ITALI- Një aksident i rëndë automobilistik ka tronditur zonën e Martinsicuros, në rajonin e Abruzzos, Itali, ku një 47-vjeçar humbi jetën pas përplasjes me një automjet të drejtuar nga një shtetas shqiptar. Viktima është Emidio Croci, baba i tre fëmijëve, i cili ndërroi jetë në vend si pasojë e përplasjes fatale.

Sipas mediave italiane, drejtuesi i mjetit të dyshuar është një 41-vjeçar shqiptar me inicialet A.K., banues në San Benedetto del Tronto. Ai ndodhej në timonin e një “Mercedes-Benz A-Class” dhe, sipas hetimeve paraprake, po udhëtonte me shpejtësi të lartë në momentin e përplasjes me një tjetër mjet, një SUV Mercedes GLB, në të cilin ndodhej familja Croci.

Përplasja ka pasur pasoja tragjike: Emidio Croci vdiq në vend, ndërsa bashkëshortja e tij u transportua me urgjencë në spitalin e Sant’Omero, në gjendje të rëndë. Djali i tyre 11-vjeçar, i cili pësoi goditje të rënda në kokë, u dërgua me helikopter në një spital në Ankona dhe është jashtë rrezikut për jetën.

Menjëherë pas aksidentit, 41-vjeçari shqiptar dhe pasagjeri i tij u larguan në këmbë, duke braktisur vendin e ngjarjes dhe pa ofruar ndihmë për të plagosurit.

Pas disa orësh kërkimi intensiv nga policia, shqiptari u vetëdorëzua në komisariatin lokal. Ai më pas u shoqërua në spital për të marrë ndihmë mjekësore për plagët e marra gjatë aksidentit. Aktualisht ai është nën hetim nga Prokuroria e Teramos për vrasje rrugore dhe braktisje të vendit të ngjarjes, ndërsa dyshohet se ka qenë nën ndikimin e alkoolit në momentin e ngjarjes.

Ndërkohë, pasagjeri i dytë që ndodhej në automjet vijon të jetë në arrati dhe po kërkohet nga autoritetet. Trupi i pajetë i viktimës është dërguar në morgun e spitalit të Teramos dhe ndodhet në dispozicion të autoriteteve gjyqësore për procedurat hetimore të mëtejshme.

Një 61-vjeçar është arrestuar nga Policia e Shkodrës pasi ditën e djeshme në aksin rrugor “Shkodër – Velipojë duke drejtuar automjetin është përplasur me automjetin e drejtuar nga një 27-vjeçar.

Si pasojë e plagëve, i dëmtuari ka humbur jetën.
Materialet procedurale i kaluan Prokurorisë pranë Gjykatës së Shkallës së Parë, për veprime të mëtejshme.

Në vijim të informacionit të dhënë ditën e djeshme, për aksidentin në aksin rrugor “Shkodër – Velipojë”, informojmë se specialistët e Sektorit të Policisë Rrugore arrestuan shtetasin Rr. Gj., 61 vjeç, pasi si pasojë e përplasjes së automjetit që ai drejtonte me motomjetin që drejtonte shtetasi Xh. M., 27 vjeç, humbi jetën 27-vjeçari.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Një 65-vjeçar është arrestuar pasi ditën e djeshme shkaktoi një aksident me pasojë vdekje. Policia thotë se 65-vjeçari duke drejtuar autoambulancën e Spitalit të Koplikut në aksin “Shkodër- Hani i Hotit” dhe për shkak të parakalimit të gabuar, ka përplasur një automjet tjetër, duke i shkaktuar vdekjen drejtuesit 57-vjeçar. Gjithashtu si pasojë e aksidentit janë dëmtuar edhe dy pasagjere.

Njoftimi i Policisë:

Në vijim të informacionit të dhënë ditën e djeshme, për një aksident në aksin rrugor “Shkodër- Hani i Hotit”, ju informojmë se specialistët e Sektorit të Policisë Rrugore arrestuan shtetasin P. S., 65 vjeç, për veprën penale “Shkelja e rregullave të qarkullimit rrugor”.

