Policia ka vënë në pranga një të ri, i cili posedonte armë zjarri, municione dhe sende të tjera të jashtëligjshme.

Operacioni policor i koduar “Kryqëzimi” u zhvillua nga shërbimet e Komisariatit të Policisë Nr. 5, në vijim të kontrolleve dhe punës intensive për parandalimin e ngjarjeve kriminale dhe goditjen e armëmbajtjes pa leje.

E PAZAKONTË/ Të huajt që blejnë shtëpi në Sarandë thirrje për PROTESTË kundër “përbindëshit” 32 katësh! Gjatë operacionit, u arrestua në flagrancë shtetasi Gerald Qordja 21 vjeç, banues në Babrru.

I riu u ndalua nga shërbimet e Policisë te kryqëzimi i Valiasit, ndërsa po lëvizte me një automjet tip “Audi”.

Njoftimi i policisë:

Tiranë/Operacione të njëpasnjëshme, si rezultat i kontrolleve dhe punës informative, kundër armëmbajtjes pa leje.

Finalizohet operacioni policor i koduar “Kryqëzimi”.

Arrestohet te kryqëzimi i Valiasit, një 21-vjeçar që posedonte armë zjarri me municion, armë të ftohtë, pranga si të Policisë dhe 1 kapuç për maskim.

Sekuestrohen sendet e kundërligjshme.

Në vijim të punës intensive, për identifikimin e shtetasve që posedojnë armë dhe cenojnë rendin dhe sigurinë e qytetarëve, shërbimet e Komisariatit të Policisë Nr. 5 finalizuan operacionin “Kryqëzimi”, gjatë të cilit u vu në pranga shtetasi G. Q., 21 vjeç, banues në Babrru.

Ai u ndalua nga shërbimet e Policisë, teksa lëvizte me një automjet tip “Audi”, te kryqëzimi i Valiasit.

Në vijim të veprimeve procedurale u kryen kontrolle në automjetin dhe në banesën e 21-vjeçarit, ku u gjetën 1 armë zjarri pushkë me municion, 1 armë e ftohtë (thikë), pranga si të Policisë dhe 1 kapuç për maskim.

Materialet procedurale iu referuan Prokurorisë së Tiranës, për veprime të mëtejshme.

Orikum- Detaje të reja janë zbardhur pas arrestimit të Flodian Plakut, i cili akuzohet për vrasjen e Gentian Bejtjas, ngjarje e ndodhur më 15 mars 2024 në fshatin Larushkë të Krujës. Bëhet me dije se në momentin e kapjes nga policia në qytetin e Vlorës, Plaku kishte me vete dy armë zjarri (pistoleta).

Gjithashtu është arrestuar edhe një bashkëpunëtor i tij, i cili është identifikuar si shtetasi Juljan Aliaj. Siç raportohet Plaku kishte marrë porosi për të kryer sërish vrasje.

VLORË- Një 32-vjeçar është arrestuar në Vlorë pasi ka plagosur me thikë dy persona në dy lagjë të ndryshme të qytetit.

Ai akuzohet për veprën “Plagosje e rëndë me dashje”. Në njoftimin e policisë thuhet se 32-vjeçari është konfliktuar fizikisht, në lagjen “10 Korriku” dhe në lagjen “Pavarësia 2”, me dy persona të ndryshëm, të cilët gjatë konfliktit i ka plagosur me thikë.

Dy të plagosurit kanë marrë ndihmën mjekësore dhe ndodhen jashtë rrezikut për jetën. Po ashtu edhe autori është trajtuar me ndihmë mjekësore për dëmtimet e marra gjatë konfliktit. Policia ka sekuestruar në cilësinë e provës materiale thikën e përdorur.

NJOFTIMI I POLICISË:

Në vijim të informacionit paraprak të dhënë mbrëmjen e djeshme, u bë i mundur dokumentimi i plotë, bazuar edhe në pamjet filmike të siguruara nga vendi i ngjarjes, i konfliktit të ndodhur në Vlorë. Specialistët për Hetimin e Krimeve në Komisariatin e Policisë Vlorë arrestuan në flagrancë shtetasin I. H., 32 vjeç, banues në Vlorë, për veprën penale “Plagosje e rëndë me dashje”.

