LOS ANGELES, 21 TETOR 2025 – Një ndjekje spektakolare policore në Kaliforni ka përfunduar në tragjedi, kur një hajdut i dyshuar humbi jetën pas një përplasjeje të tmerrshme në autostradë. Ngjarja u transmetua drejtpërdrejt në televizion nga helikopteri i “CBS Los Angeles”, ndërsa pamjet tronditëse lanë të shokuar shikuesit dhe spikerët në studio.

Sipas autoriteteve amerikane, ndjekja nisi në lagjen kineze të Los Angeles-it, ku policia po përpiqej të ndalonte një furgon të bardhë të vjedhur. Hajduti u përpoq të largohej me shpejtësi, duke hyrë në autostradë mes trafikut të dendur. Në një moment, ndërsa furgoni po lëvizte ngadalë, ai doli nga dritarja dhe tentoi të kapërcente barrierën ndarëse të rrugës për të ikur në këmbë.

Por përpjekja e tij për t’i shpëtuar policisë përfundoi fatalisht. Pasi u pengua dhe ra në asfalt, ai u godit fillimisht nga një makinë që po kalonte me shpejtësi. Edhe pse u përpoq të ngrihej, u përplas menjëherë nga dy automjete të tjera, duke humbur jetën në vend.

Policia e Los Angeles ka nisur hetimet për të sqaruar rrethanat e ndjekjes dhe identitetin e viktimës. Ngjarja ka ngjallur reagime të shumta në rrjetet sociale, ku shumë shikues kanë kritikuar transmetimin e drejtpërdrejtë të pamjeve dramatike, ndërsa të tjerë e kanë cilësuar një dëshmi tronditëse të rrezikut që mbartin ndjekjet policore në rrugët e SHBA-së.

Një ngjarje tragjike ka ndodhur në orët e para të mëngjesit të sotëm në aksin rrugor Peqin–Elbasan, ku një aksident i rëndë mes një furgoni dhe një makine pastrimi ka shkaktuar humbjen e jetës së një punonjësi të pastrimit.

Sipas raportimeve nga vendngjarja, përplasja ka qenë shumë e fortë. Punonjësi Bedri Dedej që ndodhej pranë automjetit të pastrimit në momentin kur u godit dhe ndërroi jetë në vend si pasojë e plagëve të marra.

Policia dhe shërbimet emergjente kanë mbërritur menjëherë në vendin e ngjarjes, ndërsa grupi hetimor po punon për të zbardhur shkaqet dhe përgjegjësitë e aksidentit.

Një aksident ka ndodhur ditën e djeshme në rrugën e Elbasanit ku një furgon me drejtues ende të paidentifikuar ka përplasur një mjet tjetër më pas është larguar nga vendi i ngjarjes.

Si pasojë është dëmtuar 21-vjeçarja e cila ishte pasagjere në automjet, dhe ndodhet në spital jashtë rrezikut për jetën. Vijon puna për identifikimin dhe gjetjen e drejtuesit të furgonit.

Njoftim i Policisë:

– Më datë 12.07.2025, në Rrugën e Elbasanit, një automjet tip furgon me drejtues ende të paidentifikuar, ka përplasur dhe më pas është larguar nga vendi i ngjarjes automjetin me drejtues shtetasin M. L., 24 vjeç, dhe pasagjeren shtetasen S. Sh., 21 vjeçe. Si pasojë e aksidentit është dëmtuar 21-vjeçarja, e cila ndodhet në spital, jashtë rrezikut për jetën. Vijon puna për identifikimin dhe gjetjen e drejtuesit të furgonit.

Materialet procedurale iu referuan Prokurorisë së Tiranës, për veprime të mëtejshme.

Një aksident i frikshëm ka ndodhur në New Jersey, në të cilin një kamion 33 tonësh u përplas me një shtëpi me “frena të prishura”, u regjistrua nga një kamera brenda automjetit të tonazhit të rëndë.

Sipas New York Post, kamioni, i cili po transportonte rërë për çimento, po udhëtonte me një shpejtësi prej 80 km/orë, me vlerësimin fillestar që tregonte një aksident që ndodhi për shkak se shoferi u sëmur papritur.

Videoja tregon kamionin duke dalë nga korsia e tij, duke hyrë në trafikun që vjen përballë, duke u kacavjerrë pranë një shtëpie dhe duke përfunduar sipër saj, të cilën e shkatërroi.

Në momentin e aksidentit, një person ndodhej në shtëpi dhe u plagos lehtë.

Shoferi i kamionit, i cili punoi për vite me radhë në Zeisloft Trucking, mbeti i bllokuar në automjet dhe zjarrfikësve iu deshën tre orë për ta nxjerrë atë.

“Ai nuk ka idenë se çfarë ka ndodhur”. “E vetmja gjë që di është se ishte bllokuar në kamion”, tha pronari i kompanisë.

