Një operacion i policisë kolumbiane për të arrestuar anëtarët e bandës famëkeqe “Tren de Aragua” ka përfunduar në mënyrë tragjike.

Sipas mediave të huaja, një nga të kërkuarit ra për vdekje nga kati i 8, ndërsa përpiqej t’i shmangej arrestimit. Në sytë e policisë, 31-vjeçari Ender Alexis Rojas Montan u përpoq të arrinte në katin e poshtëm, por humbi ekuilibri dhe u rrëzuar në trotuar.

Në apartamentin ku ai po fshihej u gjet drogë me vlerë rreth 10,000 dollarë, e po ashtu u arrestuan tre anëtarë të tjerë të bandës nga Venezuela.

Njëri prej tyre, Cabeza Calderón, me nofkën “Toro”, konsiderohet si një nga njerëzit më besnikë të udhëheqësit të Tren de Aragua, Héctor Guerrero Flores, i cili kërkohet në Peru që nga viti 2023 për krime të ndryshme, përfshirë zhvatje dhe trafik droge.

Policia e Shtetit bën me dije se janë miratuar disa ndryshime në pozicionet drejtuese të disa strukturave të saj, me qëllim forcimin e kapaciteteve profesionale dhe rritjen e efikasitetit në menaxhimin e detyrave operacionale.

Ndryshimet e bëra janë si më poshtë:

Altin Qato, nga detyra si Drejtor i Policisë Rrugore, është emëruar pedagog në Akademinë e Sigurisë.

Perlat Vatoci, më parë Këshilltar i Drejtorit të Përgjithshëm të Policisë së Shtetit, është emëruar Drejtor i Policisë Rrugore.

Arbër Zemani, nga pozicioni si Shef i Sektorit të Narkotikëve në Drejtorinë Vendore të Policisë Tiranë, është emëruar Drejtor i Drejtorisë Rajonale të Kufirit në Shkodër.

Adrit Elmazi, nga detyra si Drejtor i Drejtorisë Rajonale të Kufirit Shkodër, është emëruar pranë Drejtorisë së Përgjithshme të Policisë së Shtetit, në rolin e Specialistit në Drejtorinë Strategjike.

Këto lëvizje vijnë në kuadër të një procesi të vazhdueshëm të ristrukturimit dhe riorganizimit me synim përmirësimin e shërbimit ndaj qytetarëve dhe forcimin e rendit dhe sigurisë publike.

ITALI- Autoritetet italiane kanë vënë në pranga një 21-vjeçar shqiptar në Terni. Mësohet se arrestimi i tij ka ndodhur gjatë natës midis së premtes së 22 gushtit dhe të shtunës së 23 gushtit. Sipas mediave italiane shqiptari kishte vizë turistike dhe nuk rezulton me precedentë penalë.

Gjatë një patrullimi, ndërsa udhëtonte përgjatë Via G. Borsi, një makinë patrullimi e karabinierëve shmangu për pak një përplasje me një automjet, që më vonë u gjet të ishte një automjet me qira. Shoferi po drejtonte në drejtim të gabuar përgjatë rrugës. Menjëherë policia e ka ndaluar dhe i ka kryer edhe kontrolle.

Policët zbuluan 28 doza kokaine, me një peshë totale prej afërsisht 18 gramë, dhe një shume parash prej gati 1,000 eurosh, që besohet të jenë të ardhurat nga trafikimi i drogës. E gjithë kokaina u sekuestrua. 21-vjeçari u arrestua dhe u dërgua në burgun Voc. Sabbione. Pas seancës dëgjimore, gjyqtari, duke vërtetuar arrestimin dhe duke miratuar kërkesën e prokurorit, urdhëroi që i riu të qëndronte në rajonin e Umbrias.

Një efektivi policie i është pezulluar leja e drejtimit për 3 muaj dhe janë zbritur 6 pikë nga leja e drejtimit, pas lëvizjes në sens të kundërt në Pogradec.

Video ku shihej se si efektivi lëvizte në sens të kundërt u postua në rrjetet sociale, ku u bë virale e po ashtu ngjalli reagime të forta. Drejtoria Vendore e Policisë Korçë fton qytetarët që të denoncojnë në numrin 112 çdo rast të shkeljes së rregullave të qarkullimit rrugor.

“Në lidhje me një video të postuar në rrjetet sociale, ku shfaqet një automjet policie duke lëvizur në sens të kundërt të drejtimit të lëvizjes, në qytetin e Pogradecit, bëjmë me dije se: Për shkeljen e kryer, bazuar në pikën 12 të nenit 7 të Kodit Rrugor, drejtuesi i automjetit, shtetasi Th. K., punonjës policie i DVP Korçë, është ndëshkuar me masën administrative 10 000 lekë, i është pezulluar leja e drejtimit për 3 muaj dhe janë zbritur 6 pikë nga leja e drejtimit.

