Kreta është “pushtuar” nga pluhuri afrikan. Drejtoria e Shëndetit Publik të Qarkut të Kretës u ka bërë të ditura qytetarëve masat që duhet marrin për t’u përballur me pluhurin e Saharasë.

Mediat në vend raportojnë se përqendrimet e regjistruara deri më tani të grimcave në ajër janë shtuar.

Universiteti i Kretës dhe Universiteti Teknik i Kretës informojnë se sipas modeleve parashikuese “përqendrimet mesatare ditore të PM10 për ditën e sotme të shtunën dhe të dielën 19.05.2024 do të luhaten në nivele mesatare. (51- 75 µg/m3) për shkak të fenomenit intensiv të transportit të pluhurit nga Saharaja.”

Për këtë arsye, të rriturve me probleme me frymëmarrjen, atyre me sëmundje të zemrës dhe fëmijëve me probleme me frymëmarrjen, u rekomandohet që të kufizojnë çdo ushtrim fizik intensiv, veçanërisht nëse bëhet jashtë.

Po ashtu, qytetarëve u është rekomanduar që të mbajnë maskat me mbrojtje të lartë FFP2, N95 & KN95, duke qenë se ato mund të mbrojnë qytetarët që janë aktivë në natyrë. Përveç kësaj, rekomandohet po ashtu marrja e masave për të përmirësuar cilësinë e ajrit të brendshëm.

Prej dy ditësh në orët e paraditeve dhe pasditeve pjesa më e madhe e fushës së Maliqit, por dhe zona të caktuara të fushës së Korçës janë mbuluar nga pluhur masiv rëre, duke shqetësuar jo pak banorët e këtyre zonave.

Sipas specialistëve, situata e krijuar ka ardhur për shkak të rërës së Saharasë. Rëra e Saharasë është një fenomen atmosferik që ndodh kur erërat e forta transportojnë grimca të vogla të rërës nga Saharaja në rajone të tjera të botës. Në Shqipëri, ky fenomen mund të ndodhë kur kushtet atmosferike lejojnë për transportin e rërës nga bregdeti afër Saharasë drejt Ballkanit dhe Gadishullit të Italisë.

Kur kjo ndodh, rëra e Saharasë mund të shkaktojë një ngjyrë të kuqe ose të portokalltë në qiell dhe të depozitohet në sipërfaqen e tokës, duke e bërë atë të duket si një plazh i rërës së kuqe.

Dita e djeshme ishte me pamje shumë të mjegullt në qiell dhe kjo për shkak të koncentrimit masiv të grimcave të rërës apo pluhurit saharian.

Gjendja sipoptike ishte e tillë dhe rrymimet shumë të fuqishme ajrore që vinin direkt nga Afrika veriore ishtin të stërngarkuara me grimca nga shkretëtirat e Afrikes veriore.

Po ashtu edhe shiu që ra ishte i përzier me këtë pluhur.

Edhe pse jemi nën ndikimin direkt të masave ajrore me origjinë nga Afrika veriore të cilat vetëm se do të fuqizohen duke rritur temperaturat, megjithatë do të kemi ulje të ndjeshme të koncentrimit të pluhuri saharian në atmosferën mbi viset tona.

Si rezultat cilësia e ajrit do të përmirësohet dukshëm, por ditën e fundit të muajit Mars dhe ditën e parë të Prillit do të kemi një valë të re të pluhurit saharian që do të vjen në territoret tona dhe së bashku me rritjen e ndjeshme të temperaturave do të kemi një atmosferë verore edhe pse jemi shumë herët.

Pra, dy tri ditët e ardhshme parashihet të kemi ajër më të pastër, ndërsa pluhuri saharian do të rikthehet në viset tona ditën e diele.