Një aksident i rëndë rrugor është regjistruar këtë të martë në hyrje të fshatit Pezë Helmës, në afërsi të Tiranës, ku dy automjete janë përplasur kokë më kokë.

Njëri prej automjeteve të përfshira në ngjarje është një taksi.

Sipas të dhënave paraprake, dyshohet se shkak i përplasjes është bërë një parakalim i gabuar, që çoi në aksidentin mes mjeteve.

Si pasojë e përplasjes ka persona të plagosur, të cilët janë transportuar drejt spitalit për ndihmë mjekësore.

Pas mesnatës së mbrëmjes së djeshme një shpërthim dyshohet se është regjistruar pranë një biznesi ne Pezë. Sipas burimeve pronari ka telefonuar policinë rreth orës 8:00 të mengjesit çka ka ngjallur dyshime se ka qenë i pa vendosur për ta referuar ose jo në polici.

Pas verifikime të para dyshohet se lënda plasëse ka qenë artizanale, grupi hetimit ka marrë deklaratën e pronarit i cili pretendon se shkak mund të jetë bërë një borxh që ai i ka dikujt në lidhje me një pronë. Janë marrë disa kamera sigurie dhe po verifikohen për zbardhjen e detajeve dhe për të identifikuar autorin. Nga shpërthimi ka vetëm dëme materiale të vogla.