Një 62 vjeçar është arrestuar në Gjirokastër pasi mbante municion luftarak.

Policia thotë se atij iu gjetën në banesë një sasi municioni luftarak dhe fitili zjarrpërcjellës që i posedonte pa leje.

“Stacioni i Policisë Dropull-Libohovë arrestoi në flagrancë shtetasin 62 vjeç, banues në fshatin Bodrishtë, pasi në banesë iu gjetën sasi municioni luftarak dhe fitili zjarrpërcjellës, që posedoheshin pa leje.”, njofton policia.

Policia e Korçës ka arrestuar një 52-vjeçar, pasi dyshohet se posedonte katër thika në lokalin e tij.

Nga verifikimet e kryera rezultoi se ky shtetas e ushtronte aktivitetin në këtë subjekt, pa licencën përkatëse.

“Specialistët për Hetimin e Krimeve të Komisariatit të Policisë Korçë arrestuan në flagrancë shtetasin V. K., 52 vjeç, banues në Korçë, pasi në lagjen nr. 14, Korçë, gjatë kontrollit të ushtruar nga shërbimet e Forcës së Posaçme “Shqiponjat”, në bashkëpunim me shërbimet e Komisariatit të Policisë Korçë, në lokalin e tij, iu gjetën 4 mjete prerëse (thika), të cilat u sekuestruan në cilësinë e provës materiale”, njofton policia.