GJIROKASTËR- 60-vjeçari i cili u përplas mbrëmjen e djeshmë nga një makinë në aksin rrugor Gjirokastër-Kakavijë ka ndërruar jetë në spital.

Aksidenti ka ndodhur dje rreth orës 22:30, në vendin e quajtur “Kryqëzimi i Glinës”, ku një 29-vjeçar ka përplasur këmbësorin 60 vjeç. Ky i fundit u dërgua në spitalin rajonal të Gjirokastrës por nuk i ka mbijetuar plagëve të marra.

Bëhet me dije se drejtuesi i automjeti është shoqëruar në komisariat për veprime të mëtejshme hetimore.

Një aksident ka ndodhur ditën e sotme në rrugën Ferrit Xhajko.

Mësohet se aksidenti ka ndodhur në orët e para të mëngjesit. 

Ndërkohë që një makinë ka përplasur një motor. Deri më tani nuk raportohet per persona të lënduar apo viktima nga aksidenti. 

Këngëtari amerikan i country-t, Conner Smith, është përfshirë në një aksident tragjik automobilistik në fundjavë në Nashville. Mediat e huaja shkruajnë se dyshohet se ka përplasur për vdekje një grua që po kalonte në vijat e bardha.

Ngjarja e rëndë ndodhi të dielën, më 8 qershor, kur 24-vjeçari po drejtonte një makinë tip “Chevrolet Silverado” dhe përplasi 77-vjeçaren Dorothy Dobbins. Viktima po kalonte rrugën në një zonë të shënuar për këmbësorë, sipas një deklarate nga Policia Metropolitane e Nashville-it.

Dobbins, që banonte pranë vendit të ngjarjes, u transportua menjëherë në Qendrën Mjekësore të Universitetit Vanderbilt, ku më vonë ndërroi jetë.

Sipas policisë, faktori paraprak që çoi në aksident ishte “mosdhënia e përparësisë ndaj këmbësores” nga ana e Smith. Autoritetet shtuan se ai “nuk paraqiste shenja të dëmtimit nga substanca”.

Hetimet mbi aksidentin vazhdojnë dhe për momentin nuk është ngritur asnjë akuzë ndaj këngëtarit.

Tiranë- Një aksident është regjistruar mesditen e sotme në Tiranë. Aksidenti raportohet se ka ndodhur në Unazën e Madhe.

Një makinë ka përplasur një të moshuar, që po ecte me biçikletë. Nga përplasja ka mbetur i plagosur i moshuari. Siç shihet edhe nga pamjet nga vendi i ngjarjes, ambulanca dhe policia kanë shkuar menjëherë dhe po punojnë për zbardhjen e shkaqëve të aksidentit.

Aksident në Lezhë: Shoferi godet dy këmbësore dhe largohet nga vendngjarja, arrestohet më pas në gjendje të dehur

Lezhë – Një aksident i rëndë është regjistruar pasditen e sotme, rreth orës 16:30, në lagjen “Gurra” të qytetit të Lezhës, ku një automjet ka përplasur dy këmbësore dhe më pas është larguar nga vendi i ngjarjes.

Sipas njoftimit zyrtar, 27-vjeçari A. J., duke drejtuar automjetin e tij, ka aksidentuar shtetaset P. D., 59 vjeçe, dhe Xh. D., 20 vjeçe.

Të dyja të dëmtuarat janë dërguar në spital, ku mësohet se 59-vjeçarja ndodhet në gjendje të rëndë shëndetësore.

Pas disa orësh, drejtuesi i automjetit është lokalizuar dhe është shoqëruar në ambientet e Policisë së Lezhës. Nga testimi me aparatin e alkoolit, rezultoi se ai ndodhej në gjendje të dehur në momentin e aksidentit.

27-vjeçari A. J. është arrestuar në flagrancë dhe ndaj tij rëndojnë tre akuza penale: “Shkelja e rregullave të qarkullimit rrugor”, “Drejtimi i mjetit në mënyrë të parregullt” dhe “Largimi nga vendi i aksidentit”.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme hetimore. /noa.al

Aksident në Vlorë, 74-vjeçarja në gjendje të rëndë – arrestohet drejtuesi i mjetit

Vlorë – Një aksident i rëndë rrugor është shënuar dje më 10 maj 2025 në rrugën “Gjergj Araniti” në Vlorë, ku një 74-vjeçare mbeti e plagosur rëndë.

Drejtoria Vendore e Policisë Vlorë bën me dije se u arrestua në flagrancë shtetasi B. B., 41 vjeç, banues në lagjen “1 Maj”, Vlorë.

Sipas Policisë, ai po drejtonte një automjet tip “Ford” kur aksidentoi shtetasen Sh. H., 74 vjeçe, e cila u transportua menjëherë në Spitalin e Traumës në Tiranë dhe ndodhet në gjendje të rëndë shëndetësore.

Materialet në lidhje me rastin janë referuar në Prokurori për veprime të mëtejshme, ndërkohë që hetimet vazhdojnë për të përcaktuar shkaqet dhe rrethanat e aksidentit. /noa.al

Ditën e sotme një aksident me vdekje ka ndodhur në aksin rrugor Fllakë-Bisht Kamëz.

16-vjeçari drejtuesi i makinës tip Volkswagen ka përplasur një këmbësor, i cili si pasojë ka humbur jetën në vendngjarje. Ndërsa drejtuesi i makinës 16-vjeçari nuk ka dëmtime.

Dhe ai u arrestua në fillim të marsit. Ai ndodhej në burg për shkak të indikacioneve të rënda të fajit dhe elementëve të shumtë të grumbulluar që mbështetnin hipotezën e një aktiviteti të lulëzuar të trafikut të drogës, të menaxhuar së bashku me bashkatdhetarët e tjerë. Gjykata rishikuese e Firences pranoi pjesërisht ankimin e avokatit Umberto Leo dhe zëvendësoi masën e sigurimit arrest me burg me atë të arrestit shtëpiak.

Një aksident rrugor është regjistruar paraditen e sotme në afërsi të shkollës “7 Marsi” në Tiranë. Sipas raportimeve nga vendngjarja, një automjet ka përplasur një këmbësor, i cili ndodhej te vizat e bardha.

Ende nuk dihen detaje të sakta mbi gjendjen shëndetësore të këmbësorit, ndërsa shërbimet e emergjencës janë lajmëruar dhe kanë mbërritur në vendngjarje për t’i ofruar ndihmën e parë.

Policia ka nisur hetimet për të zbardhur shkaqet e aksidentit dhe për të përcaktuar përgjegjësinë e drejtuesit të mjetit. Ndërkohë, lëvizja e automjeteve në zonë ka pësuar ngadalësime për shkak të incidentit.

Aksident në Qafë Plloçë, një mjet përplas një person me biçikletë.

Mësohet se ambulanca është drejt vendit të ngjarjes, nuk dihet ende gjendja shëndetësore e të dëmtuarit por burime nga vendngjarja thonë se drejtuesi i biçikletës ka marrë dëmtime por nuk paraqitet në gjendje të rëndë.

Policia ndodhet në vendngjarje për zbardhjen e rrethanave.

Një aksident ka ndodhur në aksin rrugor Lezhë-Shkodër, pranë kryqëzimit të Gjadrit.

Një makinë ka përplasur me një motor dhe për pasojë ka mbetur i plagosur rëndë drejtuesi i motorit.

Sipas të dhënave paraprake, përplasja ka qenë e fortë, dhe i plagosuri është dërguar me urgjencë në spitalin rajonal të Lezhës.