Një ngjarje e rëndë ka ndodhur mbrëmjen e së premtes në zonën e Misto Mames në Tiranë, ku një 41-vjeçar ka plagosur me thikë partneren e tij pas një debati për motive të dobëta.

Policia ka arrestuar autorin, ndërsa viktima ndodhet nën kujdesin e mjekëve. Konflikti, sipas njoftimit zyrtar, ka nisur për arsye xhelozie dhe më pas ka degjeneruar në këtë ngjarje të dhunshme.

Thuhet se çifti kishte konflikte të vazhdueshme dhe viktima kishte bërë disa herë denoncime në polici, por shpesh i kishte falur ato.

Sipas burimeve për JOQ Albania, mbrëmjen e djeshme 41-vjeçari e ka goditur partneren 7 deri në 8 herë në pjesën e barkut dhe mushkërisë, duke i prerë edhe veshin. Ngjarja ka tronditur komunitetin lokal dhe riafirmon rëndësinë e reagimit të shpejtë të policisë në raste dhune në familje.

Një ngjarje e rëndë ka ndodhur mbrëmjen e djeshme në Fier, ku dy persona janë dëmtuar me mjet prerës gjatë një konflikti për motive të dobëta. Specialistët e Sektorit për Hetimin e Krimeve të Rënda dhe Komisariati i Policisë Fier, pas marrjes së njoftimit se dy persona kishin shkuar për mjekim në spital, nisën hetimet për zbardhjen e rrethanave dhe identifikimin e autorëve.

Sipas hetimeve të kryera, dyshohet se ngjarja ka ndodhur në lagjen “11 Janari”, Fier, kur shtetasi A. M., 28 vjeç, ka pasur një konflikt me vëllezërit E. H., 40 vjeç dhe T. S., 38 vjeç, për motive të dobëta. Gjatë përplasjes, E. H. ka goditur me thikë A. M., ndërsa vëllai i tij, T. S., ka pësuar dëmtime të lehta në dorë gjatë ngjarjes.

Pas veprimeve të shpejta hetimore, u arrestua në flagrancë 40-vjeçari E. H., për veprën penale “Vrasja me dashje” e mbetur në tentativë. Autoritetet po vijojnë hetimet për zbardhjen e plotë të ngjarjes dhe përgjegjësitë e tjera të mundshme.

Sarandë, 17 korrik 2025 – Një pistoletë është gjetur nga Policia e Sarandës në vendin ku dy të rinj mbetën të plagosur mëngjesin e sotëm, pas një shkëmbimi të të shtënave me armë zjarr. Pistoleta, e fshehur në çantën e njërit prej të lënduarve, dyshohet se i përket atij.

Hetimet janë në zhvillim e sipër dhe Policia, në bashkëpunim me Forcën e Posaçme të Ndërhyrjes (FNSH), po kryen kontrolle të shumta në qytet për zbardhjen e ngjarjes. Në vendin e ngjarjes janë gjetur gjithashtu 4 gëzhoja të shkrepura, të cilat janë marrë nga autoritetet për analizë.

Të plagosurit janë identifikuar si Ernest Lama dhe Gëzim Hoxhaj. Ata janë dërguar urgjent në Spitalin e Traumës në Tiranë për trajtim më të specializuar. Shëndeti i tyre është i rënduar, por jashtë rrezikut për jetën.

Policia ka shpallur në kërkim dy persona të dyshuar për ngjarjen: Ramadan Zoto alias Ramadan Canaj (42 vjeç) dhe vëllai i tij, Erjon Canaj (35 vjeç), të dy nga Saranda, të cilët kanë një histori të gjatë penale. Hetimet për identifikimin dhe kapjen e tyre po vazhdojnë intensivisht.

ITALI- Detaje të reja janë zbardhur në lidhje me plagosjen e 59-vjeçarit i shqiptar, Fatos Cenaj në Itali. Raportohet se hipoteza e një të shtëne të pavullnetshme të qëlluar nga një pushkë nga ndonjë banor i zonës me qëllim testimin e një arme të re është hedhur poshtë. Policia ka ngritur dyshimet se plagosja e ish-policit mund të jetë një pritë.

