Barça këmbëngul për Joao Cancelo, i cili u rikthye te Manchester City pas huazimit të sezonit të kaluar, por që mbeti ndër objektivat e klubit katalanas. Sipas “Daily Star”, Barcelona ka paraqitur një ofertë, që përfshin tarifë huazimi prej 9 milionë euro dhe detyrim blerjeje prej 23 milionë euro, çka hyn në fuqi në fund të periudhës së huazimit. Kjo marrëveshje e strukturuar, sipas gazetës angleze, konfirmon vështirësitë financiare të klubit katalanas.

“Qytetarët” kanë vendosur një çmim mjaft të lartë për Cancelo; 30 milionë euro. Një shumë që Barça absolutisht nuk mund ta paguajë sot. Mbrojtësi portugez ka kontratë me Manchester City deri në vitin 2027 dhe për këtë klubi anglez nuk ka ndërmend të bëjë “skonto”. Klubi nga “Ettihad” vazhdon të kërkojë një shumë afër asaj që mendon se është vlera e portugezit.

Jorge Mendes, agjenti i lojtarit, po punon me “qytetarët” për t’i ulur kërkesat e tyre. Kjo për shkak se Barcelona nuk do të bëjë asgjë çmenduri për këtë lojtar, pasi ndihet mjaft e mbuluar në rol me Hector Fort dhe Julian Araujo. Katalanasit kanë prioritete të tjera transferimi (Nico Williams dhe, në përgjithësi, përforcimin e sulmit), ndaj për momentin nuk mund t’iu hyjnë aventurave me mbrojtësin portugez.

Është njëri nga më të kërkuarit. Cristiano Ronaldo mbetet “superyll” i futbollit botëror edhe në moshën 39-vjeçare, ndërsa ndaj Belgjikës shpreson të vazhdojë rrugën drejt “Olimpit”, me liderin e “Luzitanëve” portugezë, që do të udhëheqë ekipin e tij, në përballjen e mbrëmjes së kësaj të hëne, përballë Sllovenisë, ku padyshim objektivi është kalimin në çerekfinalet e Euro 2024.

“Veterani” i sulmit dëshiron titullin mbi çdo gjë tjetër, diçka që e ka bërë në 2016, i pari trofe i madh i Portugalisë, ndonëse në “Deutsche Bank Park”, të Frankfurtit do të kërkojë më shumë, ku pavarësisht se është vërtet i vjetër, ai ndjek dy rekorde, njëri është për golat, pasi 5 herë fituesi i “Topit të Artë”, mund të bëhet i vetmi futbollist që ka shënuar në gjashtë edicione të Evropianit, ndërsa rekordi tjetër është për asistet me ish- “yllin” e Real Madrid, Manchester United e Juventus, që është në kuotën e 8 asistime, po aq sa çeku Karel Poborsky e nëse shërben vetëm një, do të jetë rekordmen i vetëm.

Natyrisht, tifozët portugezë nuk do të shohin vetëm rekordet e kapitenit të tyre. Për ta ka rëndësi fitorja dhe çerekfinalet, për të cilën Portugalia është rëndshëm favorite dhe ku tekniku Roberto Martinez pritet të kthehet tek formacioni titullar, që u la pushim ndaj Gjeorgjisë, dhe Ronaldo do të jetë në fushë edhe pse është paraqitur dobët deri tani.

Pas pezullimit rikthehet edhe “ylli” tjetër i sulmit, Rafael Leao, ndërsa Sllovenia do të luajë shanset e saj, ku deri më tani nuk ka asnjë fitore në historinë e saj, no kampionatet evropiane.

Ballkanasit kanë mbrojtësin Janza të pezulluar, ndërsa pritet që sulmuesi kryesor, Sesko, të arrijë të shënojë më në fund, sepse deri tani kanë realizuar vetëm lojtarët e prapavijës.

Bayern Munich nuk heq dorë nga Joao Palhinha. Pas vendit të tretë në kampionat, sezonin e kaluar, dhe eliminimit të hidhur nga Kupa e Gjermanisë, skuadra bavareze po mendon për rindërtimin e skuadrës me objektivin “rikthim i menjëhershëm në majat e kampionatit gjerman dhe mundësia për të arritur sa më larg në Champions League e ardhshme”.

Ndër objektivat që drejtuesit i kanë vënë vetes për merkaton e verës mbetet mesfushori portugez, i cili sezonin e kaluar ia doli shumë mirë me fanellën e Fulhamit. Në fakt, lojtari u thirr në veprim nga trajneri i tij në 39 raste në Premier League, “FA Cup” dhe “League Cup”, duke shënuar 4 gola, të gjithë në kampionat.

Sulmi i skuadrës gjermane nuk vonoi. Sipas raportimeve nga “Sky Sports De”, oferta përfundimtare nga Bayern Munich për Fulhamin prej 38-39 milionë stërlina ka mbërritur, për të blerë kartonin e Palhinha. Objektivi është të binden “Cottagers”, duke qenë se, siç lexojmë gjithmonë në faqen e internetit të transmetuesit gjerman, tashmë bavarezët kanë një marrëveshje verbale me lojtarin.