Kursi i këmbimit Euro-Lek e ka nisur javën me rënie dhe ka arritur një minimum të ri historik.

Sipas kursit zyrtar të këmbimit të Bankës së Shqipërisë, monedha europiane u këmbye të hënën me 97.93 lekë, niveli më i ulët i shënuar ndonjëherë.

Agjentët e këmbimit valutor mendojnë se rënia e Euros është e lidhur me prurjet e mëdha valutore të këmbyera gjatë fundjavës.

Fundjava e kaluar solli një fluks i lartë vizitorësh të huaj, kryesisht nga vendet fqinje.

Me nisjen e sezonit veror dhe me rritjen e temperaturave, ka nisur edhe rritja e fluksit të vizitorëve në bregdetin shqiptar gjatë fundjavave.

Gjithashtu, një ndikim shtesë vlerësohet se mund të ketë pasur edhe ndeshja e futbollit Shqipëri-Serbi, që solli drejt vendit tonë një numër të madh të vizitorëve nga Kosova.

Në fakt, rënia e kursit të këmbimit ndodhi kryesisht gjatë fundjavës, duke përfshirë edhe të premten, që ishte ditë pushimi zyrtar. Madje, në ditët e fundjavës kursi mesatar ishte edhe më i ulët, duke qenë se zyrat e këmbimit valutor aplikuan kurs edhe më të ulët në blerje të valutës.

Të hënën, kursi në blerje shënoi një korrektim në rritje, por gjithsesi tendenca e fundjavës u reflektua në kursin zyrtar, në një minimum të ri historik.

Edhe këtë vit kursi i këmbimit Euro-Lek po shfaq sërish një përsëri rënëse, duke filluar nga tremujori i dytë i vitit. Agjentët mendojnë se këto presione do të jenë të pranishme gjatë gjithë verës.

Një tendencë e tillë u vërejt qartë edhe vitin e kaluar, kur Banka e Shqipërisë ndërhyri duke kryer blerje të mëdha të valutës, për të mos lejuar forcimin e mëtejshëm të Lekut. Banka Qendrore bleu afërsisht 933 milionë euro në tregun e brendshëm valutor në 2024, në vlerën më të lartë historike.

Burime nga tregu bëjnë të ditur se Banka e Shqipërisë i rifilloi blerjet përsëri në muajin maj dhe është e pritshme që ato të vazhdojnë gjatë muajve të verës. Për sa kohë që inflacioni ndodhet poshtë objektivit prej 3%, ndërhyrja e Bankës së Shqipërisë mund të justifikohet nga ky këndvështrim.

Megjithatë, në muajt e fundit po vërehet një tendencë e lehtë në rritje e inflacionit, që në prill arriti në 2.3%. Një pjesë e mirë e artikujve të konsumit duket se po shtrenjtohen përsëri dhe kërkesa në rritje që gjeneron sezoni turistik mund t’i japë vijimësi rritjes së çmimeve.

Gessopalena, Itali, 23 mars 2025 – Një aksident fatal ka ndodhur dje në lagjen Mandrini të Gessopalenës, ku një 31-vjeçar shqiptar ka humbur jetën teksa punonte në një fermë. Viktima, i cili po operonte një mjet bujqësor në fushë, u shtyp për vdekje pasi zetori u përmbys dhe e zuri poshtë.

Sipas raportimeve, gjatë operacioneve bujqësore, traktori ka rënë në një kanal dhe është përmbysur, duke mos i lënë mundësi shpëtimi të riut. Pavarësisht ndërhyrjes së menjëhershme të zjarrfikësve të Casoli, karabinierëve të Torricella Peligna dhe ekipit të shpëtimit me helikopter të urgjencës 118 nga Pescara, ai nuk ka mundur të mbijetojë. Autoritetet lokale po hetojnë rrethanat e aksidentit.

Banorët kanë mbetur pa cigare, pasi ky është një plan i Olës dhe G Banit, por ata fajësojnë Gjestin. Laerti ka debatuar me Eglin dhe nënkupton se ajo dhe Gjesti kryejnë marrëdhënie seksuale gjatë natës.

Laerti: Nuk e di kush ‘duartroket’ poshtë jorganit, po di që u zgjova dhe doja një cigare.

Egli: Nuk kam.

Laerti: Shoku jot mua më zgjoi nga gjumi.

Një ngjarje e rëndë ka ndodhur në Berat. Mësohet se gjatë punimeve masivi i gurëve ka zënë poshtë një punëtor. Si pasojë, 47-vjeçari ka ndërruar jetë.

Njoftimi i Policisë:

Rreth orës 11:30, në lagjen “13 Shtatori”, në rrugën e Kalasë, gjatë punimeve nga një subjekt privat, është shkëputur një masiv guri dhe ka zënë poshtë punëtorin e subjektit, shtetasin 47 vjeç, banues në Berat.

Shërbimet e Policisë dhe të zjarrfikëses kanë bërë të mundur nxjerrjen e shtetasit nga masivi i gurit dhe e kanë transportuar me ambulancë drejt spitalit, por si pasojë e dëmtimeve, 47-vjeçari ka humbur jetën. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.

Një ngjarje e rëndë është regjistruar një ditë më parë (18 nëntor) në Itali, ku një shtetas shqiptar ka humbur jetën në vendin e punës.

Mediat italiane shkruajnë se 51-vjeçari i identifikuar si Fatmir Isufi, vdiq në vend pasi i ra sipër vinçi në kantierin ku po punonte.

Në të njëjtin vend punonte dhe djali i tij i cili nuk ka pësuar dëmtime, por është transpoprtuar në spital për shkak të gjendjes së shokut.

“Një aksident dramatik, një tragjedi e tmerrshme që lë pa fjalë dhe kërkon reflektim për një punë që duhet të jetë gjithmonë e sigurt për të gjithë”, ka qenë komenti pas aksidentit nga kryebashkiaku i Torinos, Stefano Lo Russo.

Policia ka nisur hetimet për zbardhjen e rrethanave të incidentit të rëndë.

Shtatë persona humbën jetën sot, e premte 29 mars, në Tajlandë kur një vinç u rrëzua në një kantier ndërtimi industrial, njoftuan autoritetet lokale.

Aksidenti ndodhi në orën 4 të mëngjesit me orën lokale gjatë ndërtimit të një fabrike që do të prodhojë oxhaqe metalike në provincën Rayong, tha shefi i policisë lokale Chaipong Sangpongchai.

Sipas mediave lokale, viktimat ishin të gjithë punëtorë.

Aksidente të tilla janë të zakonshme në Tajlandë ku bizneset shpesh nuk ndjekin rregullat e sigurisë ose nuk ndërmarrin projekte pa lejen e kërkuar.

Në janar, një shpërthim në një fabrikë fishekzjarre në Supan Buri vrau 23 persona, ndërsa në korrik 2023, një shpërthim në një fabrikë në qytetin jugor të Narathiëat vrau dhjetë persona dhe plagosi 100 të tjer