Një 30-vjeçar është shpallur në kërkim nga policia, pasi mbrëmjen e djeshme, 6 korrik, ka plagosur me thikë dy vëllezërit e tij.

Ngjarja ka ndodhur në banesën e tyre në Paskuqan, Tiranë. Bëhet e ditur se i kërkuari, Ervin. K nuk jetonte me vëllezërit në të njëjtën banesë, por takimi mes tyre ishte lënë për shlyerjen e një borxhi të marrë nga autori.

Sipas burimeve, mësohet se edhe vetë 30-vjeçari është goditur nga dy vëllezërit me sende të forta, ndërsa më pas ka marrë thikën dhe i ka dëmtuar ata në duar dhe pjesë të ndryshme të trupit.

Policia jep informacion lidhur me përplasjen e dy mjeteve në Durrës. Sipas policisë nga përplasja mbetën të lënduar tre shtetas, por që janë jashtë rrezikut për jetën.

‘Rreth orës 17:40, në lagjen nr. 17/1 Durrës, automjeti me drejtues A. K, është përplasur me automjetin me drejtues shtetasin A. Z, ku si pasojë e përplasjes automjeti me drejtues shtetasin A. Z, ka dalë nga rruga.

Si pasojë janë dëmtuar jashtë rrezikut për jetën tre shtetas, pasagjerë në këto mjete të cilët ndodhen nën kujdesin e mjekëve jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit’, njofton policia.

Një plagosje me thikë raportohet të ketë ndodhur në Durrës, ku dy vëllezër kanë plagosur me mjet prerës një 32-vjeçar pas një konflikti të çastit.

Njoftimi i policisë:

Durrës/Informacion paraprak

Plagosën me mjet prerës (thikë) një 32-vjeçar, dyshohet pas një konflikti të çastit, ndërhyrja e menjëherëshme e shërbimeve të Policisë, bëri të mundur kapjen dhe shoqërimin e autorëve të dyshuar.

Rreth orës 18:45, në lagjen nr. 4 Durrës, dyshohet se pas një konflikti të çastit, dyshohet për motive të dobëta, shtetasit E.G, 36 vjeç dhe I. G. 33 vjeç, (vëllezër) kanë plagosur me mjet prerës (thikë), shtetasin G. B., 32 vjeç.

Ndërhyrja e menjëherëshme e shërbimeve të Policisë, bëri të mundur kapjen dhe shoqërimin në Komisariat, të dy vëllezërve për veprime të mëtejshme procedurale.

32-vjeçari është transportuar në spitalin e Durrësit, ku po merr ndihmë mjekësore dhe ndodhet jashtë rrezikut për jetën.

Grupi hetimor nën drejtimin e Prokurorisë po punon për sqarimin e plotë të rrethanave të rastit.

Dy persona kanë ndërruar jetë ditën e sotme pasi mbetën fillimisht të plagosur në sulmin e “Notting Hill Carnival” fundjavën e kaluar.

BBC shkruan se ka humbur jetën në spital Cher Maximen, 32 vjeçe, dhe Mussie Imnetu, 41 vjeç.

Ajo ndodhej në festival bashkë me fëmijën e saj të mitur kur u sulmua.

Ndërkohë 41 vjeçari kishte mbërritur në Angli për një vizitë pune, pasi ishte një kuzhinierë i njohur.

Policia greke ka zbardhur një ngjarje të ndoshur në 5 nëntor 2023, kur në Halkidonia të Selanikut, u plagos me armë zjarri 26 vjecari grek Dimitriou Sampri. Pas hetimeve intensive të policisë greke, u arrit të identifikoheshin dy autorët e dyshuar.

Ata janë Altin Ibrahimi 41 vjeç dhe Edmir Semanjaku 38 vjeç.

Shkak i ngjarjes mësohet se kanë qenë mosmarrëveshjet mes Semanjakut dhe Samprit. Gjatë marrjes në pyetje Ibrahimi ka deklaruar se ka goditur me armë në tokë dhe jo drejt 26 vjecarit, ndërsa Semanjaku ka pranuar vetëm praninë në vendin e ngjarjes.

