Një person i moshuar është gjetur i pajetë në ujërat e liqenit të Pogradecit.

Sipas burimeve lokale, trupi i viktimës është gjetur nga banorët në breg të liqenit, të cilët njoftuan menjëherë autoritetet.

Policia ka mbërritur në vendngjarje dhe ka nisur hetimet për të zbardhur rrethanat e ngjarjes dhe për të identifikuar viktimën.

Mësohet se i moshuari është denoncuar nga familjarët si i larguar nga banesa, ndërkohë pritet të verifikohet edhe identiteti.

Një aksident rrugor ka ndodhur sot në fshatin Nizhavec, Pogradec, rreth orës 17:10.

Shtetasi E. P., 38 vjeç, ka humbur kontrollin mbi automjetin e tij, një “Benz”, i cili ka dalë nga rruga.

Si pasojë e humbjes së kontrollit, automjeti është devijuar nga rruga, por fatmirësisht, E. P. është dërguar në spital për mjekim dhe është jashtë rrezikut për jetën.

Sakaq, grupi hetimor është në vendngjarje dhe po punon për të sqaruar rrethanat dhe shkakun e aksidentit.

Pogradec/Informacion paraprak

Sot rreth orës 17:10, në fshatin Nizhavec, Pogradec, shtetasi E. P., 38 vjeç, duke drejtuar automjetin tip “Benz”, dyshohet se ka humbur kontrollin mbi drejtimin e tij dhe si pasojë automjeti ka dalë nga rruga.

Shtetasi E. P. është dërguar në spital, për mjekim, jashtë rrezikut për jetën.

Grupi hetimor po punon për sqarimin e rrethanave dhe shkakut të aksidentit.

Një konflikt i çastit mësohet të ketë ndodhur mbrëmjen e sotme (27 korrik) pranë shëtitores në qytetin e Pogradecit.
Sipas raportimeve gjatë konfliktit janë përdorur edhe thika, ndërsa dyshohet se person ka mbetur i plagosur.

Policia ndodhet në vendin e ngjarjes, nuk dihet ende numri i personave të përfshirë në konflikt.

Është riaktivizuar sërish zjarri në fshatin Niçë të Pogradecit prej mbrëmjes së djeshme si pasojë e erës.

Kjo është dita e katërt që kjo zonë është nën pushtetin e flakëve duke djegur një sipërfaqe tepër të madhe kullotash por edhe pyje.

Në zonë kanë shkuar sërish forca zjarrfikëse, inspektorë pyjesh dhe banorë, por terreni malor dhe ecja që duhet të bëjnë e vështirëson mjaft punën e tyre dhe për pasojë janë të nevojshme më shumë forca për të izoluar sërish zjarrin.

Rrëfimi i 6 vrasjeve dhe krimeve të tjera nga i penduari Artan alias Marjus Tafani, solli goditjen policore të grupit të Laert Haxhiut në Lushnjë.

Por ky rrëfim i dhënë për llogari të prokurorisë së Elbasanit, pati një efekt domino, duke arrestuar dhe personazhe të botës së krimit që vepronin në Pogradec dhe Korçë.

Përmes këtij operacioni, prokuroria e Elbasanit tha se ka goditur bazat e veprimtarisë kriminale të Laert Haxhiut, në Lushnjë, Pogradec dhe Korçë, duke arrestuar Meardi Berberin, Mariglen Topuzin, Ligor Romaçkën i njohur me nofkën “Golja” dhe Idriz Manej nga Shkodra i njohur me nofkën “Gjyshko”.

Çështja e 13 personave të arrestuar pritet të vijë për hetim më të thelluar në SPAK, ndërsa sot para gjykatës së Elbasanit dalin të gjithë të arrestuarit për tu njohur me masën e sigurisë “arrest në burg”.Por grupi i Pogradecit është më i madh se tre personat e arrestuar pak ditë më parë.

“Ora News” ka siguruar një foto ku shfaqet i gjithë zinxhiri komandues i grupit të Pogradecit, që lidhi aleancë me Laert Haxhiun dhe bandën e tij, me qëllim kryerjen e krimeve të ndryshme deri në vrasjen e individëve.

Në këtë foto të siguruar ekskluzivisht shfaqet Andrea Pilinçi, pronari i Bar-Restorant “Kashta” në Tushemisht. Pilinçi, u arrestua pak ditë më parë nga prokuroria e Korçës, gjatë opracionit “Tempull”, pasi në restorantin e tij shiste kokainë. Aktualisht Pilinçi ndodhet në burgun e Drenovës.

