Një ngjarje e rëndë ka ndodhur sot në Turqi, ku një sulm i armatosur para gjykatës Çaglayan në Stamboll, ka lënë disa persona të plagosur.

Sipas mediave vendase, sulmi është kryer nga dy persona, ndërsa të plagosur kanë mbetur 6 persona, 3 prej tyre efektivë policie.

Në deklaratën e tij ministri Yerlikaya tha se “është konstatuar se tradhtarët e neutralizuar të quajtur EY dhe PB janë anëtarë të organizatës terroriste DHKP/C”.

Aksident masiv në Kosovë.

Gjashtë persona kanë pësuar lëndime si pasojë e një aksidenti sot në Qerim të Gjakovës.

Zëdhënësi i policisë për Gjakovë, Sheremet Elezaj tha për KosovaPress se në këtë aksident kanë qenë të përfshira pesë makina.

“Rreth orës 8:35 është raportuar aksident trafiku në fshatin Qerim-Gjakovë. Policia ka dalë në vendin e ngjarjes ku të përfshirë në aksident kanë qenë pesë automjete (tri në lëvizje, ndërsa dy të parkuara). Për pasojë, gjashtë persona kanë kërkuar ndihmë mjekësore”, tha Elezaj.

Njëri nga personat e lënduar po e vazhdon trajtimin në Spitalin Rajonal në Gjakovë, ndërsa të tjerët janë liruar”, ka shtuar ai.