Dy persona u plagosen nga perplasja me motora uji ne plazh ne zonen e Kavajes.

Kavajë / Informacion paraprak

Rreth orës 17:36, në Golem, Kavajë, në vendin e quajtur “Manhatan”, rreth 800 metra larg perimetrit të sigurisë,(zonë detare për lundrim jo zonë plazhi), shtetasi S. D., 25 vjeç, lindur në Çorovodë, duke drejtuar një motor uji, është përplasur në det me një tjetër motor uji, që drejtohej nga shtetasi P. B., 31 vjeç, lindur në Kosovë.

Si pasojë e përplasjes, shtetasi P. B. ka pësuar dëmtime dhe është transportuar menjëherë në spital, nga shërbimet e Policisë Kufitare që po monitoronin hapësirën detare. Aktualisht, ai ndodhet jashtë rrezikut për jetën.

Shtetasi S. D. është shoqëruar në Komisariatin e Policisë për veprime të mëtejshme procedurale.

Nga verifikimet paraprake, rezulton se të dy drejtuesit e mjeteve lundruese po lundronin së bashku dhe ishin të pajisur me jelekë shpëtimi.

Grupi hetimor ndodhet në vendngjarje dhe po punon për sqarimin e plotë të rrethanave të përplasjes së dy Jet Ski-ve.

FIER- 5 të rinj të moshave 20-19-vjeç janë arrestuar pasi dyshohen si autorë të djegies së një lokali në plazhin e Darëzezës. Ndërkohë lidhur me ngjarjen mësohet se një tjetër 19-vjeçar është shpallur në kërkim. Materialet procedurale i janë referuar Prokurorisë së Fierit për veprën penale “Shkatërrimi i pronës me zjarr”, kryer në bashkëpunim.

Njoftimi:

Policia ka identifikuar dhe ndaluar pesë të rinj si autorë të dyshuar të djegies së një lokali në plazhin e Darëzezës, ndërsa një tjetër është shpallur në kërkim.

Pas hetimeve të kryera në lidhje me ngjarjen e ndodhur më 30 mars 2025, në pranga kanë përfunduar shtetasit:

-A. T., 23 vjeç

-E. M., 20 vjeç

-A. S., 20 vjeç

-E. L., 19 vjeç

-D. L., 19 vjeç

Ndërkohë, shtetasi A. R., 19 vjeç, është shpallur në kërkim dhe vijojnë përpjekjet për kapjen e tij.

Policia dhe Prokuroria po vijojnë hetimet për të përcaktuar përgjegjësinë e secilit prej të dyshuarve dhe për të sqaruar motivet e zjarrvënies. Materialet procedurale i janë referuar Prokurorisë së Fierit për veprën penale “Shkatërrimi i pronës me zjarr”, kryer në bashkëpunim.

VLORË- Disa qytetarë kanë zgjedhur që t’i kalojnë ditët e para të 2025 në plazh. Pavarësisht temperaturave të ulëta, disa kanë sfiduar të ftohtin duke u larë në plazhin e Vlorës.

Video është ndarë në Facebook nga kryeministri Edi Rama. Në video dallohen disa qytetarë që marrin rreze dielli në breg të detit, e të tjerë kanë zgjedhur që të lahen në ujin e ftohtë.

“Mirëmëngjesi dhe me këto pamje se si ka nisur 2025 në Vlorë, ju uroj një ditë të mbarë”, shkruan Rama.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Për javën që presim përpara, vendi ynë do të ndikohet nga kushte atmosferike kryesisht të qëndrueshme për shkak të masave ajrore në qarkullim kryesisht të thata dhe më të freskëta. Kjo vjen si pasojë e tërheqjes graduale të Anticiklonit të Azoreve dhe atij Afrikan, si dhe depërtimeve më të shpeshta të qëndrave ciklonare me origjinë veriore.

Moti për të gjitha ditët parashikohet kryesisht i kthjellët për pjesën më të madhe të ditës, por në orët e mesditës dhe pasdites nuk do të mungojnë vranësirat kalimtare, të cilat do të jenë më tepër të theksuara në relievet kodrinore – malore të vendit. Këto vranësira në këto zona do të shoqërohen me reshje shiu afatshkurtra dhe intensitet të ulët.

