Prindërit e një djali 16-vjeçar nga Kalifornia, i cili kreu vetëvrasje, kanë paditur OpenAI-së, duke pretenduar se ChatGPT-ja i ka dhënë djalit të tyre udhëzime të hollësishme për vetëvrasje dhe e ka nxitur atë drejt vdekjes.

Matthew dhe Maria Raine argumentojnë në padinë e dorëzuar të hënën në një gjykatë të shtetit të Kalifornisë se ChatGPT-ja kishte ndërtuar marrëdhënie të ngushtë me djalin e tyre, Adam, gjatë disa muajve më 2024 dhe 2025, para se ai t’ia merrte vetes jetën.

Në padi pretendohet se në bisedën e tyre të fundit, më 11 prill 2025, ChatGPT-ja e ndihmoi Adamin të vidhte vodka nga prindërit dhe i ofroi një analizë teknike të lakut që ai e kishte lidhur, duke ia konfirmuar se “mund ta mbante një njeri të varur”.

Adam u gjet i vdekur disa orë më vonë duke përdorur të njëjtën metodë. Në padi përmenden si të paditur OpenAI dhe shefi ekzekutiv i saj, Sam Altman.
Sipas padisë, Adam filloi ta përdorte ChatGPT-në si ndihmues për detyrat e shkollës, por dalëngadalë zhvilloi varësi të pashëndetshme ndaj platformës.

Padia përfshin pjesë nga bisedat, ku ChatGPT-ja thuhet se i kishte thënë Adamit “nuk i detyrohesh askujt të mbijetosh” dhe i kishte ofruar ndihmë për të shkruar letrën e vetëvrasjes.

Familja Raine kërkon dëmshpërblim dhe i kërkon gjykatës të urdhërojë masa sigurie, duke përfshirë ndërprerjen automatike të çdo bisede që përfshin vetëdëmtim dhe aktivizimin e kontrolleve prindërore për përdoruesit e mitur.

Në përgjigje të rastit që përfshin ChatGPT-në, organizata jofitimprurëse amerikane Common Sense Media, e cila shqyrton dhe vlerëson mediat dhe teknologjinë, tha se tragjedia e familjes Raine konfirmon se “përdorimi i AI për shoqëri, përfshirë përdorimin e chatbot-ëve si ChatGPT për këshillim të shëndetit mendor, është rrezik i papranueshëm për adoleshentët”.

Një rol kyç për përzgjedhjen e kandidatëve për deputetë të Partisë Socialiste në parlamentaret e 2025-ës do të ketë platforma online “Deputeti që duam”.

Portali u testua në zgjedhjet e 2021-shit dhe disa prej atyre që u bënë pjesë e listës për deputetë aplikuan në këtë platformë. Por Edi Rama lajmëron se kjo mënyrë e përzgjedhjes së deputetëve të ardhshëm do të jetë vendimtare për zgjedhjet e vitit të ardhshëm.

“Për zgjedhjet e ardhshme, platforma do të jetë më e gjerë dhe do të parashohë një proces më të artikuluar.”

Në mbledhjen virtuale të Asamblesë Kombëtare të zhvilluar pasditen e kësaj të marte u vendos që Kongresi Zgjedhor i socialistëve të mbahet në 20 Korrik. Në këtë forum do të prezantohet dhe grupi i punës që do të punojë për programin elektoral për mandatin e 4-ërt të socialistëve.

“Kongresi do të duhet të trajtojë një pasqyrë të gjendjes së përgjithshme në vend duke projektuar punën për programin e mandatit të katërt.”

Rama konfirmoi se turi me diasporën i parashikuar për t’u ndalur në Londër dhe më pas në Duseldorf është shtyrë për në Shtator. I pari për shkak të zgjedhjeve të parakohshme në Mbretërinë e Bashkuar, ndërsa i dyti për shkak se përkonte me ndeshjen e kombëtares tonë.

“Në Shtator do të rimarrim përsëri turin dhe ndërkohë do të përgatitemi për një takim në SHBA.”

Prej muajsh, partia që qeverisë prej 11 vitesh eshtë futur në proces rienergjizimi që parashikon dhe hapjen e dyerve për anëtarë të rinj. Nga ky proces, sipas Ramës, kartën e antarësimit të Partise Socialiste prej Janarit e kanë marrë rreth 32 mijë qytetarë, nga të cilët 11 mijë të rinj nga mosha 18 deri 30 vjeç. Kryesocialisti siguron se regjistri aktual i forcës që ai drejton, ka 93 mijë anëtarë aktiv.