Në një postim të publikuar sot, Bajrami shkruan se disa individë e kanë interpretuar gabimisht letrën e saj, duke e parë atë si të drejtuar vetëm ndaj një partie.

“Dua ta sqaroj qartë: letra ime nuk ka pasur kurrfarë ngjyrimi politik. U drejtova Kryeministrit dhe Presidentes sepse ata janë krerët më të lartë të shtetit dhe mbajnë përgjegjësi institucionale”, thekson ajo.

Bajrami nënvizon se qëllimi i vetëm i saj është miratimi i ligjit për fëmijët me nevoja të veçanta dhe mbështetja e projekteve që u shërbejnë atyre. “Ky ligj duhet të votohet pavarësisht se kush është në pushtet, sepse nuk ka të bëjë me interesa partiake, por me jetën e fëmijëve tanë dhe dinjitetin e familjeve të tyre,” shkruan ajo.

Duke theksuar se nuk po merret me politikë, këngëtarja shprehet se po e ngre zërin si nënë, si qytetare dhe si përfaqësuese e shumë familjeve që përballen me sfida të ngjashme.

Ky reagim vjen një ditë pas letrës së saj të hapur, ku kritikoi klasën politike për krizën e zgjatur institucionale në Kosovë dhe kërkoi miratimin urgjent të ligjit për fëmijët me aftësi të kufizuara, si dhe mbështetjen për projektin e humanistit Halil Kastrati.

Kryeministri Edi Rama do të zhvillojë një takim me drejtuesit politikë të Partisë Socialiste në qarqe.

Mësohet se mbledhja ka karakter organizativ dhe zhvillohet në kuadër të zgjedhjeve të 11 majit.

Automjeti i ish deputetit Jurgis Cyrbja eshte sekuestruar me urdher te SPAK gjate kontrolleve te kryera ne Durres.

Pas arrestimit, ish deputetit i eshte sekuestruar nga hetuesit edhe telefoni celular. 

Nga ana tjeter, pas arrestimit teksa levizte me makine me shoferin e tij, Jurgis Cyrbja eshte mbajtur ne policine e Durresit per disa ore ne pritje per tu transferuar ne Tirane pasi do ti nenshtrohet hetimeve nga SPAK. 

Lexo të radhës

Makina del nga rruga në Sarandë, përplaset me

I shpallur në kërkim pasi theu masën e arrestit në shtëpi

Ishte larguar nga banesa, gjendet e pajetë gruaja në Elbasan

Ai akuzohet per tri vepra penale, korrupsion ne zgjedhje, tregim te sekreteve dhe perkrahje e autorit te krimit nderkohe qe nga mesazhet ne SKY Ecc dyshohet se ka bashkepunuar me grupet kriminale ne Durres.  

Arrestimi i ish-deputetit Jurgis Cyrbja, policia kryen kontrolle në Shijak, sekuestrohen celularë e makina

Vetem pak ore pas arrestimit të ish-deputetit Jurgis Çyrbja dhe bashkëpunëtorit te dyshuar Ahmet Masha, policia po kryen kontrolle banesash në Shijak.

Ish-deputeti i PS u arrestua këtë të diel me urdhër të Prokurorisë së Posaçme kundër Korrupsionit dhe Krimit të Organizuar.

Ai ra në pranga në Shijak, ndërsa bashkëpunëtori Ahmet Masha në Rinas, ndërsa një tjetër është shpallur në kërkim.

Ndaj ish-deputetit rëndojnë veprat penale “Korrupsioni aktiv në zgjedhje”, “Përkrahja e autorit të krimit” dhe “Tregimi i sekretit shtetëror nga shtetasit”.

