Nje 85 vjecar mbeti i plagosur sot ne Himare teksa po punonte ne ullishte si pasoje e shperthimit te nje granate. 

Policia tha se i demtuari eshte jashte rrezikut per jeten ndersa per ngjarjen, kane nisur hetimet.

Himarë/Informacion paraprak

Sot, në lagjen “Livadhë”, Himarë, në një sipërfaqe toke (ullishte), shtetasi K. K., 85 vjeç, duke punuar në tokën e tij, ka marrë dëmtime në këmbë, si pasojë e shpërthimit të një granate dore, e cila ndodhej e fshehur në rrënjët e një ulliri.

Shtetasi K. K. aktualisht ndodhet në Spitalin Rajonal Vlorë, jashtë rrezikut për jetën.

Grupi hetimor po kryen veprimet hetimore për zbardhjen dhe dokumentimin e plotë të ngjarjes.

Një aksident i rëndë ka ndodhur në aksin Lushnjë-Berat, ku si pasojë ka përfunduar në spital një 30-vjeçar.

Sipas burimeve, 30-vjeçari A.G drejtuesi i makinës tip Toyota, është transportuar me urgjencë në Spitalin e Lushnjës.

Në vendngjarje mbërriti policia rrugore dhe zjarrfikësit. Policia e vlerësoi rrethanat e aksidentit dhe dyshon se njëri prej drejtuesve të mjeti ka qenë me shpejtësi të lartë.

Promoted Content

Pasditen e sotme ka pasur të shtëna me armë zjarri në Kumanovë.

Sipas informacioneve jozyrtare është plagosur një person.

Ngjarja ka ndodhur në afërsi të ndërtesës së Fondit Pensoinal në Kumanovë.

Sipas dëshmitarëve okularë, autori akoma nuk është identitfikuar, pasi në vendin e ngjarjes është parë me maskë./Telegrafi

Një 69-vjeçar i dëmtuar me mjet prerës dërgohet në spitalin e Vlorës.

69-vjeçari ka marrë plagë në kraharor, ndërsa sipas informacioneve nga policia, ngjarja ka ndodhur në Himarë.

Nuk dihen ende shkaqet, ndërsa nga policia kanë nisur hetimet.

Përparim Popa, 69 vjeç, është dërguar fillimisht në spitalin e Himarës dhe më pas, për ndihmë më të specializuar, është dërguar drejt spitalit të Vlorës.

Një incident i armatosur ka ndodhur pasditen e sotme në qytetin e Pejës, ku një person ka mbetur i plagosur si pasojë e të shtënave me armë zjarri.

Ngjarja është raportuar rreth orës 15:50 në rrugën “Papa Klementi”, ku sipas informacioneve zyrtare nga Policia, njësitet patrulluese kanë reaguar menjëherë pas marrjes së thirrjes.

Zëdhënësi i Policisë së Rajonit të Pejës, Driton Rugova, konfirmoi për mediat se i plagosuri është transportuar me urgjencë në Spitalin Rajonal të Pejës dhe aktualisht po merr trajtim mjekësor. Gjendja e tij shëndetësore nuk është bërë ende publike.

Ndërkohë, autori i dyshuar është larguar nga vendi i ngjarjes dhe është shpallur në kërkim nga autoritetet. Policia ka nisur hetimet dhe po punon për identifikimin dhe kapjen e personit të dyshuar.

Një incident i rëndë është shënuar sot rreth orës 15:00 në qytetin e Podujevës, konkretisht në rrugën “Zahir Pajaziti”, ku një person ka pësuar lëndime serioze si pasojë e një sulmi me thikë. Policia e Kosovës ka reaguar menjëherë dhe ka arrestuar të dyshuarin për këtë akt. Zëdhënësja e Policisë për rajonin e Prishtinës, Flora Ahmeti, ka bërë me dije se rasti është duke u trajtuar nga autoritetet përkatëse dhe se hetimet kanë filluar në koordinim me Prokurorinë.