Gjurmët e një prite po fitojnë terren. Po hetohet hipoteza se një makinë iu afrua 59-vjeçarit nga pas ndërsa ai po ngiste biçikletën e tij për të shkuar në punë në një fermë aty pranë, rreth dy kilometra larg shtëpisë.

Nga dritarja, një vrasës me pagesë mund ta ketë qëlluar nga afër derisa ai ra në tokë. Plaga e shkaktuar në lartësinë e veshit është pothuajse e padukshme. Kjo do të sugjeronte përdorimin e një pistolete për përdorim sportiv. Ajo që hipotetizohet është se Fatos Cenaj gjatë karrierës së tij ka shqetësuar ndonjë krimineli të profilit të lartë, i cili, vite më vonë, organizoi dikë për t’u hakmarrë ndaj tij. Gjendja e tij është ende kritike.

Hetuesit po përpiqen përmes një aktiviteti të kujdesshëm teknik të përgjojnë të gjitha linjat telefonike që në kohën e tentativës së vrasjes kishin qenë të lidhura me qelizat e Fontaniva dhe konkretisht ato në afërsi të Via Casoni Basse. Një zonë ku është e lehtë të arrish me makinë dhe të largohesh i pashqetësuar.

Tiranë- Një plagosje me armë zjarri ka ndodhur paraditen e sotme në zonën e Alliasit në Tiranë. Pas një konflikti për motivë të dobëta, 38-vjeçari Korado Teodori ka plagosur në këmbë 31-vjeçarin Sandrino Baci.

Ky i fundit ndodhet në spital jashtë rrezikut për jetën, ndërsa autori është shpallur në kërkim dhe policia po punon për kapjen e tij.

Po ashtu kanë dalë dhe pamjet e para nga vendi i ngjarjes. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.

Është zbardhur nga policia e Durrësit plagosja e natës së kaluar në Fllakë.

Një konflikt i të plagosurit me babanë e autorit të dyshuar nga Kavaja ka sjellë në plagosjen e Arbër Gorgejas, 36 vjeç teksa lëvizte me makinë.

I plagosuri mësohet se ka qëlluar me grusht për motive të dobëta Eqerem Kazazin në Kavajë për motive të dobëta.

Autori i dyshuar është identifikuar si Erkid Kazazi, emër i njohur për policinë ndërsa po punohet për kapjen e tij.

Policia ka zbardhur ngjarjen ku ditën e djeshme mbeti i plagosur një 40-vjeçar në Vorë.

Sipas asaj që bëjnë të ditur uniformat blu, 40-vjeçari është vetëplagosur aksidentalisht në banesë me armën e zjarrit që posedonte pa leje dhe më pas shtiu disa herë që të inskenonte një atentat ndaj tij.

I arrestuari rezulton i dënuar më parë për armëmbajtje pa leje dhe për krime kundër pronës.

Gjithashtu në pranga ka rënë edhe një 43-vjeçar për moskallëzim krimi.

Materialet procedurale i kaluan Prokurorisë, për veprime të mëtejshme.

“Dokumentohen rrethanat e ngjarjes së ndodhur mëngjesin e djeshëm, në fshatin Marikaj. U vetëplagos aksidentalisht në banesë, me armën e zjarrit që e posedonte pa leje, dhe më pas shtiu disa herë, që të inskenonte një atentat ndaj tij, vihet në pranga 40-vjeçari. I arrestuari, i dënuar më parë për armëmbajtje pa leje dhe për krime kundër pronës. Vihet në pranga dhe një 43-vjeçar, për moskallëzim krimi.

Në vijim të veprimeve hetimore të kryera nga Komisariati i Policisë Vorë, në drejtimin e Prokurorisë, për zbardhjen e rrethanave të plagosjes me armë zjarri të një shtetasi, i cili ishte paraqitur në spital, për ndihmë mjekësore, u bë e mundur zbardhja dhe dokumentimi i rrethanave të ngjarjes. Në përfundim të veprimeve për rastin, u arrestuan shtetasit: E. A.(M.), 40 vjeç (shtetasi i dëmtuar) dhe S. K., 43 vjeç, të dy banues në fshatin Marikaj.