Shkodër/Informacion paraprak

Rreth orës 20:30, në aksin rrugor “Shkodër-Lezhë”, shtetasja D. S., duke drejtuar automjetin e saj, dyshohet se ka humbur kontrollin mbi drejtimin e automjetit dhe për pasojë automjeti është përplasur me një motomjet me drejtues shtetasin A. A., 18 vjeç dhe pasagjer një të mitur 17 vjeçar.

Shtetasi A. A., dhe i mituri 17 vjeçar, ndodhen në Spitalin Rajonal Shkodër, nën kujdesin e mjekëve.

Një aksident është regjistruar në aksin Korçë – Pogradec, në afërsi të Maliqit.

Një mjet ka dalë nga rruga dhe për pasojë është përplasur me muret në anë të një karburanti.

Mësohet se një person është dërguar në spitalin e Korçës.

Një aksident i rëndë ka ndodhur sot në aeroportit kombëtar të Uashingtonit “Ronald Reagan”, ku një avion ku udhëtonin disa anëtarë të Kongresit, është përplasur me një avion tjetër.

Sipas BBC, një Bombardier CRJ 900 që operonte me Fluturimin 5490 të American Airlines nga Uashingtoni, D.C në Charleston, Karolina e Jugut, u përplas me krahun e një Embraer E175 që operonte me Fluturimin 4522 të American Airlines për në aeroportin JFK të Nju Jorkut.

Një person në bordin e helikopterit ka vdekur. Të paktën dy persona janë nxjerrë nga uji, por gjendja e tyre nuk dihet, tha Departamenti i Policisë së Nju Jorkut.

Ata nuk konfirmuan se sa njerëz ishin në bord, priten detaje të tjera.

LLOGARA- Një aksident ka ndodhur mbasditen e sotme në njërën nga kthesat e Llogarasë. Mësohet se një autobus është përplasur me një kamion. Fatmirësisht, nuk raportohet për persona të plagosur, por ka vetëm dëme materiale.

Sipasojë e aksidentit trafiku në zonë është rënduar ndjeshëm, duke krijuar radhë prej disa kilometrash. Gjithashtu situata është përkeqësuar edhe nga fakti që tuneli i Llogarasë vijon të jetë i mbyllur për shkak të punimeve.

MALIQ- Një aksident i rëndë ka ndodhur në afërsi të fshatit Leminot të Maliqit. Abedin Salillari 68 vjeç, u përplas nga një motor ndërsa ecte në anë të rrugës. I plagosuri u nis për në spital, por nuk mundi ti mbijetojë plagëve.

Nuk dihen ende rrethanat, ndërkohë policia ndodhet në vendin e ngjarjes për zbardhjen e plotë të aksidentit.

Njoftimi i Policisë:

Rreth orës 19:05, shtetasi E. P., 18 vjeç, banues në Çaushli, duke drejtuar një motomjet, ka përplasur një këmbësor, shtetasin A. S., 68 vjeç, banues në Velitërnë.

Si pasojë e përplasjes ka ndërruar jetë rrugës për në spital shtetasi A. S.

Ndërsa drejtuesi i motomjetit shtetasi E. P., është dëmtuar dhe ndodhet në spital për ndihmë mjekësore.

Grupi hetimor ndodhet në vendngjarje për të përcaktuar shkakun e aksidentit. 

Lezhë, 3 Mars 2025 – Një aksident tragjik ka ndodhur mesditën e sotme në aksin rrugor “Lezhë-Fushë Krujë”, ku një këmbësor ka humbur jetën pasi u përplas nga një automjet.

Viktima, 77-vjeçari Rexhep Tamizi, po kalonte rrugën kur u godit nga një automjet, i cili dyshohet se ka udhëtuar me shpejtësi të lartë. Aksidenti ka ndodhur rreth orës 12:30, dhe si pasojë e goditjes, Tamizi ka ndërruar jetë në vend.

Policia ka njoftuar se drejtuesi i automjetit ende nuk është identifikuar dhe grupi hetimor ka nisur punën për të zbardhur ngjarjen. Hetuesit janë duke shqyrtuar mundësinë që shpejtësia e madhe dhe një mundësi ndërprerjeje të gabuar të rrugës nga ana e këmbësorit, të kenë kontribuar në këtë tragjedi.

Njoftimi i policisë: “Rreth orës 12:30, në autostradën ‘Lezhë-Fushë Krujë’, një automjet me drejtues ende të paidentifikuar, ka përplasur këmbësorin, shtetasin R. T., 77 vjeç, i cili si pasojë ka humbur jetën. Shërbimet e Policisë dhe grupi i posaçëm hetimor po punojnë në vendngjarje për të identifikuar drejtuesin e automjetit dhe për të sqaruar rrethanat e aksidentit.”

Ky aksident ka shkaktuar trishtim në komunitet dhe sjell edhe njëherë nevojën për më shumë kujdes dhe siguri në rrugë.