“Nisur nga interesi i madh i mediave ju komunikojmë se Policia e Shtetit ka ekzekutuar sot masën e sigurimit arrest ne burg të caktuar nga Gjykata e Posaçme e Shkallës së Parë për Korrupsionin dhe Krimin e Organizuat ndaj shtetasit Jurgis Çyrbja, si i dyshuar për kryerjen e veprave penale të “Korrupsioni aktiv në zgjedhje”, parashikuar nga neni 328 i Kodit Penal;

“Përkrahja e autorit të krimit”, parashikuar nga neni 302/1/2 të Kodit Penal si dhe “Tregtimi i sekretit shtetëror nga shtetasit” parashikuar nga neni 295/1 i Kodit Penal. Nesër do të ketë një njoftim për shtyp me më shumë detaje”, theksohet në informacionin e SPAK.

Ish-deputeti dyshohet se ishte përdorues i aplikacionit SKY dhe se permes mesazheve te shkembyera aty, ka bashkëpunuar me personazhe të një grupi kriminal në Durrës.

Agjentët e FBI-së e kanë bastisur dhe kontrolluar shtëpinë e Dmitri Simes në Virxhinia, i cili është një komentator i njohur politik dhe autor i emisionit për çështje aktuale në televizionin shtetëror rus, Channel One, raportoi të premten gazeta Rappahannock News. Simes tha për këtë gazetë se ndodhet jashtë vendit, por se ndihet i “shqetësuar dhe i habitur” nga aksioni i FBI-së.

Ai tha për agjencinë ruse të lajmeve, TASS, të premten se lajmet se agjentët e FBI-së ndodhën në shtëpinë e tij janë të vërteta, edhe pse ai nuk ishte njoftuar zyrtarisht. Simes u lind në Moskë më 1947 dhe emigroi në Shtetet e Bashkuara në vitin 1973. Ai kishte shërbyer si këshilltar joformal i ish-presidentit amerikan, Richard Nixon, dhe kishte udhëtuar rregullisht me Nixonin në Rusi dhe në ish-vendet e tjera sovjetike. Më 1994, Nixon e emëroi atë kryetar të Qendrës për Interes Kombëtar, e cila në atë kohë quhej Qendra e Nixonit për Paqe dhe Liri.

Simes u largua nga kjo pozitë më 2022.

Ai ishte gjithashtu këshilltar në fushatën presidenciale të Donald Trumpit më 2016 dhe e aranzhoi një fjalim të rëndësishëm për politikën e jashtme më 2016, në të cilin Trumpi shpalosi vizionin e tij për bashkëpunim më të madh me Rusinë. Emri i Simes u përmend më shumë se 100 herë në një raport të vitit 2019 nga prokurori i përgjithshëm amerikan, Robert Mueller, i cili quhej “Raporti për Hetimin e Ndërhyrjes Ruse në Zgjedhjet Presidenciale të Vitit 2016”. Simes ishte moderator i një sesioni pyetje-përgjigje me presidentin e Rusisë, Vladimir Putin, në Forumin Ekonomik Ndërkombëtar në Shën Petersburg më 2023./REL

Ministri i Mbrojtjes, Niko Peleshi është thirrur sot në SPAK.

Peleshi u paraqit në orën 10: 00 në zyrat e Prokurorisë së Posaçme dhe vijon të qëndrojë aty.

Mësohet se Peleshi është thirrur në lidhje me hetimin për inceneratorët, marrëdhëniet me Klodian Zoton dhe për procedurën e matësave të ujit kur ka qenë në bashkinë e Korçës.

Peleshi ka qene kryetar i Bashkisë Korçë në periudhën 2007-2013.

Më herët, ai është përballur me institucionet e drejtësisë, lidhur me skandalin e ‘Silicon Mix’, në kohën kur ka qenë ministër i Bujqësisë.

Nga arresti i shtepise, Sali Berisha mbajti diten e sotme, mitingun e radhes me mbeshtesit e mbledhur poshte baneses se tij ne Tirane.

Ai tha se kryeministri Edi Rama, eshte i tmerruar nga denoncimet e tij,. 