Nga hetimet dyshohet se 40-vjeçari është vetëplagosur aksidentalisht, në banesë, me një armë zjarri, të cilën e posedonte pa leje dhe më pas ka shtënë disa herë, që të inskenonte një atentat ndaj tij. Për të penguar zbulimin e së vërtetës, ky shtetas ka hequr DVR-në e një kamere të sigurisë pranë banesës së tij. Shtetasi S. K. e ka transportuar 40-vjeçarin në spital dhe gjatë veprimeve procedurale nga Policia, nuk ka kallëzuar për rrethanat e ngjarjes. 40-vjeçari vijon të jetë në kujdesin e mjekëve, jashtë rrezikut për jetën. Arma e zjarrit u gjet në banesën e këtij shtetasi dhe u sekuestrua në cilësinë e provës material”, njofton Policia.

Detaje të reja janë zbardhur në lidhje me të shtënat e regjistruar mbrëmjen e sotme në Tiranë. Raportohet se ngjarja ka ndodhur te “Rruga e Kosovarve” pranë digës së Liqenit Artificial. Sipas burimeve, të shtënat janë regjistruar pas një konflikti për para me përqindje.

Mësohet se shtatë persona janë konfliktuar me njëri-tjetrin. Sipas raportimeve personat kanë qenë të ulur në një tavolinë bashkë. 2 prej tyre janë zënë fillimisht me fjalë me njëri-tjetrin dhe më pas kanë nisur të grushtohen.

Në vendngjarje është qëlluar vetëm 1 herë me armë zjarri drejt njërit prej personave të përfshirë në konflikt. Në vendgjarje është gjetur vetëm një gëzhojë. Një i plagosur mësohet se është dërguar për mjekim në një spital privat.

Babë e bir janën shpallur në kërkim për plagosjen e një gruaje në Fier. Ngjarja ka ndodhur në vendin e quajtur “Mbikalimi i Dërmënasit”.  

Fier/Informacion paraprak

Plagosën me armë zjarri një shtetase, identifikohen dhe shpallen në kërkim autorët(babë e bir).

Rreth orës 14:00, në vendin e quajtur “Mbikalimi i Dërmënasit”, në rrethana ende të paqarta, është plagosur me armë zjarri shtetasja S. M.
Nga hetimet paraprake dyshohet se autorë janë shtetasit A. C., 66 vjeç dhe A. C., 23 vjeç, banues në Dërmënas (babë e bir), të cilët janë shpallur në kërkim.

Janë ngritur menjëherë pika kontrolli në hyrje/daljet e qytetit të Fierit dhe në akset “Fier-Vlorë”, “Fier-Lushnjë”.

Gjithashtu, shërbimet e Policisë vijojnë krehjen e zonës, me qëllim lokalizimin dhe kapjen e autorëve.

Grupi hetimor ndodhet në vendngjarje dhe në drejtimin e prokurorit, po punon për sqarimin e rrethanave të ngjarjes, si dhe për fiksimin e çdo prove që do t’i shërbejë hetimit, me qëllim kapjen e autorëve.

Kurbin-

Në vijim të veprimeve procedurale që po kryhen në drejtimin e Prokurorisë së Lezhës, në lidhje me plagosjen me armë zjarri, të shtetasit 26 vjeç, në momentin e ndërhyrjes së shërbimeve të Policisë, për kapjen e një shtetasi të shpallur në kërkim, sqarojmë se:

Specialistët për Hetimin e Krimeve të Rënda, në bashkëpunim me shërbimet e Komisariatit të Policisë Kurbin, pas veprimeve hetimore të kryera nën drejtimin e Prokurorisë, bënë ndalimin e autorin të dyshuar të plagosjes në këmbë, me armë zjarri (pistoletë), të shtetasit.

U ndalua shtetasi, 68 vjeç, i cili ishte shoqëruar më parë në Komisariat si person i dyshuar.

Nga veprimet hetimore dyshohet se 68-vjeçari (xhaxhai i shtetasit të arrestuar K. B.), gjatë një konflikti të çastit ka plagosur me armë zjarri në këmbë jashtë rrezikut për jetën shtetasin M. D.

Po në kuadër të veprimeve hetimore dhe procedurale për këtë rast, nisi procedimi në gjendje të lirë për shtetasin 22 vjeç, pasi dyshohet se ka qenë i shoqëruar me shtetasin M. D., në momentin e plagosjes dhe nuk e ka kallëzuar krimin.

Materialet procedurale i kaluan Prokurorisë së Lezhës, për veprime të mëtejshme.