Drejtoria Vendore e Policisë Korçë fton qytetarët që të denoncojnë në numrin 112 çdo rast të shkeljes së rregullave të qarkullimit rrugor dhe i garanton ata se do të reagojë menjëherë dhe konform ligjit.”-njofton policia.

Fadromat e Inspektoriatit të Mbrojtjes së Territorit nuk po pushojnë as këtë të shtunë në Theth.

Pas një ditë të tensionuar të premten, eskavatorët vijuan me shembjen e objekteve të cilësuara pa leje në alpet shqiptare.

Ditën e sotme ka patur tensione dhe më tej situata në Theth teksa në përplasje janë përfshirë edhe përfaqësuesit e opozitës.

Sherri ka nisur me drejtorin e ri të policisë Gentian Berberi ku drejtuesi politik i demokratëve në Shkodër Luçiano Boçi dhe deputeti Bardh Spahia, pretendojnë se Berberi iu është drejtuar me fjalët: Ju tërheq edhe ju zvarrë.

Policia e Shtetit ka emëruar 3 drejtues të rinj të komisariateve të policisë në Kuçovë, Mallakastër dhe Vlorë.

Një nga drejtuesit e rinj është grua. Ajo është komisare Edjona Dano e cila është emëruar shefe e komisariatit ts Policisë Kuçovë.

Ish-shefi i komisariatit të policise Kuçovë Kleant Serdari është emëruar shef i komisariatit të policisë Mallakastër.

Ish-shefi i komisariatit të policisë Mallakastër Bledar Metaj është emëruar shef sektori i policisë rrugore në DVP Vlorë.

Pronari i një karburanti në Delvinë është marrë nën akuzë për shkelje të rregullave të mbrojtjes në punë, pasi ditën e djeshme, duke punuar në subjektin e tij ka rënë nga lartësia duke montuar një tendë dielli, punonjësi 44-vjeçar, që ndodhet në spital i plagosur.

Policia e Vlorës konfirmoi sot (4 korrik) se specialistët për Hetimin e Krimeve në Komisariatin e Policisë Delvinë referuan materiale në Prokurori dhe nisën procedimin penal në gjendje të lirë për veprën penale “shkelja e rregullave të mbrojtjes në punë”, në ngarkim të 65-vjeçarit M. B., banues në Fier.

“Te karburanti i tij në Delvinë, ka rënë nga lartësia duke montuar tendën e diellit, shtetasi D. P., 44 vjeç, i punësuar prej tij”, bëri me dije policia vendore. 

Një përplasje mes policisë dhe një të riu ka ndodhur mesditën e sotme në Lezhë.

Mësohet se ngjarja ka ndodhur në aksin Lezhë-Milot, ku të riut i është kërkuar të ndalojë, por ai nuk i është bindur urdhrit dhe ka vazhduar rrugën. Pas kësaj, raportohet se efektivët kanë qëlluar me armënë drejtim të mjetit të tij.

Si pasojë e të shtënave nuk ka të lënduar, teksa riu është ndaluar më pas nga policia. Nuk dihen detajet e plota të ngjarjes, por grupi hetimor vijon punën për zbardhjen e plotë të ngjarjes.

Altin Morina, një ish-punonjës i Policisë së Shtetit, rezulton ndër emrat e përfshirë në mega-operacionin “Ura”, sipas dosjes së fundit të siguruar nga autoritetet hetimore. Ai dyshohet për bashkëpunim me grupe kriminale, duke u kthyer sërish në vëmendje për aktivitet të paligjshëm.

Morina ishte arrestuar më 4 prill 2025 nga SPAK, për një tjetër çështje penale, por hetimet e reja zbulojnë një përfshirje të re në një rast të ndarë nga ai i mëparshmi.

Operacioni “Ura”, i ndërmarrë nga SPAK në bashkëpunim me autoritetet italiane dhe strukturat vendore të rendit, ka shënjestruar një rrjet të gjerë të trafikut ndërkombëtar të drogës dhe pastrimit të parave. Përfshirja e ish-efektivëve të policisë si Morina, sipas burimeve, e rëndon më tej situatën, duke shtuar dyshimet për mbështetje të strukturave shtetërore ndaj veprimtarisë kriminale.

Blutë kanë gjetur një kontenier pranë një pike turistike. Policia e Pukës ka nisur hetimet për një 60-vjeçar pasi përvetësoi dhe tjetërsoi një nga kontenierët e Policisë në Qafë Shllak, përgjatë aksit Fushë-Arrëz – Kukës.

Njoftimi i policisë, Pukë:

“Specialistët për Hetimin e Krimeve të Komisariatit të Policisë Pukë referuan materialet në Prokurori, ku filloi procedimi në gjendje të lirë për shtetasin P. L., 60 vjeç, banues në Pukë, për veprën penale “Shkatërrimi i pronës”, pasi ka dëmtuar një kontenier në përdorim nga Komisariati i Policisë Pukë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”,  informoi sot policia.