Ky shtetas, për motive të dobëta, është konfliktuar fizikisht, në lagjen “10 Korriku” dhe në lagjen “Pavarësia 2”, me dy shtetas të ndryshëm, të cilët gjatë konfliktit i ka dëmtuar me mjet prerës (thikë). Shtetasit e dëmtuar, M. F., 39 vjeç dhe K. K., 32 vjeç, kanë marrë ndihmën mjekësore dhe ndodhen jashtë rrezikut për jetën. Gjithashtu, edhe shtetasi i arrestuar I. H. ka marrë ndihmën mjekësore për dëmtimet e marra gjatë konfliktit.

Në cilësinë e provës materiale u bë sekuestrimi i mjetit prerës (thikë) i përdorur nga shtetasi I. H.

Drejtoria Vendore e Policisë Tiranë ka finalizuar operacionin “Bashkëpunimi”, duke goditur në 24 orët e fundit 4 raste të shitjes së lëndëve narkotike në doza.

Në pranga janë vënë 5 persona të dyshuar për tregtim të drogës. Gjatë operacionit janë sekuestruar doza kokainë dhe kanabis, si dhe sende të tjera përfshirë 3 celularë dhe një automjet. Materialet i janë dorëzuar Prokurorisë për hetime të mëtejshme.

Njoftimi i policisë:

Drejtoria Vendore e Policisë Tiranë/Finalizohet operacioni policor i koduar “Bashkëpunimi”.

Gjatë 24 orëve të fundit, goditen 4 raste të shitjes së lëndëve narkotike, në doza.

Vihen në pranga 5 shtetas.

Sekuestrohen sasi dhe doza të lëndëve të dyshuara narkotike kokainë dhe kanabis, 3 celulare dhe 1 automjet.

Strukturat e Drejtorisë Vendore të Policisë Tiranë, në kuadër të operacionit të koduar “Bashkëpunimi”, kanë vijuar kontrollet në të gjithë kryeqytetin dhe si rezultat kanë goditur 4 raste të shitjes së lëndëve narkotike, në doza. Për këto raste:

-Specialistët e Komisariatit të Policisë Nr. 5 arrestuan në flagrancë shtetasin F. M., 24 vjeç, i cili dyshohet se shiste doza kokaine në Kamzë, kryesisht në bulevardin “Nënë Tereza”. Gjatë kontrollit fizik dhe në banesë, iu gjetën doza kokaine;

-Shërbimet e Sektorit të Forcës së Posaçme “Shqiponjat” arrestuan në flagrancë shtetasit:

E. T., 27 vjeç dhe Xh. O., 27 vjeç, pasi u ndaluan në rrugën “Ali Kelmendi”, gjatë kohës që qarkullonin me një automjet të cilin shtetasi E. T. dyshohet se e përdorte për shitjen e dozave të kanabisit. Gjatë kontrollit fizik, 27-vjeçarit iu gjetën doza kanabisi, ndërsa shtetasi Xh. O. nuk ka kallëzuar për krimin;
S. K., 23 vjeç, pasi në rrugën “Rrapo Hekali”, gjatë kontrollit fizik i gjetën një sasi kanabisi, që dyshohet se e posedonte me qëllim shitjen në doza;
-Specialistët e Komisariatit të Policisë Nr. 1 arrestuan në flagrancë shtetasin Xh. H., 23 vjeç, pasi gjatë kontrollit fizik dhe kontrollit në banesën e tij, u gjetën doza kanabisi, që dyshohet se i posedonte me qëllim shitjen.

Materialet procedurale i kaluan Prokurorisë, për veprime të mëtejshme

Franci Canaj është arrestuar pasi qëlloi me armë zjarri një 29-vjeçar, pas një sherri për një vend parkimi.

Njoftimi i policisë:

Specialistët për Hetimin e Krimeve të Rënda ekzekutuan vendimin e Gjykatës së Tiranës, për ndalimin e shtetasit Franci Canaj, 32 vjeç, për veprat penale “Plagosja e rëndë me dashje” dhe “Mbajtja pa leje dhe prodhimi i armëve, armëve shpërthyese dhe municionit”.