Megjithatë duhet theksuar se për shkak të energjisë së lartë të çliruar në relievet kodrinore dhe kryesisht ato të larta malore dhe zonat përreth tyre, reshjet do të jenë edhe në formën e rrebesheve apo stuhive afatshkurtra, shoqëruar me shkarkesa elektrike dhe breshër. Këto reshje mund të jenë problematike për zonat urbane në këto relieve.

Temperaturat do të jenë brenda vlerave normale të mesatares mujore klimatike të vendit tonë për muajin Shtator me vlera 30°C në zonat malore deri në 34-35°C në zonat e ulëta dhe ato bregdetare. Megjithatë në ditë të caktuara këto vlera mund të kapërcejnë deri në 36-37°C kryesisht ditën e premte apo edhe të shtunën apo të dielën e ardhshme

Një pushues 47-vjeçar humbi jetën në një prej plazheve në Kalabri teksa u sulmua nga disa grerëza. Pushuesi nga Ukraina, bashkë me familjen e tij, po kalonte pushimet në detin Jon, në Kalabri, jugu i Italisë.

Të shtunën në mbrëmje rreth orës 20:00 një tufë grerëzash u shfaqën papritur në plazh.

Inxhinieri ukrainas kishte frikë se pickimet e insekteve mund të ishin të rrezikshme për të dhe iku në panik. Ai u fut në ujë sepse mendonte se do të ishte i sigurt nga pickimet. Por befas trupi i tij u shtri i pajetë. Edhe pse u bënë përpjekje për të rikthyer në jetë pushuesin, çdo ndihmë erdhi shumë vonë.

Shërbimet e urgjencës fillimisht dyshuan se ai ishte pickuar nga insektet dhe më pas pësoi një goditje alergjike. Nga grerëzat u sulmuan edhe disa ndihmës, duke e bërë të vështirë rikuperimin e trupit.

Autoritetet urdhëruan një autopsi – por ekspertët mjeko-ligjorë nuk gjetën asnjë qepje në trupin e pushuesit. Policia tani supozon se burri ndoshta ka pësuar një atak në zemër ose arrest kardiak nga frika.

Sot vendi ynë do të ndikohet nga kushte atmosferike të qëndrueshme si rezultat i depërtimit të masave ajrore të nxehta dhe të thata si pasojë e aktivitetit të Anticiklonit afrikan.

Moti parashikohet i kthjellët në të gjithë territorin përjashtuar vranësirat e pakta kalimtare në orët e mesditës deri ato të pasdites në relievet e larta malore në lindje.

Era do të fryjë me drejtim jugperëndim – veriperëndim me shpejtësi mesatare 1-4 m/sek, ndërsa përgjatë vijës bregdetare e lugina era me intensitet deri në 7 m/sek, shoqëruar me valëzim në dete të forcës 1-2 ballë.

Temperatura minimale dhe maksimale të ajrit pritet të jetë:

në bregdet: 22 / 32 °C,

në vend e ulëta: 21 / 35 °C,

në vend malore: 15 / 30 °C.

Ditën e sotme vendi ynë do të ndikohet nga kushte të qëndrueshme atmosferike. Sa i përket fushës termike temperaturat në vlerat minimale pritet të kenë një rritje fare të lehtë ndërsa ato të mesditës pritet të kapin vlera 19-32 gradë celcius kjo dhe për shkak të masave ajrore të ngrohta që vijnë si pasojë e kësaj qendre të presionit të lartë me origjinë nga Ishujt Azore dhe afrika e veriut.

Sa i përket javës ku sapo kemi hyrë, depërtimi i pazakontë e një qendre të thellë të presionit të lartë mbi kontinentin europian (ashtu si dhe mbi vendin tonë) do të bëjë që moti të jetë kryesisht i kthjellët në pjesën më të madhe të territorit. 

Pamjet janë regjistruar nga një kalimtar rasti e më pas kanë bërë xhiron e rrjetit. Avioni Cessna 152 u detyrua të ulej në Cedar Beach rreth orës 19:30 të së mërkurës, 1 maj, pasi piloti raportoi se kishte probleme motori.

Në pamjet video, avioni mund të shihet duke u ulur në rërë, përpara se të rrokullisej. Sipas raporteve lokale, piloti 60-vjeçar dhe pasagjeri i tij 59-vjeçar shpëtuan për mrekulli.