Personi në fjalë (emri ende nuk bëhet i ditur), i cili besohet të jetë përgjegjës për marrjen e një ryshfeti prej 200 mijë eurosh, akuzohet se ka lehtësuar në mënyrë të paligjshme disa operacione administrative për një kompani shqiptare, duke mos kryer kontrollet e nevojshme.

Një shtetas shqiptar u ndalua nga Policia e Ravenës në Itali, në ekzekutim të një urdhër-arresti ndërkombëtar të lëshuar nga Gjykata e Durrësit. Sipas mediave italiane, arrestimi ndodhi këtë mëngjes, gjatë një kontrolli rutinë rrugor të kryer nga agjentët e Zyrës së Parandalimit të Përgjithshëm dhe Ndihmës Publike të Shtabit të Policisë së Ravenës.

Kontrolli, i shtrirë edhe në bazat e të dhënave ndërkombëtare, zbuloi praninë e një urdhër-arresti ndërkombëtar kundër tij. Pasi u ndalua ndërsa drejtonte makinën, shtetasi shqiptar u dërgua në selinë e policisë dhe më pas në burgun e Ravenës, duke pritur seancën e ekstradimit para Gjykatës së Apelit të Bolonjës.

Specialistët për Hetimin e Krimeve të Komisariatit të Policisë Shkodër kanë referuar materialet në Prokurori, ku është filluar procedimi në gjendje të lirë për shtetasin V. D., 66 vjeç, banues në fshatin Guri i Zi. Ai dyshohet se ka kanosur një 53-vjeçare me një mjet prerës, thikë.

Shtetasi V. D. është dërguar në Spitalin Psikiatrik të Shkodrës, pasi dyshohet se vuan nga probleme të shëndetit mendor. Thika, e dyshuar si mjeti i përdorur për kanosjen, u gjet gjatë kontrollit të banesës së tij dhe u sekuestrua si provë materiale. Materialet procedurale janë referuar në Prokurorinë pranë Gjykatës së Shkallës së Parë të Shkodrës për veprime të mëtejshme.

Një aksident me pasoja tragjike u raportua mbrëmjen e djeshme në aksin rrugor “Levan-Vlorë”.

Lidhur me këtë ngjarje policia ka vënë në pranga 40-vjeçarin banues në Vlorë, pasi me automjetin që drejtonte ka përplasur për vdekje 49-vjeçarin.

“Në vijim të informacionit të dhënë mbrëmjen e djeshme, mbi aksidentin në aksin rrugor “Levan-Vlorë”, informojmë se specialistët e Sektorit të Qarkullimit Rrugor arrestuan në flagrancë shtetasin 40 vjeç, banues në Vlorë, pasi me automjetin që drejtonte, ka përplasur me pasojë vdekjen, këmbësorin, shtetasin 49 vjeç, banues në Vlorë”, thuhet në njoftimin e policisë.

Djali i Valbona Selimllarit është vendosur në pranga nga policia.

Raportohet se arrestimi i Deni Selimllarit, është bërë në Qerret të Kavajës.

Burime nga policia pohojnë se ai ishte denoncuar dhe dyshohej se bashkë me persona të tjerë kishin vjedhur një orë.

Por pas kontrollit në banesë iu gjet një sasi kanabisi.

Burime nga policia pohojnë se ai ishte denoncuar dhe dyshohej se bashkë me persona të tjerë kishin vjedhur një orë.

Por pas kontrollit në banesë iu gjet një sasi kanabisi.

Një 32-vjeçar shqiptar ka rënë në prangat e policisë greke. Mësohet se shqiptari ishte në kërkim pasi rezulton i dënuar me 15 vite burg.

Për shkak të shkeljes së ligjit mbi narkotikët, i riu shqiptar përveç dënimit me burg ishte dënuar edhe më një gjobë prej 100,000 eurosh.

32-vjeçari shqiptar u kap në flagrancë në qendër të Selanikut, ku policia greke po zhvillonte një operacion.

Ndërkohë, dokumentacioni në ngarkim të shqiptarit i kaloi Prokurorisë kopetente që ndjek rastin.

Një 30-vjeçar shqiptar ka rënë në prangat e policisë së Kretës në Greqi. Mediat lokale bëjnë me dije se i riu akuzohet për shpërndarje të lëndëve narkotike.
Mësohet se 30-vjeçari ka tentuar t’i shpëtojë prangave të policisë duke kundërshtuar arrestimin e tij.

Por arratia e tij zgjati vetëm pak minuta. Pas një ndjekjeje nga ekipi i DIAS në Chania, shqiptari u arrestua në qendër të qytetit.
Në ditët në vijim shqiptari pritet të dalë para Gjykatës për tu njohur me masën e sigurisë.

Një grua ka njoftuar policinë në Prishtinë se në vazhdimësi është duke u kanosur dhe ngacmuar nga një burrë.

Sipas raportit, i dyshuari është arrestuar dhe i njëjti me vendim të prokurorit është dërguar në mbajtje.

“Ankuesja femër kosovare ka raportuar se i dyshuari  kosovar, në vazhdimësi është duke e kanosur dhe ngacmuar atë. Në lidhje me rastin është arrestuar i dyshuari mashkull kosovar dhe i njëjti me vendim të prokurorit është dërguar në mbajtje”, thuhet në raport.

