Një ngjarje e rëndë ka ndodhur në Peshkopi, ku një person është gjetur i pajetë.

Sipas uniformave blu, është gjetur pa shenja jete shtetasi me iniciale E.N., rreth 70 vjeç, në vendin e quajtur “Gropa e ujërave termale”. Paraprakisht dyshohet se viktima ka pësuar arrest kardiak, teksa policia vijon hetimet për zbardhjen e plotë të ngjarjes.

Njoftimi i policisë:

“Më datë 19.06.2025, rreth orës 15:20, në vendin e quajtur “Gropa e ujërave termale”, në qytetin e Peshkopisë, është gjetur pa shenja jete, shtetasi E.N., rreth 70 vjeç, i cili paraprakisht dyshohet se ka pësuar arrest kardiak.

Efektivi Veli Gjura ka ndërruar jetë në Spitalin e Traumës, ku ishte shtruar pas një aksidenti të rëndë.

Ai u përplas nga një makinë disa ditë më parë, ndërsa po ecte në trotuar. Pavarësisht përpjekjeve të mjekëve, plagët e marra rezultuan fatale.

Ngjarja tragjike u shënua ditë më parë, rreth orës 18:30, në kryqëzimin Velia të qytetit të Peshkopisë. Sipas informacionit zyrtar nga policia, një 27-vjeçar me inicialet A.Sh., i cili po drejtonte një mjet tip “Golf”, dyshohet se ka humbur kontrollin e automjetit, ka dalë nga rruga dhe ka përplasur fillimisht një punonjës policie, e më pas është ndalur mbi një dyqan.

Efektivi i policisë, Veli Gjura, u plagos rëndë në vendngjarje dhe u dërgua me urgjencë në Spitalin e Traumës në Tiranë.

Megjithë përpjekjet e stafit mjekësor, ai nuk mundi t’i mbijetojë plagëve të marra. Nga hetimet paraprake rezulton se drejtuesi i automjetit ndodhej nën efektin e alkoolit në momentin e aksidentit. Ai është arrestuar dhe ndodhet në ambientet e komisariatit, ku po kryhen procedurat ligjore.

Një incident është regjistruar pak momente më parë në një fshat në Peshkopi.

Një efektiv policie ka qëlluar me armë zjarri, por në ajër, sipas pamjeve nga vendi i ngjarjes.

Ngjarja ka ndodhur në fshatin Pilafe.

Ende nuk dihet motivi i ngjarjes.

Është identifikuar dhe shpallur në kërkim polici, Esat Gjura, i cili ka qëlluar me armë zjarri.

Po ashtu në kërkim është dhe një person tjetër nderkohe qe mësohet se Gjura është babai i një kandidati të PS.

Per ngjarjen reagoi edhe policia e Dibres:

Dibër/Informacion paraprak
Rreth orës 20.25 shtetasi Xh.Gj., (kanditat për deputet i subjektit politik Partia Demokratike), ka telefonuar në sallën operative të Drejtorisë Vendore të Policisë Dibër, i cili pretendonte se në fshatin Pilafe, njësia Administrative Tomin, kanë ndaluar një shtetas që dyshohej se shpërndante para në këmbim të votave.

Gjithashtu shtetasi Xh.Gj., paraprakisht ka pretenduar se një person teksa është larguar ka qëlluar njëherë me armë zjarri në ajër.

Menjëherë është ngritur grupi hetimor i Drejtorisë Vendore të Policisë Dibër dhe nën drejtimin e Spak dhe të Prokurorisë të Juridiksionit të Përgjithshëm Dibër po kryejnë hetimet për zbardhjen e rastit.

Plagosje me mjet prerës në Peshkopi – Një i ri në kërkim, tre të tjerë nën hetim për moskallëzim krimi

Një konflikt mes të rinjsh ka përfunduar me një të plagosur dhe disa persona të përfshirë, në një ngjarje që ka tronditur komunitetin e Peshkopisë.

Sipas Policisë, specialistët e Hetimit të Krimeve kanë shpallur në kërkim shtetasin E. E., 19 vjeç, banues në Peshkopi, i dyshuar si autori i plagosjes me mjet prerës të një 20-vjeçari, pas një sherri për motive të dobëta.

Viktima është transportuar në spital dhe ndodhet jashtë rrezikut për jetën, por nën kujdesin e mjekëve.

Çka e bën këtë ngjarje më shqetësuese është fakti se në konflikt janë përfshirë disa të rinj, të gjithë të moshave 19-20 vjeç, çka tregon një rritje alarmante të dhunës në grup dhe pranisë së mjeteve të rrezikshme në duart e të rinjve.

Në vijim të hetimeve, kanë nisur procedurat në gjendje të lirë për tre të rinj të tjerë:

A. P., 19 vjeç

K. Xh., 19 vjeç

O. E., 20 vjeç Të gjithë banues në Peshkopi, pasi dyshohet se kanë qenë të pranishëm gjatë konfliktit dhe nuk e kanë kallëzuar ngjarjen në organet kompetente.

