Një incident me armë zjarri ka ndodhur mbrëmjen e sotme në Hanover të Gjermanisë, duke shkaktuar panik dhe tension në zonën Vahrenwalder Straße. Sipas raportimeve të gazetës “Hannoversche Allgemeine”, disa persona kanë mbetur të plagosur, ndërsa policia ka arrestuar një të dyshuar.

Sipas të dhënave fillestare, ngjarja ka ndodhur rreth orës 18:25 me orën lokale, pas një përplasjeje mes dy grupeve personash. Shkaqet e konfliktit ende nuk janë bërë të ditura, ndërsa hetuesit po punojnë për të zbardhur motivin e saktë të ngjarjes.

Policia e Hanoverit konfirmoi se disa persona janë dërguar në spital, por gjendja e tyre shëndetësore mbetet e paqartë. Një zëdhënëse e policisë deklaroi se një prej të dyshuarve është kapur në vendngjarje, ndërsa operacionet e sigurisë janë ende në zhvillim.

Njësitë e policisë dhe Departamenti i Hetimeve Penale ndodhen në terren, duke mbledhur prova dhe dëshmi për të rindërtuar dinamikën e incidentit. Zona është e rrethuar, ndërsa autoritetet u kanë kërkuar qytetarëve të shmangin kalimin aty deri në përfundim të hetimeve.

Dy persona jane lenduar ne nje aksident te ndodhur mbremjen e te shtunes ne Shkoder.

Policia tha se reth orës 21:37, në aksin rrugor “Kosmaç – Vau i Dejës”, një 17-vjeçar, duke drejtuar një automjet, dyshohet se ka humbur kontrollin mbi drejtimin e tij dhe ka dalë nga rruga, duke u përplasur me murin rrethues të një banese.

Si pasojë, janë dëmtuar 17-vjeçari dhe vëllai i tij, shtetasi F.G., të cilët ndodhen në Spitalin Rajonal Shkodër, nën kujdesin e mjekëve.

Grupi hetimor vijon punën për zbardhjen e rrethanave të aksidentit.

DURRËS- Dy persona kanë mbetur të plagosur meditën e sotme pas një konflikti në Durrës. Mësohet se në konflikt janë përfshirë dy familje të cilat banojnë pranë njëra-tjetrës. Konkretisht ngjarja ka ndodhur mesditën e kësaj të diele në lagjen 15 të qytetit bregdetar.

Dy të plagosurit janë transportuar në urgjencën e spitalit të Durrësit, ku njëri rezulton i plagosur me thikë ndërsa tjetri me sende të forta. Megjithashtë ende nuk dihet shkaku i kësaj ngjarjeje, ndërsa po punohet për kapjen e autorit, i cili është larguar menjëherë nga vendi i ngjarjes.

SRI LANKA- Pesëmbëdhjetë persona kanë humbur jetën në Sri Lanka, pasi një autobus pasagjerësh doli nga një shkëmb 300 metra i lartë. Një zëdhënës i policisë tha se 16 persona të tjerë janë plagosur, përfshirë pesë fëmijë.

Aksidenti ndodhi në një rrugë malore pranë qytetit Wellawaya, rreth 280 km në lindje të kryeqytetit Colombo, të enjten në mbrëmje. Zëdhënësi tha se një hetim fillestar i policisë ka zbuluar se autobusi po udhëtonte me shpejtësi të lartë kur shoferi i tij humbi kontrollin.

Ai shtoi se autobusi u përplas me një automjet tjetër dhe me kangjellat mbrojtëse të rrugës, përpara se të rrëzohej nga shkëmbi, shkruan Sky News.

Pamjet televizive lokale treguan autobusin e dëmtuar rëndë në fund të greminës, ndërsa ekipet e shpëtimit, përfshirë ushtarë, oficerë policie dhe vullnetarë , nxorën të plagosurit gjatë gjithë natës.

Aksidentet vdekjeprurëse me autobusë janë të zakonshme në Sri Lanka , veçanërisht në rajonet malore të vendit ishullor, shpesh për shkak të rrugëve të ngushta dhe të mirëmbajtura dobët, si dhe drejtimit të pakujdesshëm të automjeteve

Tiranë, 12 Korrik 2025 – Një aksident me pasojë vdekjen është regjistruar pas mesnate në autostradën Tiranë-Durrës, në zonën e Marikajt. Një automjet me tre të rinj ka dalë nga rruga, duke lënë të vdekur një 19-vjeçar dhe duke plagosur dy të tjerë.

Sipas njoftimit zyrtar të Policisë, aksidenti ndodhi rreth orës 00:40, kur shtetasi D.D., 18 vjeç, dyshohet se humbi kontrollin e automjetit që po drejtonte. Për pasojë, automjeti doli nga rruga, duke shkaktuar vdekjen e pasagjerit E.B., rreth 19 vjeç.

