Ambasadori i Ukrainës në Shqipëri, Volodymyr Shukrov, ka pësuar infarkt gjatë një vizite në Voskopojë, në juglindje të vendit. Ai ndodhej atje me bashkëshorten për pushime, kur gjendja shëndetësore u përkeqësua papritur.

Fillimisht, diplomati u dërgua me urgjencë në Spitalin e Korçës dhe më pas u transportua drejt Tiranës për trajtim më të specializuar. Aktualisht, Shukrov po merr kujdes mjekësor në një spital privat në kryeqytet.

Burime nga stafi mjekësor bëjnë me dije se ambasadori ndodhet në gjendje stabël dhe po i nënshtrohet ekzaminimeve të detajuara, përfshirë koronarografinë, për të përcaktuar gjendjen e arterieve të zemrës.

Një 67-vjeçare ka ndërruar jetë si pasojë e një arresti kardiak. Sipas policisë, A. Gj., 67 vjeçe, banuese në Tiranë, dyshohet se sapo ka rënë në kontakt me ujin në det, ka pësuar arrest kardiak dhe si pasojë ka humbur jetën. Teksa policia deklaron se është ngritur një grup i posaçëm hetimor lidhur me zbardhjen e ngjarjes.

Durrës/Informacion paraprak/ Rreth orës 14;50, në lagjen nr. 13 Durrës, shtetasja A. Gj., 67 vjeçe, banuese në Tiranë, dyshohet se sapo ka rënë në kontakt me ujin në det, ka pësuar arrest kardiak dhe si pasojë ka humbur jetën. Grupi hetimor vijon punën për sqarimin e plotë të rrethanave dhe shkakut të humbjes së jetës së 67 vjeçares.

Një turist gjerman ka humbur jetën te ‘Syri i Kaltër’ në Sarandë. Raportohet se bëhet fjalë për një 83-vjeçar i cili ka pësuar infarkt.

Në vendin e ngjarjes shkoi menjëherë ambulanca, por fatkeqësisht ishte vonë për të moshuarin, pasi kishte ndërruar jetë. Sakaq, policia akoma nuk ka dalë me informacion zyrtarë rreth çështjes.