Policia po punon intensivisht për kapjen e shtetasit E. E., ndërsa thotë se moskallëzimi i krimit përbën shkelje të rëndë penale.

Një aksident i rëndë ka ndodhur mbrëmjen e sotme në aksin rrugor Peshkopi-Kukës në vendin e quajtur Kastriot, ku një makinë tip Fuaristradë ka dalë nga rruga dhe për pasojë janë plagosur katër persona.

Sipas policisë së Dibër fillimisht aksidenti është pikasur nga drejtuesit e tjerë të mjeteve të cilët kanë njoftuar policinë dhe ambulancën e spitalit Peshkopi të cilët kanë mbërritur në vendngjarje ku dhe kanë bërë të mundur dërgimin e të plagosurave drejt spitalit.

Sipas mjekëve bëhet më dijë se njëri nga të plagosurit kishte marrë plagë të rënda dhe është nisur me helikopter drejt spitalit të Traumës për një mjekim me të specializuar.

“Sot me datë 09.01.2025, në vendin e quajtur “Pergjegje”, në fshatin Kastriot, shtetasi L.Gj, dyshohet se ka humbur kontrollin mbi drejtimin e automjetit të tij dhe për pasojë automjeti ka dalë nga rruga.

Si pasojë ka mbetur i lënduar drejtuesi i automjetit dhe tre pasagjer, të cilët po marrin ndihmë mjekësore në spital”, bën me dije policia.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një javë më parë, shumë banorë të lagjes “Kastrioti” u shtruan në spitalin rajonal të Peshkopisë me diarre e të vjella, simptoma helmimi.

Nga intervistat që Fiksi zhvilloi me banorët pohuan se kishin probleme me ujin e pijshëm. ” Pasi e konsumojmë ujin kemi probleme me diarre, shtrëngime në bark e të vjella” pohojnë ata.

Rreth 30 persona nga kjo lagjes përfunduan në urgjencën e spitalit rajonal Peshkopi dhe sipas banorëve kjo ka ndodhur nga konsumimi i ujit të pijshëm, pasi ujësjellësi po kryente ato ditë punime në pusetat e lagjes ” Kastriot”.

Fiksi shkoi edhe në urgjencës e spitalit ku u paraqitën si banorë që kishin shqetësime në bark dhe të vjella. Pyetja e parë që ju bë nga mjekët ishte nëse kishte konsumuar ujë të pijshëm. Përgjigjes ” po kemi konsumuar” mjekët i thanë që duhet të merrte serum pasi shqetësimet ishin nga uji i pijshëm. Për aq kohë sa Fiksi qëndroi pranë urgjencës së spitalit Peshkopi edhe tre persona të tjerë u paraqiten me të njëjtat probleme pasi kishin konsumuar ujë të pijshëm nga rrjeti.

Pasi Fiksi u informua nga banorët se UKD ishte duke kryer punime në puseta, gazetarët shkuan për ta parë situatën nga afër. Puseta që po pastrohej në momentin e vajtjes së Fiksit ishte puseta që furnizonte me ujë të pijshëm lagjen ” Kastriot”. Gjatë pastrimi të pusetës gazetarët vunë re papastërti në formë baltë që më vonë doli se ishin fekale. Pra që ujërat e bardha ishin përzier me ujërat e zeza.

Në terren Fiksi takoi edhe përgjegjësin e UKD -së i cili në çdo moment kërkoi që grupi i xhirimit të filmonte pusetat e pastruara e jo ato të papastruarat. Në intervistë për Fiks Fare ai shpjegoi se UKD-ja kishte ndërmarrë një aksion për pastrimin e pusetave dhe pyetjes se a ishte ky shkaku i helmimit të banorëve përgjegjësi mundohet ta shmangte. ” Nuk është uji i pijshëm ai që ka krijuar këtë situatë tek banorët, por ndoshta virozat e stinës” thotë përgjegjësi Hajredin Cena. Gjithashtu ai shtoi se faji mund të ishte edhe nga burimi kryesor në Gurë Lurë ku po kryheshin edhe atje disa punime, duke shmangur përgjegjësitë.

Por ndryshe tregojnë analizat e ujit. Fiksi u interesua pranë Institutit të shëndetit publik për përgjigjen e analizave të mostrave të ujit që kishin marrë në lagjen “Kastriot”

Në përgjigjen e tyre, thuhet se ISHP dhe NJVKSH Dibër ka kryer të gjitha hapat e duhura për ndjekjen e situatës nga hetimi epidemiologjik, ekzaminimet e mostrave të ujit deri tek ato humane.

Nga ekzaminimet e mostrave të ujit dhe nga NJVKSH Dibër dhe ISHP ka rezultuar në disa mostra prezencë të E- Coli, enerocoçi dhe prezencë amonjaku mbi nivelin e normës.

Mbështetur në ekzaminim laboratorik për prezencë të viruseve në një pjesë të mirë të mostrave të pacientëve rezultoi norovirus G2.

Në përgjigjen e saj ISHP thotë se gjendje shëndetësore e pacientëve të lagjes “Kastrioti” që përfunduan në urgjencën e spitalit mund të ketë ardhur prej ujit të pijshëm.