“Sot rreth orës 15:00, kemi pranuar informacionin për një lëndim trupor të shkaktuar nga një mjet i mprehtë në rrugën ‘Zahir Pajaziti’ në Podujevë. Një person është lënduar dhe është dërguar për trajtim mjekësor, ndërkohë që i dyshuari është arrestuar nga njësitet policore. Policia, në bashkëpunim me Prokurorinë, ka nisur hetimet për zbardhjen e rrethanave të këtij rasti,” ka deklaruar Ahmeti.

Ngjarja ka ndodhur në ambientet e shkollës së mesme ekonomike “Isa Boletini”, ku i plagosuri ka marrë ndihmën e parë dhe më pas është transportuar në Qendrën Klinike Universitare të Kosovës. Drejtori i Klinikës Emergjente në QKUK, Naser Syla, ka bërë me dije se gjendja shëndetësore e viktimës është e rënduar dhe jo stabile.

“Pacienti është sjellë nga Podujeva me plagë të shkaktuara nga një mjet i ftohtë. Janë realizuar të gjitha ekzaminimet e nevojshme mjekësore dhe ai është dërguar menjëherë në sallën e operacionit. Në ndërhyrje janë përfshirë ekipet e anestezionit, kirurgjisë abdominale dhe asaj torakale. Gjendja e tij vazhdon të jetë e rëndë dhe jo stabile,” ka deklaruar Syla.

Autoritetet janë duke e trajtuar rastin me seriozitet të lartë dhe pritet të publikohen më shumë detaje pas përfundimit të hetimeve fillestare.

Cërrik, 28 Gusht 2025 – Një incident i rëndë është shënuar mëngjesin e sotëm në fshatin Dëshiran, Belsh.

Dyshohet se për shkak të rrjedhjes së gazit nga bombola e gatimit ka shpërthyer zjarr në banesën e shtetasit H. C., 85 vjeç. I moshuari u plagos dhe u transportua në spital, ku po merr trajtim mjekësor.

Grupi hetimor ndodhet në vendngjarje për të zbardhur shkaqet dhe rrethanat e ngjarjes.

Një aksident ka ndodhur disa minuta më parë në aksin Fier-Levan, në afërsi të “Kthesës së Zhupanit”. Një automjet “Hunday” ka humbur kontrollin dhe për pasojë është përplasur me shtyllën elektrike.

Nga përplasja e fortë ka mbetur i lënduar drejtuesi i automjetit, i cili është transportuar me urgjencë drejt Spitalit Rajonal Fier, ku ndodhet nën kujdesin e mjekëve dhe jashtë rrezikut për jetën.

Ndërkohë në vendngjarje ndodhet policia dhe grupi hetimor për të bërë të mundur zbardhjen e shkaqeve të aksidentit në fjalë dhe punonjësit e OSHEE, për të bërë të mundur riparimin e kabujve të tensionit të lartë, të cilët ranë përtokë, duke penguar edhe qarkullimin e automjeteve në këtë aks, veçanërisht të frekuentuar gjatë muajve të verës.

Një tjetër incident është shënuar në veri të vendit. Një i ri ka mbetur i plagosur në fshatin Nderlysaj, në Theth.

Ngjarja ka ndodhur pak minuta më parë, ku pas një përleshje është plagosur lehtë me thikë një banor vendas.

Policia është nisur drejt vendit të ngjarjes ndërsa i plagosuri pasi ka marrë ndihmën e parë po dërgohet për në spital, jashtë rrezikut për jetën.

Një aksident i rëndë në punë ka ndodhur në Cavaso del Tomba, në rrugën San Pio X në Itali nga ku mësohet se një punëtor 43-vjeçar me origjinë shqiptare, i angazhuar në një gërmim për vendosjen e fibrës optike, mbeti i plagosur rëndë kur një kamion u përplas me një mur dhe ai ishte në mes.

Sipas mediave italiane, shqiptari ka mbetur i bllokuar mes kamionit dhe murit të një shtëpie. Mësohet se 43-vjeçari u transportua menjëherë në spitalin e Trevisos me dëmtime të rënda në legen dhe bark.

Gjithashtu bëhet me dije se gjendja e tij është e rëndë, por nuk është në rrezik për jetën. Ndërkohë në vendngjarje mbërritën karabinierët dhe inspektorët e Spisal për të sqaruar dinamiken e aksidentit.