Berisha: Rama i tmerruar nga denoncimet e Sali Berishës, mendoi të shpëtojë duke e vendosur në ‘arrest shtëpie, por krijoi me qindra e  mijëra Sali Berishë të tjerë 

Mirëmbrëma dhe përshëndetjet më të përzemërta.
Ju misionarëve të vërtetë të qëndresës së njeriut për dinjitetin e tij.
Misionarëve të vërtetë të qëndresës së njeriut për lirinë e tij.
Misionarëve të vërtetë të qëndresës së njeriut për vlerat më të larta të individit dhe shoqërisë.
Misionarë të vërtetë të qëndresës së shpresën, për të ardhmen, për interesin kombëtar dhe mbi të gjitha të qëndresës për të vërtetën e cila kurrë nuk tretet, nuk humbet, nuk mposhtet, por vetëm ndriçon, ndriçon çdo ditë e më shumë, zemrën e njeriut, zemrën e një kombi të tërë.about:blank

Kam një përshëndetje të përzemërt për oratorët e mrekullueshëm, fjalët e tyre plot frymëzim, pasion, vërtetësi.

Edi Rama i tmerruar nga fjala, denoncimet e Sali Berishës, mendoi të shpëtojë prej tij duke e vendosur atë në arrest shtëpie. Por krijoi me dhjetëra, qindra, mijëra Sali Berishë të tjerë të cilët e shndërruan në ‘rrugën e Shpresës’, rrugën e gjyqit publik të regjimit.
Rrugën e gjyqit publik të vjedhjeve të Edi Ramës dhe suitës së tij.
Rrugën e gjyqit publik të lidhjeve të tij me krimin.

Rrugën e gjyqit publik vjedhjeve të familjarëve të tij, të pasurimit të familjes së tij, të 16-fishimit të të ardhurave duke shfrytëzuar karrigen e tij.
Të shpërdorimit dhe vjedhjes me qindra milionë eurove me djegësat, me sterilizatorët. 
Të denoncimit të aferës prej miliarda euro të portit të Durrësit, të denoncimit dhe gjyqit publik për Edi Ramën, skandalin e tij ndërkombëtar me McGonigal.
Edi Rama të mbron sot Altin Dumani, por bashkë me Dumanin do të të japim ndëshkimin më të rëndë që meriton.

Berisha: Erion Veliaj me 5 drejtorët e tij ka vjedhur 30 mln euro prokurime publike. Paratë e Rrugës së Arbrit po i vjedh Olsi me Demin dhe Gjokën 

Të dashur miq! 
Këto ditë keni dëgjuar se u bënë disa kontrolle te zyrtarët e Erion Veliajt.
A e dini ju se çfarë janë ato?
Belind Këlliçi ka denoncuar që në maj të vitit të kaluar kompaninë e famshme ‘5D’.
‘5D’ do të thotë 5 drejtora. 5 drejtora të bashkisë me në krye Erion Veliajn, kanë vjedhur 30 mln euro prokurorime, para publike me familjarët e tyre.
Po rruga e Arbrit.
Të dashur miq! 

Rruga e Abërit, kur e dorëzuam në vitin 2013, ishin pa ndërtuar gjithsej 27 km. 32 km ishin të përfunduara. 
Çfarë po ndodh me 27 kilometrat. Me 27 km e rrugës së Arbrit e gjerë 10-11 metra, po i shkon çmimi fiks sa Rrugës së Kombit e gjerë 27 metra në akset e saj.
A ka vjedhje më të madhe?

Shikoni pse. Kur të shihni Gazin dhe Olsi Ramën do të shikoni tabelat mbrapa, ‘Gjoka Kompani’. Pra paratë po i vjedh Olsi me Demin bashkë me Gjokën dhe çmimi i rrugës ka kaluar në ato 27 kilometra në 11 milionë dollarë kilometri. 
Të gjitha këto e tmerrojnë Edi Ramën ndaj dhe ai bën çdo gjë të mbajë pushtetin me çdo kusht sepse e di, se ndëshkimi për këto vjedhje do të jetë i jashtëzakonshëm për të dhe organizatën e tij kriminale.

