Një 27-vjeçare është arrestuar nga policia e Vlorës, pasi ka përplasur një 62-vjeçar i cili ka ndërruar jetë në spital.

Në pranga është vënë E.LL, banuese në Vlorë, pasi një ditë më parë në vendin e quajtur “Ish-kinema Ali Demi”, Vlorë, duke drejtuar automjetin, aksidentoi shtetasin P. M. 62-vjeçari humbi jetën më pas, në spitalin e Traumës, Tiranë.

Rasti është nën hetim për të përcaktuar shkaqet e aksidentit.

Një 31-vjeçar i cili ka përplasur për vdekje një të moshuar rreth mesnatës në aksin rrugor “Shkodër-Lezhë” është identifikuar dhe arrestuar.

Mësohet se 31-vjeçari pasi ka përplasur 68-vjeçarin M. P. është larguar nga vendngjarja.

Sakaq, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Njoftimi i policisë:

Identifikohet, kapet dhe arrestohet 31-vjeçari, i cili rreth mesnatës, përplasi me automjet, me pasojë vdekjen, një këmbësor 68 vjeç, dhe u largua nga vendi i aksidentit.

Sekuestrohet automjeti tip “Peugeot” që drejtonte i arrestuari, kur ndodhi aksidenti.about:blank

Si rezultat i veprimeve të shpejta hetimore dhe procedurale të kryera me qëllim përcaktimin e autorësisë së një aksidenti në aksin rrugor “Shkodër-Lezhë”, i cili ndodhi rreth mesnatës dhe pati si pasojë humbjen e jetës së shtetasit M. P., 68 vjeç, specialistët për Hetimin e Krimeve të Komisariatit të Policisë Shkodër, në bashkëpunim me specialistët e qarkullimit rrugor, bënë të mundur identifikimin, kapjen dhe arrestimin e drejtuesit të automjetit që përplasi shtetasin M. P. (këmbësor), shtetasit K. K., 31 vjeç, banues në Shkodër. Ky shtetas, pas aksidentit, ishte larguar nga vendngjarja.

Gjithashtu, në vijim të veprimeve procedurale për rastin, shërbimet e Policisë gjetën dhe sekuestruan me cilësinë e provës materiale, automjetin tip “Peugeot” me të cilin ndodhi aksidenti.about:blank

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Një nënë e cila ka rrëfyer se ka përplasur vazhdimisht vajzën e saj në trotuar, është dënuar me burgim të përjetshëm, pa mundësinë e lirimit me kusht për vrasjen e saj.

“Makaylia Jolley, 21 vjeç, nga Misisipi, SHBA, kapi vajzën e saj dy muajshe Khalysie nga kyçet e këmbëve, e përplasi në trotuar disa herë dhe më pas e braktisi”, tha ndihmësprokurorja e qarkut Kathryn Neëman.

Ngjarja ka ndodhur në Pearl City më 12 maj 2022, me dëshmitarët që i thanë policisë se fëmija ishte braktisur në rrugë. Jolley pas aktit të saj të neveritshëm vrapoi për t’u fshehur në pyllin aty pranë, ku u kap pak kohë më vonë. Foshnja u dërgua në spital, por pas dy ditësh humbi jetën nga plagët e marra.

Ajo pësoi ënjtje dhe gjakderdhje të trurit, fraktura të gjera të kafkës, thyerje të gishtit të madh të majtë dhe të djathtë, çarje dhe gjakderdhje në sy. Vdekja e saj u cilësua si vrasje për shkak të traumës së fortë në kokë.

Të hënën, nëna u deklarua fajtore për vrasje të shkallës së parë, një krim që sjell vetëm dy rezultate të mundshme: dënimin me vdekje ose burgim të përjetshëm pa mundësinë e lirimit me kusht. Prokurori fillimisht kishte kërkuar dënimin me vdekje, por në vend të kësaj i ofroi Jolley-t një marrëveshje për pranimin e fajësisë. -Një arsye ishte për të parandaluar dëshmitarët, familjen dhe autoritetet që të rijetonin atë që ndodhi.

“Këta njerëz do të preken përgjithmonë nga ajo që panë më 12 maj 2022”, tha prokurori. Jolley thuhet se ka rrëfyer se ka goditur foshnjën e saj, por tha se ishte një aksident dhe ajo nuk e dinte pse e bëri këtë. Autoritetet thanë se nëna kishte përdorur drogë mëngjesin e incidentit.

“Ky është një krim i pashpjegueshëm dhe i urryer ndaj një fëmije të pafajshëm. Makaylia Jolley do të vdesë në burg për vrasjen e vajzës së saj. Ajo nuk do të dalë kurrë nga burgu, në asnjë mënyrë”, u shpreh prokurori./TCh

Përplasi me automjet, biçikletën me të cilën lëvizte një 72-vjeçare që humbi jetën më pas, në spital, arrestohet 53-vjeçarja.

Specialistët e Qarkullimit Rrugor të Drejtorisë Vendore të Policisë Shkodër arrestuan në flagrancë shtetasen A. R., 53 vjeçe, pasi ditën e sotme, rreth orës 10:30, në lagjen “Skënderbeg”, automjeti që drejtonte kjo shtetase, ka përplasur biçikletën me të cilën lëvizte shtetasja M. Ç., 72 vjeçe.

Shtetasja M. Ç., për shkak të dëmtimeve të marra, ka humbur jetën më pas, në spital.

Vijojnë hetimet për të përcaktuar shkakun e aksidentit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.