Një incident i armatosur ka ndodhur pasditen e sotme në qytetin e Pejës, ku një person ka mbetur i plagosur si pasojë e të shtënave me armë zjarri.

Ngjarja është raportuar rreth orës 15:50 në rrugën “Papa Klementi”, ku sipas informacioneve zyrtare nga Policia, njësitet patrulluese kanë reaguar menjëherë pas marrjes së thirrjes.

Zëdhënësi i Policisë së Rajonit të Pejës, Driton Rugova, konfirmoi për mediat se i plagosuri është transportuar me urgjencë në Spitalin Rajonal të Pejës dhe aktualisht po merr trajtim mjekësor. Gjendja e tij shëndetësore nuk është bërë ende publike.

Ndërkohë, autori i dyshuar është larguar nga vendi i ngjarjes dhe është shpallur në kërkim nga autoritetet. Policia ka nisur hetimet dhe po punon për identifikimin dhe kapjen e personit të dyshuar.

Vau i Dejës- Një ngjarje e rëndë është regjistruar mbrëmjen e sotme, rreth orës 21:00, në fshatin Paçram të njësisë administrative Vau i Dejës.

Shtetasi Frrok Lleshaj, 65 vjeç, është gjetur pa shenja jete në rrugë nga kalimtarë të rastësishëm. Dyshohet se ai është vrarë me armë zjarri ndërsa po lëvizte si këmbësor.

Burime nga grupi hetimor bëjnë me dije se viktima ka qenë i dënuar më herët për vrasje, çka ka ngritur dyshime të forta se mund të kemi të bëjmë me një rast hakmarrjeje.

Në vendngjarje ndodhen shërbimet e Policisë dhe është ngritur një grup i posaçëm hetimor, i cili, nën drejtimin e Prokurorisë, po punon për zbardhjen e plotë të rrethanave, identifikimin dhe kapjen e autorit ose autorëve të dyshuar.

Hetimet janë në vijim.

Një situatë alarmante ka ndodhur sot në lumin Mat, ku një person është zhdukur gjatë një seance peshkimi. Rreth orës 13:40, Policia e Lezhës u njoftua nga shtetasi P. N., banues në Rrubik, për zhdukjen e mikut të tij, D. Q., i cili ishte futur në ujë për të hedhur rrjetat e peshkimit dhe nuk u rikthye më në sipërfaqe.

Në vendngjarje mbërritën menjëherë forcat e Policisë, të cilët nisën operacionin e kërkimit. Sipas burimeve, pritet që në aksion të përfshihen edhe polumbarët e RENEA-s, të cilët do të ndërhyjnë për kërkimin dhe shpëtimin e shtetasit të zhdukur.

Grupi hetimor po punon për të sqaruar rrethanat e incidentit dhe për të mbledhur të dhëna mbi ngjarjen. Autoritetet po bëjnë apel për kujdes dhe bashkëpunim nga qytetarët gjatë operacioneve të kërkimit.

Ngjarja është bërë virale në rrjetet sociale, pasi një video e shpërndarë gjerësisht tregon momentin e ndërprerjes së befasishme të koncertit dhe përplasjen verbale që pasoi.

Sipas pamjeve filmike, ndërsa publiku po shijonte performancën e reperit, një individ nga turma duket se i është drejtuar Stresit.

Në përgjigje, reperi ndaloi menjëherë muzikën dhe iu drejtua drejtpërdrejt personit në fjalë me tone të ashpra.

Një ngjarje e rëndë ka ndodhur në Peshkopi, ku një person është gjetur i pajetë.

Sipas uniformave blu, është gjetur pa shenja jete shtetasi me iniciale E.N., rreth 70 vjeç, në vendin e quajtur “Gropa e ujërave termale”. Paraprakisht dyshohet se viktima ka pësuar arrest kardiak, teksa policia vijon hetimet për zbardhjen e plotë të ngjarjes.