Berisha: Banorët e Matit më të persekutuari e regjimit. Agron Malaj vjedh në Tiranë me Erion Veliaj miliona euro nga taksat e qytetarëve

Miqtë e mi! 
Me praninë tuaj, sakrificën tuaj të përnatshme ju jeni bërë burim shprese për çdo shqiptar.
Ju po zgjoni çdo ditë e më shumë, luanin e fjetur tek shqiptarët.
Ju po trimëroni dhe rrisni guximin e shqiptarëve kudo që janë.
Unë sot kam një përshëndetje të përzemërt për përfaqësuesit e Matit dhe Bulqizës që janë mes  jush.
Dua të përshëndes demokratët e Matit, në 33 vjetorin e themelimit të degës së PD.
Të përshëndes demokratët e Bulqizës.
Të dashur miq! 

Themelimi i PD-së në Mat është një akt epik. Mati 33 vite më parë mbi të gjitha ishte qendër ushtarake, qendër divizioni, qendër të themi të vërtetën, regjimi nga një anë kishte persekutuar thellësisht banorët e Matit, nga ana tjetër kishte bërë gjithçka për të mbajtur nën kontroll të plotë, për të shtypur sa më shumë ata.
Atë ditë, Azem Hajdari në një miting me guximtarët e Matit, u përball me një situatë ndër më të rrezikshmet.

Falangat ekstremiste, terroriste, donin me çdo kusht të provokonin gjakderdhje.
Por dështuan. Demokratët, për armë të vetme kishin guximin dhe ngadhënjyen mbi ta.
Dega e themelua dhe dega e Matit do të shndërrohej në një nga degët më të suksesshme të PD.
Mati, Bulqiza, Dibra janë sot zonat më të ndëshkuara, më të vjedhura, më të plaçkitura, më të rrënuara.

Të dashur miq! 
Denisa foli për Agron Malajn. Por a e dini ju se ku vjedh më shumë Agron Malaj? Vjedh në Tiranë me Erion Veliaj. Firma e tij me emër të të vëllait, ka ndarë me Erion Veliajn dhe ujësjellësin mbi 30 mln euro.
Është një rrjet i tmerrshëm hajnash, hajdutësh të pamëshirë, që ndajnë pasuritë tuaja me njëri tjetrin. 

Një orë para nisjes së seancës në Kuvend ku pritet të miratohet nen për nen Buxheti i 2024, deputetët e opozitës janë futur në sallën e parlamentit, ku kanë gjetur punonjësit e Gardës gardh.  

Siç duket dhe në pamjet e siguruara, ligjvënësit  demokratët janë përplasur me gardën për karriget.

“Na kanë marrë karriget me urdhër të Ramës”, dëgjohen deputetët e opozitës.

“Lëshoni karriget se do të ulemi”, shton një tjetër.

Ish-ministri i Jashtëm, Ditmir Bushati theksoi se Shqipëria duhet ta shohë Serbinë me sytë e Kosovës. Në lidhje me përplasjet mes Tiranës dhe Prishtinës, ai tha se duhet të ketë një shtensionim dhe bashkërendim të marrëdhënieve.

“Së pari, në rast se i referohemi marrëdhënieve mes Shqipërisë dhe Kosovës janë të shkëlqyera sepse flasim për një komb dhe s’ka ndonjë barrierë në mes në kuptimin njerëzor, ekonomik dhe të shkëmbimeve. Pra, s’duhet të barazojmë politikën me marrëdhëniet që janë mes nesh. Kjo është e rëndësishme ndërkohë mendoj që ka nevojë për një shtensionim dhe bashkërendim kapilar të marrëdhënieve zyrtare. Në radhë të parë mes Shqipërisë dhe Kosovës, Tiranës dhe Prishtinës. Shqipëria është shtet i pavarur që në 1912, ka qasje në disa organizata ndërkombëtare në të cilat Kosova nuk është prezente. Shqipëria për fatin e madh nuk kanë qenë pjesë e ish-Jugosllavinë. Marrëdhëniet tona me Serbinë më tepër janë shenjuar nga mënyra se si janë trajtuar shqiptarët në ish-Jugosllavi dhe në këtë kontekst, ne nuk e njohim Serbinë përveçse me sytë e Kosovës. Duhet të jemi vigjilent, që Serbinë sapo përpiqemi të kultivojmë raporte normale dhe duhet të përpiqemi, duhet ta shohim me sytë e Kosovës.”, u shpreh Bushati.

