Një aksident ka ndodhur në aksin nacional Pogradec-Qafë Thanë në afërsi të fshatit Mëmëlisht.

Sipas policisë në këtë aksident janë përfshirë dy mjete të cilat kanë pësuar dëme të shumta materiale, por jo dëme në njerëz.

Në vendngjarje ndodhet policia dhe po punon për shkaqet dhe rrethanat e aksidentit.

Pavarësisht se jemi në ditën e parë të vitit, aksidentet nuk kanë të ndalur, ku vetëm në pak orë, janë regjistruar dy aksidente po në këtë aks.

Në aksin nacional Pogradec-Qafë Thanë, në afërsi të fshatit Buqezë, është regjistruar një aksident, ku sipas informacioneve të para në këtë aksident, janë përfshirë dy mjete ndërsa paraprakisht raportohet edhe për të plagosur.

Aksidenti sapo ka ndodhur policia dhe një ambulancë në vendngjarje.

Siç shihet edhe nga pamjet, aksidenti ka krijuar edhe trafik.

Një tjetër aksident është regjistruar pak minuta më parë në afërsi të Qafës së Koshonicës, ku dy automjete janë përplasur me njëra tjetrën.

Një automjet tip “Benz” është përplasur me një furgon mallrash dhe si pasojë e përplasjes së fortë janë plagosur dy drejtuesit e mjeteve, të cilët janë dërguar me urgjencë drejt spitalit rajonal të Fierit.

Në vendngjarje ndodhet policia dhe grupi hetimor të cilët po zbardhin dinamiken e këtij aksidenti të rëndë, jo vetëm me të plagosur, por edhe me dëme të shumta materiale.

Furgoni pas daljes nga rruga ka përfunduar në kanalin anësor teksa është kthyer përmbys. Ndërkohë në këtë aks është krijuar edhe një radhë e gjatë automjetesh prej disa kilometrash.