65 vjeçari duke drejtuar autoambulancën e Spitalit të Koplikut, si rezultat i një parakalimi të gabuar ka përplasur automjetin me drejtues shtetasin A. K., 57 vjeç, i cili si pasojë ka humbur jetën, dhe janë dëmtuar dy pasagjeret shtetaset S. K.,43 vjeçe, dhe D. K., 18 vjeçe,(bashkëshortja dhe vajza e shtetasit A. K), të cilat ndodhën në Spitalin Rajonal Shkodër, jashtë rrezikut për jetën.

Një aksident me pasoja tragjike u raportua mbrëmjen e djeshme në aksin rrugor “Levan-Vlorë”.

Lidhur me këtë ngjarje policia ka vënë në pranga 40-vjeçarin banues në Vlorë, pasi me automjetin që drejtonte ka përplasur për vdekje 49-vjeçarin.

“Në vijim të informacionit të dhënë mbrëmjen e djeshme, mbi aksidentin në aksin rrugor “Levan-Vlorë”, informojmë se specialistët e Sektorit të Qarkullimit Rrugor arrestuan në flagrancë shtetasin 40 vjeç, banues në Vlorë, pasi me automjetin që drejtonte, ka përplasur me pasojë vdekjen, këmbësorin, shtetasin 49 vjeç, banues në Vlorë”, thuhet në njoftimin e policisë.

Policia e Dibrës ka bërë të ditur arrestimin e shtetasit G.Gj., 40 vjeç, drejtuesi i automjetit të përfshirë në aksidentin tragjik të ndodhur mbrëmjen e djeshme në fshatin Urakë të Matit.

Në këtë aksident, një këmbësor humbi jetën.

Sipas njoftimit, Sektori i Policisë Rrugore ka vepruar duke ndaluar drejtuesin e automjetit për veprën penale “Shkelja e rregullave të qarkullimit rrugor”.

Sakaq, materialet procedurale janë dorëzuar Prokurorisë pranë Gjykatës së Shkallës së Parë Dibër, e cila do të vijojë me hetimet dhe procedurat ligjore për këtë rast.

“Sektori i Qarkullimit Rrugor arrestoi në flagrancë shtetasin R. B., 21 vjeç, pasi rreth orës 01:00, të datës 26.12.2024, në rrugën “Xhanfize Keko”, ka aksidentuar punonjësin e Policisë së Patrullës në shërbim, shtetasin S. Sh., 30 vjeç, i cili ndodhet në spital, në kujdesin e mjekëve.

Po nga ky sektor u arresuan shtetasit;

N.B, 41 vjeç, në Qafë-Kashar, pasi dyshohet se duke drejtuar mjetin në gjendje të dehur, ka humbur kontrollin e tij dhe është përplasur me bordurën anësore të rrugës;

A.G, 19 vjeç, pasi u konstatua duke drejtuar mjetin pa lejen përkatëse;

F.M, 63 vjeç, pasi dyshohet se duke drejtuar mjetin në gjendje të dehur, është përfshirë në një përplasje me dëme materiale.

Komisariati i Policisë Nr.5, kapi dhe ndaloi shtetasin e shpallur në kërkim R.Sh, 31 vjeç, pasi Gjykata e Shkallës së Parë të Juridiksionit të Përgjithshëm Tiranë, ka caktuar masën e sigurisë “Arrest në burg”, për veprën penale “Kultivim i bimëve narkotike”. Specialistët për Hetimin e Narkotikëve arrestuan në flagrancë shtetasin B.Sh, 20 vjeç, pasi në Yrshek, nga kontrolli fizik të ushtruar ndaj këtij shtetas, sherbimet e Forcës “Shqiponja” gjetën dhe sekuestruan lëndë të dyshuar narkotike kanabis. Materialet i kaluan Prokurorisë, për veprime të mëtejshme”, sipas njoftimit të policisë.

Ka përfunduar në prangat e policisë shoferi, i cili përplasi për vdekje një këmbësore. Mësohet se ky shtetas është banues në Fier.