Ish ministri i Jashtëm u ndal edhe tek rezoluta e parlamentit shqiptar, e miratuar pak ditë më parë, që dënon sulmin serb në Banjskë të Zveçanit, duke thënë se priste të përcaktoheshin disa detyra. Bushati thotë se Shqipëria duhet të kërkojë një hetim në Këshillin e Evropës për këtë sulm.

“Shqipëria duhet të bëjë detyrat e saj. Miratoi një rezolutë, nuk më erdhi mirë që na u desh dy javë për të thënë se jemi dakord me parlamentin e Kosovës ndërkohë që në një orë e gjithë klasa politike u bashkua në dënimin e sulmit të Hamasit ndaj Izraelit. Pra, me gjithë respektin për Shqipërinë, ne kemi një rol modest në Lindje të Mesme, roli kryesor është në rajon. Prisja një rezolutë ku parlamenti i përcaktonte detyra vetes dhe qeverisë. Atëherë Shqipëria duhet të mobilizohet për të shkuar në Këshillin e Evropës dhe për të kërkuar hetim për këtë çështje, për të pasur një reporter ndërkombëtar. Shqipëria ka disa detyra që burojnë nga shteti amë“, shtoi ish ministri.

Sa i përket moskoordinimit të Prishtinës zyrtare me qeverinë e Shqipërisë për çështje të rëndësishme, Bushati shtoi: “Në drejtim të Prishtinës, mendoj se dera e parë e Prishtinës ka qenë, është dhe do të jetë Tirana për çdo gjë. Ka ndodhur edhe në kohën kur kam qenë në qeveri që kishte kërkesa që Prishtina zyrtare bënte drejt institucioneve zyrtare pa koordinim me Tiranën. E kam menduar atëherë dhe vazhdoj ta mendoj edhe sot. Natyrisht që Shqipëria nuk zëvendëson as SHBA, Gjermaninë, Britaninë apo Francën. Duhet të jenë dy mekanizma që duhet të funksionojnë si orët zvicerane nëse duam të kemi një efektivitet. Dhe nga ky mekanizëm varet se si operon faktori shqiptar në Ballkanin Perëndimor.”

Sekretari i OMONIA-s, Marin Suli, e ka cilësuar si “vendim politik”, vendimi e marrë sot (18 shtator) nga Gjykata e Apelit në Tiranë, për lënien në burg të kryetarit të zgjedhur të Bashkisë së Himarës, Fredi Beleri.about:blank

I ftuar në News24, Suli u shpreh se Beleri sipas tij, nuk është arrestuar në flagrancë, por ka qenë duke konsumuar kafe me stafin e tij.

Sekretari tha se “të gjithë gjyqtarët janë nën trysni, janë edhe nën trysninë e politikës”.

 “Është rasti i parë i një përgjimi që s’ka aparatin apo serinë. Ka shkelje të rënda dhe askush nuk e dëgjon. Të gjithë gjyqtarët janë nën trysni, janë edhe nën trysninë e politikës. Ligji nuk është opinion dhe kjo është fatkeqësi, Beleri po shpallet kriminel me prokuror publikë.

Beleri nuk është arrestuar në flagrancë, por duke pirë kafe dhe duke ngrënë me stafin e vetë. Po mbajnë brenda një kandidat vetëm e vetëm se në sondazh rezultonte fitues. Vendimi është politik”, u shpreh Suli.

