Policia ka reaguar dhe ka dalë me një njoftim zyrtar në lidhje me ngjarjen e ndodhur mbrëmjen e kësaj të enjteje në qendër të Fierit, ku një efektiv policie plagosi me armën e shërbimit një person, pas një konflikti mes tyre.

Sipas informacioneve të policisë, ngjarja ka ndodhur rreth orës 19:20, në vendin e quajtur “Ish globi”, ku shërbimet e Policisë kishin bllokuar një segment rrugor për zhvillimin e një koncerti.

I riu, 26 vjeç duke drejtuar një automjet tip “Volkswagen” është afruar te punonjësit e Policisë dhe ka tentuar të futet në rrugën e bllokuar.

Punonjësit e Policisë nuk e kanë lejuar të futet brenda perimetrit të sigurisë dhe në atë moment, i riu ka dalë nga automjeti dhe ka qëlluar me grushte në fytyrë duke i shkaktuar dëmtime të rënda në fytyrë dhe në gojë.

Në kushtet e vetëmbrojtjes, polici ka qëlluar me armën e shërbimit duke e plagosur në këmbë shtetasin.

Shërbimet e Policisë të cilët kanë dërguar menjëherë për në spital për ndihmë mjekësore 26-vjeçarin, i cili ndodhet jashtë rrezikut për jetën.

Ndërkohë është shoqëruar në spital për ndihmë mjeksore dhe punonjësi i Policisë dhe pas marrjes së ndihmës mjekësore është shoqëruar në Komisariatin e Policisë për veprime të mëtejshme.

Një 30-vjeçar është plagosur me armë zjarri në Malësi të Madhe. Sipas policisë, ngjarja ka ndodhur në fshatin Vermosh, ndërsa mësohet se autori është Gjergj Marku.about:blank

Plagosja ka ndodhur pas një konflikti për motive të dobëta, ndërsa raportohet se Marku i ka dëmtuar edhe makinën personit që e plagosi.

Autori u arrestua nga policia pas disa minutash ndjekje. Ndërkohë në vijim të veprimeve, nisi procedimi në gjendje të lirë për bashkëshorten e shtetasit Gjergj Marku, pasi ka qenë prezent gjatë konfliktit dhe e ka kanosur 30-vjeçarin.

Plagosi me armë zjarri një shtetas dhe tentoi të largohej nga vendi i ngjarjes, falë reagimit në kohë të shërbimeve të Policisë, kapet dhe vihet në pranga 55-vjeçari.

Shërbimet e Policisë, pas njoftimit se në vendin e quajtur “Qafa e Bardelecit”, në fshatin Vermosh, Malësi e Madhe, ishte plagosur me armë zjarri një shtetas, kanë shkuar menjëherë në këtë adresë. Nga veprimet e para hetimore rezultoi se pas një konflikti për motive të dobëta, shtetasi Gj. M. kishte plagosur me armë zjarri pistoletë, në dorë, shtetasin M. P., 30 vjeç, i cili ndodhet jashtë rrezikut për jetën. Gjithashtu, shtetasi Gj. M. ka dëmtuar automjetin e shtetasit D. Q. dhe e ka kanosur atë, pasi i ka ofruar ndihmë shtetasit të plagosur.