha.

33 familjet e evakuuara kanë kaluar natën larg banesave të tyre, ndërsa Bashkia e Vlorës i strehoi në konvikt. Bëhet fjalë për të paktën 55 persona në total nga 33 familje.

Si asnjëherë më parë, të gjitha rrugët e qytetit u pushtuan nga uji dhe lagjet u bllokuan ku niveli i ujit arriti deri 50-60 cm.

Rrugët u kthyen në ‘lumenj’ duke shkaktuar dëme të mëdha në banesa e biznese.

Po punohet për normalizimin e situatës. Në ndihmë janë edhe forcat e ushtrisë.

Të paktën 129 persona kanë humbur jetën nga përmbytjet në Nepal, ndërsa 62 persona janë të zhdukur, raportojnë sot mediat lokale.

Për shkak të përmbytjeve dhe rrëshqitjeve të dheut në vendin me rreth 30 milionë banorë, shkollat ​​do të mbyllen për tre ditët e ardhshme, konfirmuan sot zyrtarët lokalë, njoftoi Reuters.

Përmbytjet kanë paralizuar trafikun dhe aktivitetet e përditshme në Luginën e Katmandu, dhe tre autostrada, duke përfshirë rrugën kryesore Prithvi që lidh Katmandu me pjesën tjetër të vendit, janë bllokuar nga rrëshqitjet e dheut, tha zëdhënësi i ministrisë së brendshme të Nepalit, Rishiram Tiëari.

“Trafiku i autobusëve është i ndaluar në rrugë gjatë natës dhe shoferët këshillohen të mos dalin në rrugë. Shiu pritet të vazhdojë gjatë fundjavës”, tha Tiwari, raportoi AP më herët.

Pjesë të Katmandu u përmbytën plotësisht, si dhe shumë shtëpi, duke i detyruar banorët të strehoheshin në katet e fundit të ndërtesave të tyre të banimit dhe forcat e sigurisë nepaleze u vunë në gatishmëri të lartë.

Mbi 150 persona kanë humbur jetën dhe shumë të tjerë janë shpallur të zhdukur si pasojë e tajfunit “Yagi” i cili prej disa ditësh ka goditur Vietnamin dhe vendet përreth.

Rreth 210,000 hektarë të mbjella u shkatërruan, thanë zyrtarët e Ministrisë së Bujqësisë, teksa dëmet janë të pallogaritshme.

Autoritetet nuk specifikuan nëse numri i ri i vdekjeve merr parasysh rrëshqitjen e dheut që la 22 të vdekur dhe 73 të zhdukur në provincën Lao Cai.

Moti i keq ndërpreu energjinë elektrike për miliona familje dhe kompani, përmbyti autostradat, ndërpreu rrjetet e telekomunikacionit, rrëzoi mijëra pemë dhe ndaloi aktivitetin ekonomik për shumë qendra industriale.

Para se të godiste Vietnamin, Yagi goditi Kinën jugore dhe Filipinet, duke vrarë të paktën 24 njerëz dhe duke plagosur dhjetëra të tjerë.

Italia është përfshirë nga moti i keq ditët e fundit. Shirat e rrëmbyer dhe stuhitë e erës janë kthyer në shqetësim serioz për banorët në provioncën e Avelinos dhe Pulias, ku raportohet edhe për makina të bllokuara në rrugë.

Sipas asaj që raporton “Corriere Della Sera”, situata më e rëndë raportohet në komunën e Mugnano del Cardinale, ku një përrua përmbyti, një ga rrugët kryesore që lidh komunat Sirignano dhe Baiano.

Forcat zjarrfikëse të Avelinos, Mbrojtja Civile dhe karibineria ndërhynë në vend për të bërë zonën të sigurt.

Aktualisht janë duke u zhvilluar operacionet e restaurimit të arterieve rrugore