Një incident me armë zjarri ka ndodhur mbrëmjen e sotme në Hanover të Gjermanisë, duke shkaktuar panik dhe tension në zonën Vahrenwalder Straße. Sipas raportimeve të gazetës “Hannoversche Allgemeine”, disa persona kanë mbetur të plagosur, ndërsa policia ka arrestuar një të dyshuar.

Sipas të dhënave fillestare, ngjarja ka ndodhur rreth orës 18:25 me orën lokale, pas një përplasjeje mes dy grupeve personash. Shkaqet e konfliktit ende nuk janë bërë të ditura, ndërsa hetuesit po punojnë për të zbardhur motivin e saktë të ngjarjes.

Policia e Hanoverit konfirmoi se disa persona janë dërguar në spital, por gjendja e tyre shëndetësore mbetet e paqartë. Një zëdhënëse e policisë deklaroi se një prej të dyshuarve është kapur në vendngjarje, ndërsa operacionet e sigurisë janë ende në zhvillim.

Njësitë e policisë dhe Departamenti i Hetimeve Penale ndodhen në terren, duke mbledhur prova dhe dëshmi për të rindërtuar dinamikën e incidentit. Zona është e rrethuar, ndërsa autoritetet u kanë kërkuar qytetarëve të shmangin kalimin aty deri në përfundim të hetimeve.

Në Top Story u publikuan sonte për herë të parë pamjet ekskluzive të vrasjes së Kristian Kolës disa ditë më parë në mes të Shkodrës.

Në pamjet duken teksa dy autorët afrohen pranë hotelit ku ndodhej shënjestra dhe qëllojnë me armë drejt tij.

Madje njëri prej tyre kthehet për të verifikuar nëse e ka vrarë Kolën, dhe largohen me shpejtësi pa lënë asnjë gjurmë.

Gjatë momentit të ekzekutimit, dy zonja shihen teksa largohen të tmerruara, ndërsa aty pranë ndodhej edhe një autobus që sapo kishte zbritur disa turistë.

Spitali i Përgjithshëm në Pejë ka njoftuar se sot ka pranuar katër persona të lënduar si pasojë e një aksidenti trafiku.

Nëpërmjet një komunikate për media, spitali ka sqaruar se tre prej pacientëve janë në gjendje të lehtë dhe po marrin trajtim nga ekipi mjekësor, ndërsa një person tjetër është në gjendje më të rëndë dhe është duke marrë kujdes intensiv.

“Pacienti që ndodhet në gjendje të rëndë është në proces të ekzaminimit dhe trajtimit nga ekipi i kujdesit intensiv,” thuhet në njoftim. Stafi mjekësor i Spitalit të Përgjithshëm në Pejë është angazhuar në maksimum për ofrimin e trajtimit të nevojshëm për të gjithë të lënduarit.

Për momentin, detajet lidhur me shkakun e aksidentit nuk janë bërë të njohura.

Një aksident rrugor është regjistruar ditën e sotme në aksin Vlorë–Selenicë, pranë fshatit Qishbardhë.

Një automjet tip Audi A4 është përplasur me një kamionçinë, duke shkaktuar plagosjen e dy personave.

Njëri prej tyre, pasagjer në njërin nga mjetet është transportuar me urgjencë në spitalin e Vlorës dhe ndodhet në gjendje kritike për jetën.

Në vendngjarje ndodhen polica, e cila kanë nisur hetimet për të zbardhur shkaqet e aksidentit.

Një konflikt për motive të dobëta ka degraduar në konfrontim fizik dhe goditje me gota në një lokal në Pogradec.

Sipas informacioneve parapake, mësohet se gjatë sherrit dy persona, shtetasit me iniciale M. Xh. dhe K. N., kanë pësuar dëmtime dhe janë dërguar në spital për ndihmë mjekësore, jashtë rrezikut për jetën.

Ndërkohë, policia bën me dije se dy të tjerë, shtetasit me iniciale A.K., N.Ç dhe D.Xh, janë shoqëruar në Komisariat për veprime të mëtejshme.

