“Qëllimi i këtij projektligji është përditësimi dhe përafrimi me legjislacionin e ri ose të ndryshuar të Bashkimit Europian në fushën e peshkimit. Synohet rregullimi dhe përditësimi i dispozitave lidhur me infrastrukturën e peshkimit, mënyrës së menaxhimit dhe transferimit të saj, si dhe rishikimi i nivelit të masave për sanksionet e parashikuara. Gjithçka është përcaktuar në një projektligj të hartuar nga Ministria e Bujqësisë dhe Zhvillimit Rural”, tha Denaj.

Sipas saj, ndër të tjera parashikohet një shtim i lejeve për anijet që do të peshkojnë përtej Detit Mesdhe, që do të sjellë një rritje të sasisë së peshkut të zënë, e që do të përkthehet edhe me një shtim të eksporteve.

“Ne kemi një flotë e cila përbëhet nga gati 811 mjete, të cilat sot lundrojnë në Detin Mesdhe, por mundësia e këtij ligji jep në të ardhmen, jo vetëm një rinovim të flotës për të realizuar përafrimin e standardeve, por edhe shtim të saj dhe për të shkuar në dete më të thella sesa ato që jemi ne sot, pra e thënë me fjalë të thjeshta, jep mundësi më të mëdha për ekonominë”, deklaroi Denaj.

Ministrja vuri në dukje se eksportet produkteve peshkore janë rrritur në 144 milionë euro në 2023 dhe investimet në përmirësimin e anijeve dhe infrastrukturën përkatëse do të rrisin më tej shifrat e eksporteve.

Denaj vlerësoi ecurinë pozitive të Akuakulturës në Vlorë, ku siç tha ajo “9600 tonë peshkim ndodh në vaska e akuakulturës dhe objektivi është për 30 mijë ton në këtë sektor”.

Një 33-vjeçar, banues në Fier, iu gjet dhe iu sekuestrua një sasi e vogël lënde e dyshuar narkotike cannabis sativa, dhe si pasojë nisi procedimi në gjendje të lirë për shtetasin me inicialet E.A.

Njoftimi i policisë:

Specialistët për Hetimin e Narkotikëve të DVP Fier referuan materialet në Prokurori, ku nisi procedimi në gjendje të lirë për shtetasin E. A., 33 vjeç, banues në Fier, pasi gjatë kontrollit fizik, iu gjet dhe iu sekuestrua një sasi e vogël lënde e dyshuar narkotike cannabis sativa.