Drejtuesi i mjetit dhe pasagjeri tjetër kanë mbetur të plagosur dhe ndodhen në spital, nën kujdesin e mjekëve. Gjendja e tyre shëndetësore nuk është bërë ende e ditur.

Grupi hetimor po punon për zbardhjen e plotë të rrethanave të aksidentit dhe përcaktimin e shkakut të humbjes së kontrollit nga ana e drejtuesit të mjetit.

Mësohet se një taksi ka dalë nga rruga kryesore dhe ka përfunduar në parcela dhe si pasojë e aksidentit janë lënduar drejtuesi dhe dy pasagjerët- përkatësisht turistë.

VLORË- Një aksident rrugor ka ndodhur ditën e sotme në aksin Vlorë-Levan. Mësohet se një taksi ka dalë nga rruga kryesore dhe ka përfunduar në parcela dhe si pasojë e aksidentit janë lënduar drejtuesi dhe dy pasagjerët- përkatësisht turistë.

Gjithashtu bëhet e ditur se kanë qenë kalimtarët e rastit që i kanë dhënë ndihmnën e parë të treve. Ndërkohë Policia ndodhet në vendin e ngjarjes dhe po punon për zbardhjen e plotë të shkaqeve të aksidentit.

Fier, 24 qershor 2025 – Një aksident rrugor ka ndodhur pak minuta më parë në aksin “Fier–Cakran”, ku janë përplasur dy automjete të tipit “Ford” dhe “Volkswagen”.

Si pasojë e përplasjes së fortë, tre pasagjerë kanë mbetur të plagosur dhe janë transportuar me urgjencë drejt Spitalit Rajonal Fier, ku po marrin ndihmën e nevojshme mjekësore. Gjendja e tyre shëndetësore ende nuk është bërë publike.

Në vendin e ngjarjes kanë mbërritur menjëherë shërbimet e policisë dhe grupi hetimor, i cili ka nisur punën për zbardhjen e plotë të shkaqeve të aksidentit.

Autoritetet u bëjnë thirrje drejtuesve të automjeteve të tregojnë kujdes dhe të respektojnë rregullat e qarkullimit për të shmangur ngjarje të tilla me pasoja për jetën dhe shëndetin.

Një ngjarje e rëndë ka ndodhur mbrëmjen e sotme në Gjermani.

Sipas mediave të huaja, mësohet se në stacionin e trenit në Hamburg një grua ka sulmuar me thikë 12 persona.

Fillimisht, u fol për tetë persona të plagosur, më pas policia sqaroi se tre prej të tyre janë në gjendje të rëndë për jetën.

Ende nuk dihen rrethanat e ngjarjes, ndërsa autoritetet gjermane janë duke punuar për zbardhjen e plotë të rrethanave.

Një aksidenti rëndë ka ndodhur mëngjesin e sotëm në fshatin Pouskë të Prizrenit. Policia ka konfirmuar se si pasojë një 19-vjeçare ka ndërruar jetë, kurse dy persona të tjerë janë lënduar.

Zëdhënësi i policisë për rajonin e Prizrenit, Shaqir Bytyqi deklaroi për mediat se nga të lënduarit, njëri prej tyre ka lëndime të rënda.

“Si pasojë e aksidentit tre persona kanë pësuar lëndime. Një 19-vjeçare ka vdekur si pasojë e lëndimeve, ndërsa dy tjerë, njëri (25-vjeçar) ka pësuar lëndime të rënda, ndërsa tjetri (27-vjeçar) lëndime të lehta trupore”, ka njoftuar zëdhënësi policor.

Ai ka shtuar se në vendngjarje kanë dal patrullat e njësisë së trafikut rajonal, emergjenca, zjarrfikësit, hetuesit dhe Prokurori kujdestar

Të shtëna me armë zjarri janë raportuar mesditën e sotme në qytetin e Laçit, duke shkaktuar panik tek banorët e zonës. Sipas informacioneve paraprake, dyshohet se tre persona kanë mbetur të plagosur si pasojë e të shtënave.

Mes të plagosurve është edhe një grua, e cila ndodhej pranë vendit të ngjarjes duke shitur qirinj. Ajo ka marrë plagë nga predhat dhe është dërguar me urgjencë në spital së bashku me dy personat e tjerë të lënduar.

Forca të shumta policie kanë mbërritur në vendngjarje dhe kanë rrethuar zonën. Grupi hetimor është duke mbledhur prova dhe dëshmi për të zbardhur motivet dhe autorët e mundshëm të ngjarjes. Ende nuk ka informacione zyrtare mbi identitetin e të plagosurve apo shkakun e konfliktit që çoi në përdorimin e armës.

Ngjarja ka ndodhur në një zonë të frekuentuar afër një objekti fetar, çka ka shtuar shqetësimin në opinionin publik.