Aksident në Fier! Furgoni i preu rrugën, makina përplaset me shtyllën e tensionit të lartë

Njoftimi i policisë:

Pogradec / Informacion paraprak

Në lagjen nr. 1, Pogradec, pas një konflikti për motive të dobëta në një lokal, janë dëmtuar me gota shtetasit M. Xh. dhe K. N., të cilët ndodhen në spital për ndihmë mjekësore, jashtë rrezikut për jetën. Shtetasit A.K., N.Ç dhe D.Xh, janë shoqëruar në Komisariat për veprime të mëtejshme.

Grupi hetimor po punon për sqarimin e rrethanave dhe dokumentimin ligjor të rastit.

Një aksident me pesë persona të plagosur ka ndodhur mbrëmjen e sotme në aksin rrugor “Tiranë–Lezhë”, në vendin e quajtur Fushë-Gjormë.

Aksidenti ka ndodhur rreth orës 21:30, ku një automjet tip “Volkswagen”, me drejtues shtetasin B. Q., 29 vjeç, ka humbur kontrollin dhe ka dalë nga rruga.

Një avion i kompanisë “Air India” është rrëzuar ditën e sotme pranë aeroportit të Ahmedabad, vetëm pak minuta pas ngritjes në fluturim me destinacion Londrën.

Fluturimi AI171, që ishte nisur drejt aeroportit Gatwick, pësoi aksident fatal duke shkaktuar një tragjedi të rëndë. Në bord ndodheshin 244 persona, përfshirë 232 pasagjerë, 10 anëtarë ekuipazhi dhe 2 pilotë. Avioni Boeing 787-8 Dreamliner u rrëzua mbi një konvikt mjekësh pranë aeroportit, duke shkaktuar dëme të konsiderueshme dhe viktima të shumta, edhe pse bilanci i saktë ende nuk është konfirmuar zyrtarisht.

Sipas autoriteteve lokale, ekipet e emergjencës arritën menjëherë në vendngjarje dhe operacionet e kërkim-shpëtimit janë në vazhdim. Nuk janë raportuar probleme atmosferike në kohën e ngritjes së avionit, çka i ka shtyrë ekspertët të dyshojnë për një përplasje të shumëfishtë me shpendë si shkak të mundshëm të rrëzimit.

Eksperti i fluturimeve, Marco Chan, konfirmoi se moti ishte i mirë dhe nuk kishte faktorë klimatikë që do të ndikonin në incident. Ndërkohë, ish-piloti Saurabh Bhatnagar theksoi se një përplasje me shpendë mund të ketë dëmtuar të dy motorët, duke shkaktuar humbje të fuqisë së avionit menjëherë pas ngritjes. Piloti i avionit kishte dhënë sinjal emergjence “Mayday” para rrëzimit.

Analisti i aviacionit Sanjay Lazar shtoi se modeli Dreamliner nuk kishte histori problemesh serioze teknike, duke e bërë përplasjen me shpendë skenarin më të mundshëm.

Ky është rasti i parë i rrëzimit të një “Boeing 787 Dreamliner” në 14 vite operim. Avioni ka qenë ndër më të besueshmit në industrinë ajrore dhe rrëzimi i tij përbën një goditje të rëndë për Boeing, që tashmë përballet me sfida të tjera për shkak të incidenteve me modelin 737 MAX.

Hetimet për zbardhjen e shkaqeve të plota të tragjedisë janë në zhvillim.

U sekuestruan 14 armë dhe u arrestuan 10 persona, dalin pamje të tjera nga operacioni “Puzzle

Dalin pamje të reja nga operacioni “Puzzle” ku u godit një rrjet i trafikurt të armëve nga Kosova në Shqipëri.

Për pasojë u arrestuan 10 persona dhe u shpallën në kërkim 2 të tjerë.

Gjatë operacionit janë sekuestruar 14 armë zjarri (12 armë zjarri pistoletë, njëra prej tyre me silenciator dhe 2 automatik), 2077 fara cannabisi, krehra e municion luftarak, 3 automjete, dhe 8 aparate celular.