Çështja “Beleri” ka trazuar prej kohësh politikën dhe marrëdhëniet diplomatike me Greqinë. Protestat në Himarë për lirimin e Fredi Belerit bënë jehonë të madhe në shtetin fqinj. Për këtë arsye deputeti i Partisë Socialiste Erion Braçe me anë të një postimi në rrjetet sociale ka shprehur mendimin e tij për këtë çëshje.

Braçe shkruan se në Himarë po bëhet fushatë me të sikur të jetë Greqi dhe thekson se nuk ka asgjë evropiane në veprimin e zyrtarëve grekë që protestuan për Belerin.

Sipas tij Himara është përdorur për fushatën e Mitsotakis në muajt e kaluar dhe tani po përdoret për fushatë nga kryebashkiakët e tij.  Ndër të tjerash deputeti shton se nuk ka asgjë evropiane në këtë mes, por është e gjitha greke, për pushtetarët grekë.

NE #HIMARE???????? E ME TE,
KA FUSHATE TE GJATE ELEKTORALE
PER ZGJEDHJET GREKE!
Kjo duhet ndalur;
Bejne fushate me Himaren e ne Himare sikur te jete Greqi;
NE FAKT ESHTE #SHQIPERI????????
Nuk ka asgje EVROPIANE ne kete-kercenimet me EVROPE e ne emer te saj, jo e jo!
Te ishte evropiane, do ishte doemos ndryshe, pushtetaret greke vec mitingjeve do merrnin edhe pyetje, do jepnin edhe pergjigje; fjala bie:
Perse kur arrestojne keta greke per blerje votash-po per 100 EVRO per vote, ky akt eshte i ligjshem e kur e ben DREJTESIA E RE ne Shqiperi-po per kaq para, eshte PENGMARRJE?
Perse kur keta greke e nxjerrin jashte ligji AGIMIN E ARTE si organizate fashiste, ky eshte akt legjitim dhe, perse Shqiperia duhet ti pranoje anetaret e tij si luftetare per demokraci?
Perse kur keta greke arrestojne Fredi Belerin jane legjitime-ne funksion te hetimit te nje ngjarje kriminale, te pergjakshme, sulm me arme nga territori grek ne ate shqiptar, ne makine me kriminelin ANASTASOULIS Georgios, me arme gjithashtu, kurse kur e arreston po te njejtin Fredi Beleri DREJTESIA E RE ne Shqiperi, eshte politike?
Me tej akoma;
Perse kur keta greke nuk i pergjigjen LETER POROSIVE te Drejtesise shqiptare per hetimet rreth ketij krimi jane evropiane, kurse Drejtesia e Re ne Shqiperi duhet te nxjerre nga burgu e liroje nga akuzat e mbeshtetura nga prova, se keshtu duan keta greke?
Perse INTERPOLI i pergjigjet autoriteteve te drejtesise ne Shqiperi e keta greke jo, tamam per kete Fredi Belerin e hetimet rreth tij?
E kuptoni qe ska asgje evropiane ne kete mes, por eshte e gjitha greke, me standard qe eshte i tille sic duan ne fushate elektorale keta pushtetare greke?
Patjeter qe fqinjin na i ka dhene zoti e fqinjesia e mire eshte detyrim, por detyrim i perbashket ama;
FUSHATA ELEKTORALE GREKE-NJEHERE PER PUSHTETIN E FITUAR TASHME TE MICOTAQIS, TANI PER KANDIDATET E TIJ NEPER BASHKI, NUK KA PSE PRISH KETE FQINJESI!
Nese flasim per standard pastaj, DEKRIMINALIZIMI ESHTE I TILLE, por jo fakultativ se keshtu do fushata elektorale greke e ku Fredi Beleri eshte flamuri i grisur!
VO: imagjinoni kryetaret e bashkive Tirane e Tepelene, ne fushate ne Janine, do mblidhnin me shume njerez se keta ne Spille