Një 37-vjeçar është arrestuar në Lushjne. Mësohet se 37-vjeçari me iniciale D.k akuzohet për shitje droge. Gjithashtu gjatë kontrollit në mjetin e 37-vjeçarit shërbimet e Komisariatit të Policisë Lushnjë kanë gjetur lëndë të dyshuar narkotike, ndërkohë në banesë janë gjetur dhjetra doza heroinë.

Njoftimi i Policisë: 

Vijon megaoperacioni i koduar “Tempulli”. Goditet një tjetër rast i shitjes së drogave të forta, në doza. Vihet në pranga një 37-vjeçar i cili lëvizte me lëndë narkotike, gati për shitje. Sekuestrohen doza heroine. Shërbimet e Komisariatit të Policisë Lushnjë, në kuadër të megaoperacionit “Tempulli”, kanë goditur një tjetër rast të prodhimit dhe shitjes së lëndëve narkotike. Për këtë rast, nga Sektori për Hetimin e Narkotikëve u arrestua në flagrancë shtetasi:

-D. K., 37 vjeç, banues në Lushnjë. Gjatë kontrollit në automjetin që ky shtetas drejtonte, shërbimet e Komisariatit të Policisë Lushnjë, kanë gjetur lëndë të dyshuar narkotike, e më pas nga kontrolli i banesës janë gjetur dhjetra doza lende narkotike e dyshuar heroinë. Nga veprimet hetimore dyshohet se ky shtetas siguronte lëndë narkotike heroinë, i ndante në doza në banesën e tij dhe i shiste në lagje të ndryshme. Në cilësinë e provës materiale u sekuestrua lënda narkotike, një peshore elektrike, një aparat celular, një automjet dhe një shumë parash që dyshohet të jetë përfituar nga kjo veprimtari kriminale. Materialet procedurale i kaluan Prokurorisë, për veprime të mëtejshme, për veprën penale “Prodhimi dhe shitja e narkotikëve”.

Një 49-vjeçar është arrestuar në Vlorë pasi ishte i shpalluar në kërkim. Mësohet se 49-vjeçarit i ishte caktuar masa “arrest me burg” nga Gjykata e Tiranës  për veprën penale ”Prodhimi dhe shitja e narkotikëve”. Ai iu dorëzua shërbimeve të DVP Tiranë për veprimet e mëtejshme proceduriale.

Njoftimi i policisë:

DVP Vlorë/Vijojnë kontrollet intensive në kuadër të megaoperacionit “Sundimi i ligjit”.

Kapet nga Sektori për Hetimin e Narkotikëve në DVP Vlorë një 49-vjeçar i shpallur në kërkim kombëtar nga DVP Tiranë, i akuzuar për veprimtari kriminale në fushën e narkotikëve.

Strukturat e Policisë të DVP Vlorë, në zbatim të masave të hartuara në kuadër të megaoperacionit policor të koduar “Sundimi i ligjit”, bazuar në informacionet e siguruara në rrugë operative, mbi vendndodhjen e një shtetasi në kërkim, kanë intensifikuar kontrollet për kapjen dhe vënien e tij përpara përgjegjësisë ligjore.

Si rezultat i kontrolleve u bë e mundur kapja dhe shoqërimi i shtetasit:

– R. M., alias R. Z., 49 vjeç, lindur në Berat dhe banues në Tiranë, i cili ishte shpallur në kërkim nga DVP Tiranë, pasi Gjykata e Shkallës së Parë e Juridiksionit të Përgjithshëm Tiranë, me vendimin e datës 31.05.2024, i ka caktuar masën e sigurisë ”Arrest në burg”, për veprën penale ”Prodhimi dhe shitja e narkotikëve”.

49-vjeçari iu dorëzua shërbimeve të DVP Tiranë për veprimet e mëtejshme proceduriale. Megaoperacioni “Sundimi i ligjit” vazhdon.

10 shoferë janë arrestuar në Tiranë kësaj jave. Disa prej tyre janë vënë në pranga për drejtimin e mjetit nën ndikimin e alkoolit apo lëndëve narkotike.

Të tjerë për dhënie makine pa leje drejtimi, korrupsion dhe shkelje të rregullave të qarkullimit.

Njoftimi i policisë:

Rezultatet javore të Komisariatit të Policisë Rrugore Tiranë (23.06.2024 – 29.06.2024)

Gjatë javës së fundit, janë zbatuar masa të rrepta në ruajtjen e rendit dhe sigurisë rrugore:

10 Arrestime dhe procedime penale:
4 persona për drejtim mjeti nën ndikimin e alkoolit.
2 persona për pa leje drejtimi.
2 persona për shkelje të rregullave të qarkullimit.
1 person u proceduan  për korupsion aktiv.
1 person për drejtim mjeti nën ndikim e lëndëve narkotike

Masat administrative:
14.785 masa administrative të vendosura, mesatarisht 2,112 në ditë.
57 masa për xhama të zinj.
2.217 masa për shpejtësi mbi normat e lejuara.
528 masa për përdorim celulari gjatë drejtimit.
1.045 masa për mos vendosjen e rripit të sigurimit.
18 masa për mosrespektim të sinjalit “Stop”.
1.330 masa për mosdhënie përparësi qytetarëve.
4.650 masa për qëndrim të gabuar.
970 masa për mospërdorim të kaskës mbrojtëse/jelekut fosforeshent, neni 169.

Pezullime dhe bllokime:
10 raste pezullim për drejtim nën ndikimin e alkoolit.
45 raste për tejkalim shpejtësie.
31 raste të ndryshme 
5 automjete u bllokuan, përfshirë 2 me targa të huaja.