Njoftimi i policisë:

“Më datë 19.06.2025, rreth orës 15:20, në vendin e quajtur “Gropa e ujërave termale”, në qytetin e Peshkopisë, është gjetur pa shenja jete, shtetasi E.N., rreth 70 vjeç, i cili paraprakisht dyshohet se ka pësuar arrest kardiak.

Një person është gjetur sot pa shenja jete në qytetin e Pejës, rreth orës 18:30.

Sipas zëdhënësit të Policisë së Kosovës për Rajonin e Pejës, Driton Rugova, ekipi mjekësor i pranishëm në vendngjarje ka konstatuar vdekjen e viktimës.

“Policia menjëherë ka dalë në vendngjarje, ndërsa ekipi mjekësor ka konstatuar vdekjen e viktimës. Trupi i pajetë me urdhër të prokurorit të shtetit do të dërgohet në Institutin e Mjekësisë Ligjore në Prishtinë për obduksion,” tha Rugova.

Hetimet për zbardhjen e plotë të rrethanave të ngjarjes janë duke vazhduar.

Një person është gjetur i vdekur në një shkurre në rrugën “Njazi Meka” në kryeqytet.

Dyshohet se viktima është endacak dhe se ka ndërruar jetë për shkaqe natyrale

Karabinierët italianë kanë arrestuar dy shqiptarë të moshës 34 dhe 22 vjeç, të akuzuar për rrëmbim në bashkëpunim dhe plagosje, të një të mituri 17-vjeçar.

Ngjarja ka ndodhur vitin e kaluar dhe u shoqërua me skena të dhunshme, teksa autorët rezultojnë me precedentë penalë në fushën e drogës, të njohur si trafikues të saj. Prokuroria e Milanos kishte ndjekur linjën e hetimeve të rastit, pas denoncimit të bërë nga i mituri për fakte të plagosjes personale dhe rrëmbimit, të ndodhura më 1 prill të vitit të kaluar.

Falë dëshmive të mbledhura, shikimi i imazheve nga sistemi i mbikëqyrjes video dhe aktivitetet e përgjimit të telefonit, ishte e mundur të konstatohej që viktima ishte ndaluar papritmas në një rrugë dytësore nga dy autorët. I mituri ishte goditur me shkop bejsbolli dhe kërcënuar deri me armë zjarri. Synimi i tyre ishte që në fakt të bënin të miturin të “rrëfente” se i kishte dëmtuar makinën dhe kishte vjedhur pak kokainë që mbahej brenda automjetit.

Karabinierët në momentin e ekzekutimit të masës së kontrollit në shtëpinë e njërit prej të dyshuarve, kanë gjetur afërsisht 250 gramë kokainë dhe 5000 euro para CASH. Dy shqiptarët po mbahen të izoluar në paraburgimin e San Vittore në Milano, me urdhër të gjykatës.

Një ngjarje e rëndë ka ndodhur në Podujevë të Kosovës teksa gjatë një konflikti për shkak të disa mosmarrëveshjeve, gjashtë persona kanë sulmuar fizikisht dhe me mjet të mprehtë thikë një person. Sipas Policisë, rasti ka ndodhur mbrëmjen e djeshme në Podujevë. I plagosuri ka pësuar lëndime trupore dhe ndodhet nën kujdesin e mjekëve në Prishtinë.

Lidhur me këtë ngjarje janë arrestuar pesë persona të dyshuar, ndërsa një tjetër është shpallur në kërkim. Policia e Kosovës vijon hetimet për zbardhjen e plotë të shkaqeve të ngjarjes si dhe kapjen e një prej të përfshirëve i shpallur në kërkim.

LEZHË- Një aksident i rëndë ka ndodhur ditën e sotme në aksin Lezhë-Shkodër. Mësohet se tre makina janë përplasur me njëra-tjetrën.

Nga aksidenti i rëndë, bëhet më dije se një person ka mbetur i lënduar rëndë, i cili është dërguar në spital për të marrë ndihmë mjekësore. Ndërkohë që shkaku i aksidentit nuk dihet ende.