Ai akuzohet se më datë 09.04.2025, gjatë një konflikti për motive të dobëta, ka plagosur në këmbë, me armë zjarri, shtetasin G. H., 29 vjeç.

Një ngjarje e rëndë ka ndodhur paraditen e së shtunës në fshatin Shtyllas të Fierit, ku një konflikt për motive të dobëta ka përfunduar me tentativë vrasjeje. Dy persona, babë e bir, kanë goditur me mjet prerës një 58-vjeçar, duke e lënë të plagosur rëndë.

Sipas informacioneve zyrtare, shtetasi Pashuk Paluca, 63 vjeç, dhe djali i tij, Ndue Paluca, 40 vjeç, dyshohet se kanë goditur me sopatë shtetasin Llesh Marku, 58 vjeç. Ky i fundit ndodhet aktualisht në spital, nën kujdesin e mjekëve.

Policia e Fierit reagoi menjëherë pas ngjarjes duke bërë të mundur arrestimin në flagrancë të Pashuk Palucës, ndërsa djali i tij është shpallur në kërkim. Kundër tyre rëndon akuza “Vrasje me paramendim, e kryer në bashkëpunim, e mbetur në tentativë.”

Gjatë veprimeve hetimore, autoritetet sekuestruan si provë materiale sopatën me të cilën u godit viktima.

Materialet hetimore i janë kaluar tashmë Prokurorisë së Fierit për veprime të mëtejshme ligjore, ndërkohë që policia po vijon punën për kapjen e autorit të dytë.

Autoritetet italiane kanë vënë në pranga 4 shqiptarë. Arrestimi i tyre mësohet se ka ardhur pas një operacioni të zhvilluar në Bolzano të Italisë. Sipas raportimeve të mediave italiane 4 shqiptarët e arrestuar janë përfshirë në një përleshje të dhunshme. Mësohet se gjithçka nisi pranë një Panair dhe më pas përfundoi më një përleshje në rrugët e qytetit me thika, shkopinj dhe zinxhirë.

Nga përleshja janë plagosur disa persona të cilët u dërguan në spital, teksa 4 prej tyre janë ndaluar nga policia. Aksioni përfundoi mëngjesin e djeshëm, bazuar edhe te urdhri i Gjykatës së Bolzanos.  Krimi kishte ndodhur më 1 maj, por masat e arrestit ndaj 4 shqiptarëve u ekzekutuan vetëm 23 maj. Krimet për të cilat akuzohen përfshijnë përleshjen, lëndimet e rënda trupore, sulm me pasoja të rënda, e posedim të paligjshëm të armëve.

Fier- Zbardhen 4 vjedhje në subjekte tregtare të kryera brenda një nate në Fier. Identifikohet, lokalizohet dhe vihet në pranga autori i dyshuar i këtyre vjedhjeve. 28-vjeçari me precedent kriminal në fushën e vjedhjes si edhe i dënuar më parë për veprimtari të paligjshme në fushën e narkotikëve.

Shërbimet e Komisariatit të Policisë Fier në vijim të punës për goditjen e veprimtarisë kriminale të vjedhjes së pronës dhe pasurisë, bazuar dhe në kallëzimet e disa qytetarëve, për vjedhje në subjektet e tyre tregtare gjatë natës së datës 19.05.2025, kanë organizuar punën për zbardhjen e tyre, identifikimin dhe kapjen e autorit/ëve.

Si rezultat i një pune profesionale hetimore të kryer, pas provave të siguruara dhe këqyrjes së kamerave të sigurisë, u finalizua operacioni policor i koduar “Four”, si rezultat i të cilit u arrestua shtetasi Ysen Driza, 28 vjeç, banues në Radostinë. Nga veprimet hetimore dyshohet se ky shtetas, më datë 19.04.2025, ka vjedhur me thyerje, në 4 subjekte tregtare në qytetin e Fierit, shuma parash dhe 2 aparate celularë.

Vijojnë hetimet për zbardhjen e vjedhjeve të tjera që mund të jenë kryer nga ky shtetas. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Drejtoria e Policisë Tiranë njofton se janë arrestuar 3 persona pasi gjatë kontrollit të ushtruar iu gjetën lëndë narkotike.