Sarandë- Është dhunuar me sende të forta nga dy persona shtetasi Orgito Brehama. Ngjarja ka ndodhur mbrëmjen e sotme në rrugën “Gjergj Araniti” në Sarandë.

Brehama dyshohet se është qëlluar me dërrasë dhe me dorezë.

Shkak për ngjarjen dyshohet të jetë një konflikt i vjetër prej datës 2 janar 2025, kur në fshatin Gjashtë pati një përplasje të dhunshme dhe me armë mes disa personash.

Për ngjarjen e sotme policia ka arritur të shoqërojë një prej të dyshuarve, shtetasin Andrea Nanai. Si dhe po punohet për kapjen edhe të të dyshuarit të dytë. Brehama ndërkohë po merr ndihmën e parë në urgjencën e spitalit të Sarandës.

Drejtoria e Policisë Tiranë njofton se janë arrestuar 3 persona pasi gjatë kontrollit të ushtruar iu gjetën lëndë narkotike.

Specialistët e Seksionit për Hetimin e Narkotikëve arrestuan shtetasit:

-A. Ç., 30 vjeç, pasi gjatë kontrollit fizik, shërbimet e Forcës së Posaçme “Shqiponja” i gjetën një sasi Kokaine;

-E. Gj., 24 vjeç, pasi gjatë kontrollit fizik, shërbimet e Forcës së Posaçme “Shqiponja” i gjetën një sasi Cannabisi;

-E. D., 40 vjeç, pasi gjatë kontrollit fizik, shërbimet e Komisariatit të Policisë Nr. 4 i gjetën një sasi Kokaine.

Lëndët narkotike u sekuestruan në cilësinë e provës materiale.

Specialistët e Seksionit për Hetimin e Krimeve Kibernetike referuan materialet në Prokurori, ku nisi procedimi në gjendje të lirë për shtetasen D. B., 34 vjeçe, pasi dyshohet se ka shqetësuar një 32-vjeçare, me mesazhe në rrjete sociale.

Specialistët për Hetimin e Krimeve të Komisariatit të Policisë Nr. 2 referuan materialet në Prokurori, ku nisi procedimi në gjendje të lirë për shtetasit:

-P. M., 51 vjeç, A. S., 59 vjeç dhe Ç. H., 55 vjeç, pasi dyshohet se për motive të dobëta, janë konfliktuar fizikisht, me njëri-tjetrin;

-O. Dh., 53 vjeç, pasi dyshohet se për motive të dobëta, ka goditur me send të fortë, një 39-vjeçar.

Specialistët për Hetimin e Krimeve të Komisariatit të Policisë Nr. 3:

-arrestuan shtetasin A. K., 29 vjeç, pasi dyshohet se për motive të dobëta, ka kanosur me mjet prerës, një 40-vjeçar;

-referuan materialet në Prokurori, ku nisi procedimi në gjendje të lirë për shtetasit A. L., 50 vjeç dhe H. C., 58 vjeç, pasi dyshohet se për motive të dobëta, kanë kanosur njëri-tjetrin.

Specialistët për Hetimin e Krimeve të Komisariatit të Policisë Nr. 4 referuan materialet në Prokurori, për shtetasin Sh. A., 37 vjeç, pasi dyshohet se ka kanosur një 46-vjeçar, me armën e zjarrit të cilën e posedonte me leje. Për këtë rast, pas konsultimit me prokurorin, u vendos procedimi në gjendje të lirë i 37-vjeçarit, për veprën penale “Kanosja”. Gjithashtu, arma e zjarrit u sekuestrua në cilësinë e provës materiale.

Specialistët për Hetimin e Krimeve të Komisariatit të Policisë Krujë arrestuan shtetasin E. S., 39 vjeç, pasi u kap duke drejtuar automjetin, në gjendje të dehur.

Specialistët e qarkullimit rrugor arrestuan shtetasin S. S., 59 vjeç, pasi dyshohet se ka humbur kontrollin mbi automjetin që e drejtonte në gjendje të dehur, dhe si pasojë automjeti ka dalë nga rruga. Nga aksidenti ka patur vetëm dëme materiale.