Policia sekuestroi edhe një automjet BMË në pronësi të Altin Ibrahimit, e cilq kishte shërbyer për t’u larguar nga vendi i ngjarjes.

Altin Ibrahimi rezulton me precedentë të rëndë penalë. Në mars të këtij viti ai u kap në Thermi të Selanikut me 1 kg 62 gram kokainë.

Gjatë arrestimit ai paraqiti një dokument të falsifikuar me identitetin Dyonisios Vlahos.

Gjatë kontrollit të banesës së tij u gjetën edhe 3 peshore, 5640 euro dhe dokumenta false ndërsa në mjet i’u sekuestruan 2 celularë.

Gjatë verifkimeve ai rezultoi se ishte në kërkim me urdhër arresti nga Prokuroria e Athinës për organizatë kriminale, falsifikim dhe dëshmi e rreme. Ai gjithashtu rezulton të jetë arratisur nga një burg në Francë në maj 2016 ku ishte arrestuar për trafik droge.

Ibrahimi rezulton me precedentë penalë në Greqi për organizatë kriminale, falsifikim, dëshmi e rreme, zhvatje, grabitje, vjedhjë të rëndë, zjarrvënie dhe armëmbajtje pa leje.
Edhe i arrestuari tjetër Edmir Semanjaku rezulton me precedentë penalë në Greqi.

Edmond Marku, Mark Marku dhe Loni Marku janë 3 vëllezërit të cilët u arrestuan në Mirditë. Mësohet se Gjykata e Shkallës së Parë e Juridiksionit të Përgjithshëm Lezhë i kishte caktuar masën e sigurisë “Arrest në burg”, për veprën penale “Plagosja e rëndë me dashje”, kryer në bashkëpunim”, pasi dyshohet se më datë 12.05.2023, në Fan, Mirditë, kanë goditur me sende të forta një person për motive të dobëta.

Njoftimi i policisë:

DVP Lezhë/Në zbatim të masave të megaoperacionit “Sundimi i ligjit”, u finalizua operacioni policor i koduar “Brothers”.

Akuzohen se plagosën rëndë një shtetas, rreth 1 vit më parë, në Mirditë, duke e goditur atë me sende të forta, për motive të dobëta, kapen dhe vihen në pranga 3 shtetas (vëllezër).

Si rezultat i kontrolleve të ushtruara në zbatim të masave të hartuara në kuadër të megaoperacionit “Sundimi i ligjit”, për kapjen e shtetasve në kërkim, bazuar dhe në informacionet e siguruara nga inteligjenca policore, Sektori për Hetimin e Krimeve të Rënda i  DVP Lezhë, në bashkëpunim me Komisariatin e Policisë Mirditë dhe me FSK-në, finalizoi operacionin e koduar “Brothers”. Si rezultat i këtij operacioni u ndaluan shtetasit në kërkim:

E.M., 36 vjeç, M. M., 33 vjeç dhe L. M., 29 vjeç (vëllezër), banues në Thirrë, Mirditë.

Gjykata e Shkallës së Parë e Juridiksionit të Përgjithshëm Lezhë i ka caktuar këtyre shtetasve masën e sigurisë “Arrest në burg”, për veprën penale “Plagosja e rëndë me dashje”, kryer në bashkëpunim”, pasi dyshohet se më datë 12.05.2023, në Fan, Mirditë, kanë goditur me sende të forta shtetasin B. N., për motive të dobëta.

Një 19-vjeçar është vrarë me thikë në qytetin Wolverhampton, në Anglinë qendrore.about:blank

Policia britanike ka bërë të ditur se dy 12-vjeçarë janë arrestuar si të dyshuar për vrasje.

Sean Sissahai vdiq të hënën pasi u godit me thikë pranë një rruge në pjesën jugore të Wolverhampton, e cila është në veri-perëndim të Birmingham.

“Dy djem 12-vjeçarë u arrestuan në shtëpitë e tyre mbrëmë me dyshimin për vrasje dhe mbeten në paraburgim policor”, tha policia e West Midlands në një deklaratë.

Më tej shtoi: “Ne kemi shtuar patrullimet në zonë pasi kuptojmë se ky incident do të ketë shkaktuar shqetësim të thellë në komunitetin lokal“.