Specialistët e Seksionit për Hetimin e Narkotikëve arrestuan shtetasit:

-A. Ç., 30 vjeç, pasi gjatë kontrollit fizik, shërbimet e Forcës së Posaçme “Shqiponja” i gjetën një sasi Kokaine;

-E. Gj., 24 vjeç, pasi gjatë kontrollit fizik, shërbimet e Forcës së Posaçme “Shqiponja” i gjetën një sasi Cannabisi;

-E. D., 40 vjeç, pasi gjatë kontrollit fizik, shërbimet e Komisariatit të Policisë Nr. 4 i gjetën një sasi Kokaine.

Lëndët narkotike u sekuestruan në cilësinë e provës materiale.

Specialistët e Seksionit për Hetimin e Krimeve Kibernetike referuan materialet në Prokurori, ku nisi procedimi në gjendje të lirë për shtetasen D. B., 34 vjeçe, pasi dyshohet se ka shqetësuar një 32-vjeçare, me mesazhe në rrjete sociale.

Specialistët për Hetimin e Krimeve të Komisariatit të Policisë Nr. 2 referuan materialet në Prokurori, ku nisi procedimi në gjendje të lirë për shtetasit:

-P. M., 51 vjeç, A. S., 59 vjeç dhe Ç. H., 55 vjeç, pasi dyshohet se për motive të dobëta, janë konfliktuar fizikisht, me njëri-tjetrin;

-O. Dh., 53 vjeç, pasi dyshohet se për motive të dobëta, ka goditur me send të fortë, një 39-vjeçar.

Specialistët për Hetimin e Krimeve të Komisariatit të Policisë Nr. 3:

-arrestuan shtetasin A. K., 29 vjeç, pasi dyshohet se për motive të dobëta, ka kanosur me mjet prerës, një 40-vjeçar;

-referuan materialet në Prokurori, ku nisi procedimi në gjendje të lirë për shtetasit A. L., 50 vjeç dhe H. C., 58 vjeç, pasi dyshohet se për motive të dobëta, kanë kanosur njëri-tjetrin.

Specialistët për Hetimin e Krimeve të Komisariatit të Policisë Nr. 4 referuan materialet në Prokurori, për shtetasin Sh. A., 37 vjeç, pasi dyshohet se ka kanosur një 46-vjeçar, me armën e zjarrit të cilën e posedonte me leje. Për këtë rast, pas konsultimit me prokurorin, u vendos procedimi në gjendje të lirë i 37-vjeçarit, për veprën penale “Kanosja”. Gjithashtu, arma e zjarrit u sekuestrua në cilësinë e provës materiale.

Specialistët për Hetimin e Krimeve të Komisariatit të Policisë Krujë arrestuan shtetasin E. S., 39 vjeç, pasi u kap duke drejtuar automjetin, në gjendje të dehur.

Specialistët e qarkullimit rrugor arrestuan shtetasin S. S., 59 vjeç, pasi dyshohet se ka humbur kontrollin mbi automjetin që e drejtonte në gjendje të dehur, dhe si pasojë automjeti ka dalë nga rruga. Nga aksidenti ka patur vetëm dëme materiale.

Policia italaiane arrestoi në flagrancë dy persona, një shtetas shqiptar 43 vjeç dhe një italian 34 vjeç, për kultivimin dhe mbajtjen e një sasie të madhe lënde narkotike dhe për vjedhje të rëndë.

Mësohet se droga kultivohej brenda disa godinave të një kompleksi bujqësor në një komunë, në Torino.

Gjatë kontrollit në godinë në 5 dhoma dhe në verandë të strukturës së madhe, u gjetën mbi 700 shkurre marijuanë dhe afërsisht 15 kg lëndë bimore tashmë të tharë, qindra llamba halogjene të instaluara për të siguruar dritë dhe nxehtësi për bimët dhe një sistem kompleks ventilimi të detyruar për riqarkullimin e ajrit.

Më tej, u vu re një sulm i paligjshëm në rrjetin elektrik, me shumë kabllo që dilnin nga paneli elektrik dhe degëzoheshin nga kati i parë në atë më poshtë. Në këtë drejtim, duke marrë parasysh sasinë e madhe të pajisjeve të lidhura në rrjet, konsumi ditor i llogaritur do të arrinte përafërsisht 350/400€.