Meksikë- Pesë oficerë policie u vranë brutalisht të hënën në Chiapas, Meksikë, pasi ranë në një pritë nga persona të armatosur. Ngjarja ndodhi në zonën Frontera Comalapa, teksa policët ishin në patrullim, bëri të ditur guvernatori i shtetit, Eduardo Ramirez.

Ministria e Sigurisë publikoi një foto të një makine policie të djegur plotësisht, e cila u gjet e braktisur në rrugë. Si reagim ndaj sulmit, autoritetet vendosën mbi 1,000 oficerë në zonë për të garantuar rendin dhe hetuar ngjarjen.

Chiapas, që kufizohet me Guatemalën, është kthyer në një zonë lufte mes bandave kriminale që luftojnë për kontrollin e rrugëve të kontrabandës dhe zhvatjes. Dhuna e lidhur me kartelet ka shkaktuar mbi 480,000 viktima në Meksikë që nga viti 2006, kur nisi ofensiva shtetërore kundër drogës.

Disa persona të plagosur, përfshirë një oficer policie, në sulmin me thikë të ndodhur në Holandë. Incidenti ka ndodhur herët këtë mëngjes në Hoofddorp, një qytet në Haarlemmermeer, në Holandën veriore.

Të paktën një prej të plagosurve ndodhet në gjendje të rëndë. Policia raportoi se mori një njoftim për sulmin në Fanny Blankers-Koenlaan rreth orës 6 të mëngjesit. “Ka disa të plagosur, përfshirë një koleg. Ambulanca të shumta janë në vendngjarje,” thuhet në deklaratën e Policisë së Noord-Holland.

Një 41-vjeçar është arrestuar në Tiranë nga policia, pasi gjatë kontrollit të automjetit të tij iu gjet një thikë, ndërsa në banesën e tij u gjetën dy armë zjarri, municion luftarak dhe emblema policie.

Shtetasi S. A., banues në Tiranë, u ndalua nga shërbimet e Komisariatit të Policisë Nr. 4 gjatë operacionit “The Holder”, si pjesë e veprimeve për goditjen e veprimtarive të paligjshme. Gjatë kontrollit të automjetit, iu sekuestrua një thikë, ndërsa në banesën e tij u gjetën dhe u sekuestruan 2 armë zjarri (pistoletë dhe pushkë), një armë sportive, një armë e ftohtë, municion luftarak dhe emblema policie.

Shërbimet e Komisariatit të Policisë Nr. 4, në kuadër të veprimeve për goditjen e veprimtarive të paligjshme, bazuar në inteligjencën policore, organizuan dhe finalizuan operacionin “The Holder”, si rezultat i të cilit u arrestua shtetasi S. A., 41 vjeç, banues në Tiranë. Gjatë operacionit, në Rrugën e Dibrës, shërbimet e Policisë kanë ndaluar automjetin me drejtues shtetasin S. A. Gjatë kontrollit të automjetit, iu gjet dhe iu sekuestrua një armë e ftohtë (thikë). Më tej, gjatë kontrollit në banesën e këtij shtetasi, shërbimet e Policisë, gjetën dhe sekuestruan 2 armë zjarri (pistoletë dhe pushkë), 1 armë sportive, 1 armë e ftohtë, municion luftarak dhe emblema policie.

Materialet procedurale iu referuan Prokurorisë së Tiranës për veprime të mëtejshme.

PENSILVANI- Një oficer policie u vra dhe pesë persona të tjerë u plagosën, pasi një 49-vjeçar mori peng stafin mjekësor dhe hapi zjarr në një spital në York, Pensilvani në SHBA. Personi i armatosur, i identifikuar nga autoritetet si Diogenes Archangel Ortiz, 49 vjeç, u vra gjatë shkëmbimit të zjarrit me oficerët e policisë. Gjithashtu bëhet e ditur se autori i ngjarjes shkoi ditën e djeshme në ambientet e spitalit dhe nën kërcënimin e armës mori peng stafin mjekësor të spitalit.

Gjatë shkëmbimit të zjarrit me policinë, 49-vjeçari qëlloi për vdekje një oficer policie, ndërsa plagosi pesë persona, 3 prej tyre nga staf mjekësor dhe 2 policë. CNN shkruan se grupi hetimor nuk ka dhënë ende informacione lidhur me motivin e sulmit. Sakaq spitali siguroi se asnjë pacient nuk është lënduar nga ngjarja.

“Asnjë pacient nuk është lënduar. Spitali tani është i sigurt”, tha për CNN Susan Manko, zëdhënëse e UPMC Memorial në York.

Oficeri që humbi jetën ishte Andrew Duarte, konfirmoi departamenti i tij në Facebook. Duarte i ishte bashkuar departamentit në vitin 2022 pas pesë vitesh në Departamentin e Policisë së Denverit, sipas profilit të tij në LinkedIn. Guvernatori Josh Shapiro vizitoi spitalin pas incidentit tragjik dhe vlerësoi oficerin që humbin jetën Duarte dhe kolegët e tij për misionin e tyre.

Agjencia e Mbikëqyrjes Policore thotë se në më pak se një vit, 444 punonjës policie janë gjetur me shkelje nga më të ndryshmet.

Në të gjitha rastet ata janë dërguar për ndjekje penale në prokurori, megjithatë nuk është e qartë se sa prej tyre janë dërguar në gjykatë dhe sa kanë marrë dënime penale.

Agjencia e Mbikëqyrjes thotë se pjesa më e madhe e referimeve janë nga strukturat më të ekspozuara ndaj korrupsionit si vendkalimet kufitare, agjentët antikrim, policia rrugore, etj.

AMP pohon se mes të ndjekurve penalisht ka edhe zyrtarë të lartë policie duke veçuar një drejtues të nivelit të lartë, dy drejtues të nivelit të mesëm dhe 33 drejtues të nivelit të tretë.

Mes tyre përfshihen drejtorë drejtorie, shefa sektorësh dhe zyrtar të tjerë në strukturat vendore dhe qendrore të Policisë së Shtetit.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Një 21-vjeçar nga Fieri është arrestuar nga policia në kuadër të operacionit të koduar “Befasia”. Janë sekuestruar 2 armë zjarri pistoleta, municion luftarak, veshje si të Policisë dhe sende të kundërligjshme.

Në pranga ra shtetasi M. G., 21 vjeç, banues në fshatin Suk, Fier, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi, mbajtja, blerja apo shitja pa leje e armëve të ftohta” dhe “Mbajtja pa të drejtë e uniformës”. Gjatë kontrollit të ushtruar në automjetin dhe në banesën e këtij shtetasi, shërbimet e Policisë gjetën dhe sekuestruan në cilësinë e provës materiale: 2 armë zjarri pistoleta, krehra dhe municion luftarak për to, veshje si të Policisë, maska, dorashka dhe 1 përforcues grushti.