Ngjitur me Andrea Piliçin ndodhet Mariglen Topuzi, i arrestuar tashmë nga prokuroria e Elbasanit, si autor në vrasjen e Fridman Xhaferaj në Korçë dhe vrasjen e Albi Bashaliut në Peqin.

Topuzi, më parë është dënuar për “Shkatërim prone me zjarr”, pasi i dogji makinën Johan Muçllarit në Pogradec. Ndërsa është proceduar disa herë për vepra të ndryshme penale deri dhe të “Përndjekja” e femrave.

Personazhi tjetër që shfaqet me bluzë të bardhë pas Mariglen Topuzit është Bledar Qose, anëtar i grupit të Pogradecit i arrestuar dhe dënuar në 2013 për “Kanosje” dhe “Mbajtje pa lejë të armëve”. Gjithashtu, Bledar Qose rezulton i arrestuar dhe për trafikim të shtetasve sirianë.

Ndërsa personi tjetër që qëndron në krye të tavolinës dhe mban të veshur bluzë të bardhë, është Bledar Berberi,i arrestuar nga prokuroria e Elbasanit si qitësi i Laert Haxhiut.

Sipas bashkëpuntorit të prokurorisë Marjus alias Artan Tafani, Bledar Berberi, ka marë pjesë në vrasjen e Fridman Xhaferaj në Korçë dhe Albi Bashaliut në Peqin.

Bledar Berberi, është vëllai i Meardi Berberit i njohur në Pogradec me nofkën “Koro”. Berberi, është lidhje e ngushtë e Ilir Berberit ose siç njihet ndryshe “Lili i Rrushkës”, Laert Haxhiun, Firdeus Berberin, Mariglen Topuzin, Brian Syzo, Altedi Jolldashi e persona të tjerë që janë pjesë e bandës.

Berberi, u procedua në gjëndje të lirë nga prokuroria e Pogradecit për “Përkrahje të autorit të krimit”, lidhur me ngjarjen e muajit Prill 2022, kur Firdeus Berberi, qëlloi me thikë dhe armë Johan Muçllarin.

Ndërkohë pas Bledar Berberit, qëndron vëllai i tij Meardi ose (Koro). Meard Berberi, rezulton i dënuar për veprën penale “Shtrëngim me anë të kanosjes ose dhunës për dhënien e pasurisë”, e kryer në bashkëpunim.

Ndërsa në raportet kriminale, shfaqet se ka një qasje me Laert Haxhiun, Ilir Berberin dhe persona të tjerë që tregtojnë kokainën në qytetin e Pogradecit.

Kjo është një video ekskluzive që tregon momentin kur Meardi Berberi, ka dalë nga ambjentet e burgut të Drenovës në Korçë, teksa pritet nga anëtarët e grupit dhe familjarët e tij me këngë.

Në sistemin e bizneseve Meardi Berberi nuk rezulton me kompani. Por nëna e tij Medije Berberi, prej muajit Shkurt 2016, disponon një pasuri, bar-restorant dhe hotel që ndodhet në qytetin e Pogradecit. Ky biznes quhet “Era” dhe ndodhet pikërisht në rrugën “Dëshmorët e Pojskës”.

Mes emrave të tjerë që i përkasin këtij grupi kriminal në Pogradec dhe që bashkëpunojnë ngushtësisht me Laert Haxhiun e Lushnjës dhe Ligor Romaçkën e Korçës, është dhe Ilir Berberi ose “Lili i Rrushkës”.

Ilir Berberi, aktualisht është në burg për akuzën e “Mbajtjes pa lejë të armëve dhe municioneve”, pasi u arrestuar nga policia e Pogradecit si i dyshuar në sulmin me 82 plumba kallashnikovi ndaj hotel “Voloreka” në Tushemisht.

Në botën e erët të krimit Ilir Berberi ka futur dhe djalin e tij, Firdeus Berberin, i cili qëndronte ngushtësisht me Laert Haxhiun duke kryer disa krime së bashku.

Firdeus Berberi, ka qënë në makinën BMËX6 së bashku me Laert Haxhiun kur u kapën nga policia greke në qytetin e Janinës. Firdeusi, është proceduar nga prokuroria e Korçës për “Vrasje me dashje” mbetur në tentativë ndaj Johan Muçllarit.

Pjesë e grupit të Pogradecit janë Ervin Kalaja, Ilir Meçolli, Ardian Xhuti, Elvir Haxhia, Rudi Shaho, Enes Shaho, Griseld Maxhari, Fatjon Bono, Ledian Shkulaku, Kristian Kreste, Hekuran Gjona e të tjerë.