“Specialistët e Komisariatit të Policisë Rrugore arrestuan shtetasin 43 vjeç, banues në Fier, pasi duke drejtuar automjetin, ka aksidentuar shtetasen e cila si pasojë e dëmtimeve ka humbur jetën”, thuhet në njoftimin e policisë.

Ndërkohë, materialet i kaluan Prokurorisë.

Një aksident i rëndë automobilistik me pasojë vdekjen e një personi ka ndodhur në aksin rrugor Gjirokastër-Tepelenë, te kthesa e fshatit Humelicë.

Sipas burimeve, viktimë mbeti një grua të moshës 62-vjeçare, banuese në Tiranë. Ngjarja ka ndodhur para pak minutave, kur një automjet i drejtuar nga një mjek në Spitalin e Gjirokastrës, Ermir Mahilaj, ka përplasur 62-vjeçaren duke i shkaktuar asaj vdekjen e menjëhershme.

Grupi hetimor ka shkuar menjëherë në vendngjarje, ku ka konstatuar se mjeti që përplasi gruan ka qenë brenda normave te shpejtësisë. Ndërkohë po punohet për zbardhjen e plotë të rrethanave të ngjarjes.

Njoftimi i Policisë:

Rreth orës 19:50 në aksin rrugor “Gjirokastër – Tepelenë”, në afërsi të fshatit Humelicë, shtetasi E. M., 54 vjeç, banues në Gjirokastër, duke drejtuar automjetin, ka përplasur këmbësoren, shtetasen H. M., 62 vjeçe, banuese në Tiranë, e cila si pasojë e përplasjes ka humbur jetën në vendngjarje.

Shtetasi E. M., u shoqërua në Komisariat për veprime të mëtejshme.

Grupi hetimor po punon për sqarimin e plotë të rrethanave të aksidentit.

Një 52-vjeçar, i identifikuar me inicialet, M.V., është arrestuar në flagrancë pasi me kamionin e tij përplasi për vdekje një 58-vjeçar, banues në Berat.

Blutë njoftojnë se aksidenti ka ndodhur reth orës 07:00, në aksin rrugor “Kavajë-Durrës”, viktima është përplasur nga kamioni ndërsa kishte ndaluar në rrugë pasi automjeti i tij ishte përplasur me një automjet tjetër. Si pasojë e dëmtimeve, personi me inicialet A. Ç. ka humbur jetën në spital.

“Specialistët e Qarkullimit Rrugor arrestuan në flagrancë shtetasin M. V., 52 vjeç, banues në Vlorë, pasi dje, rreth orës 07:00, në aksin rrugor “Kavajë-Durrës”, me kamionin që drejtonte, ka përplasur shtetasin A. Ç., 58 vjeç, banues në Berat, i cili kishte ndaluar në rrugë pasi automjeti i tij ishte përplasur me një automjet tjetër. Si pasojë e dëmtimeve, shtetasi A. Ç. ka humbur jetën në spital. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.”, njoftoi policia.

Akuzoher se përplasi për vdekje me makinë këmbësorin në Fier, 47-vjeçari arrestohet nga policia.

Specialistët e Qarkullimit Rrugor arrestuan në flagrancë shtetasin M. J., 47 vjeç, banues në Fier, raporton noa.al.

Hetimet që çuan në arrest nxorën se 47 vjeçari, duke drejtuar automjetin ka përplasur këmbësorin, shtetasin I. B., 75 vjeç.

I moshuari, si pasojë e përplasjes dhe plagëve të marra, ka humbur jetën.

Më herët policia gaboi në identitetin e viktimës ndaj lëshoi këtë komunikatë:

“Sqarojmë se në njoftimin paraprak të dhënë më parë, gjeneralitetet dhe mosha e shtetasit që humbi jetën nuk ishin të sakta.

Pas verifikimeve të kryera në morgun e Spitalit Fier me ndihmën dhe të familjarëve, rezultoi se gjeneralitetet janë I.B., 75 vjeç dhe jo L.Ç., 81 vjeç.”

Materialet procedurale i kaluan Prokurorisë për veprime të mëtejshme.