Një ngjarje e rëndë ka ndodhur këtë mëngjes në Limassol, ku biznesmenit qipriot, njëkohësisht president i ekipit të futbollit FC Karmiotissa, Stavros Demosthenous (49 vjeç), është qëlluar me armë zjarri pranë banesës dhe ka ndërruar jetë.

Atentatorët duket se ishin në dijeni të lëvizjeve të biznesmenit, pasi kishin bërë pritë jashtë shtëpisë së tij. Sipas policisë qipriote, autorët e krimit ishin dy persona dhe po udhëtonin me një furgon të vjedhur. Sapo Stavros Demosthenous doli nga dera e banesës, ata e qëlluan.

Ndërkohë djali i biznesmenit e futi në makinë të atin dhe u përpoq ta dërgonte në spital. Megjithatë, gjatë rrugës Stavros Demosthenous vdiq dhe makina ku udhëtonte u përplas me automjete të tjera në autostradë.

Autorët e vrasjes u larguan nga vendi i ngjarjes dhe disa kilometra më larg dogjën furgonin me të cilin udhëtonin. Policia ka nisur kërkimet për të identifikuar autorët, ndërsa dyshohet të kenë qenë vrasës profesionistë me pagesë.

Po shqyrtohet mundësia që vrasja të ketë lidhje me aktivitetin e basteve në ndeshjet e futbollit, pasi FC Karmiotissa ka qenë nën hetim disa herë për trukim ndeshjesh me transmetimin e dosjeve të kuqe nga UEFA.

Elon Musk i është kundërpërgjigjur Donald Trump, pasi ky i fundit u shpreh se është zhgënjyer nga ao. 

Në një postim në platformën X, Musk hodhi një ‘bombë’, ku shkruan “Trump është në listën Epstein. Kjo është arsyeja pse nuk u bënë publike“, tha ai, duke i uruar… mirëmëngjes presidentit amerikan!

Në një tjetër post ai shkruan “Shënojeni këtë post për të ardhmen. E vërteta do të zbulohet.”

Pedofili dhe tutori Jeffrey Epstein kishte shumë lidhje të profilit të lartë, duke përfshirë ish-presidentë amerikanë, kryeministra të huaj dhe Princin Andreë të Britanisë.

Ai njihte gjithashtu yje të Hollivudit, akademikë, njerëz në industrinë e modelimit dhe modës dhe figura të tjera publike.

Presidenti turk Recep Tayyip Erdogan ka mbërritur në Tiranë në kuadër të Samitit të Komunitetit Politik Europian.

Erdogan ka shtrënguar duart me kryeministri Edi Rama, i cili e priste në tapetin e kuq të vendosur në Sheshin Skënderbej.

Presidenti turk më pas është shoqëruar nga kreu i qeverisë deri në vendin ku qendronin mediat.

Por, Erdogan nuk u prononcua për mediat, duke dhënë një koment të shkurtër për miqësinë mes popullit turk dhe Shqipërisë.

Dinamo fitoi Kupën e Shqipërisë, pasi mundi Egnatian. Presidenti i Federatës Shqiptare të Futbollit, Armand Duka nëpërmjet një postimi në rrjetet sociale, bëri urimin e tij për dinamovitët.

Postimi:

Urime Dinamo City për fitimin e Kupës së Shqipërisë! Një ndeshje me emocione, e luftuar, por që në fund do të nxirrte vetëm një fitues. Ky trofe është shpërblim për punën e bërë nga lojtarët, stafi dhe drejtuesit gjatë gjithë sezonit futbollistik. Sezoni nuk ka mbaruar ende, pasi në ditët në vazhdim luhen edhe ndeshjet e Final 4 për titullin kampion dhe uroj që të gjitha skuadrat të japin maksimumin dhe t’u japin emocione tifozëve të tyre në “Arenën Kombëtare”.

Ish-presidenti i Perusë, Ollanta Humala, është shpallur fajtor për pastrim parash dhe është dënuar me 15 vjet burg.

Një gjykatë në kryeqytetin, Lima, tha se Humala kishte pranuar fonde të paligjshme nga kompania braziliane e ndërtimit Odebrecht për të financuar fushatat e tij zgjedhore në 2006 dhe 2011.

Gruaja e tij, Nadine Heredia, e cila bashkëthemeloi Partinë Nacionaliste me Humala, është shpallur gjithashtu fajtore për pastrim parash dhe është dënuar me 15 vjet.

Prokurorët kishin kërkuar që Humala të dënohej me 20 vjet burg dhe Heredia me 26 vjet e gjysmë.

Pas një gjyqi që zgjati më shumë se tre vjet, gjykata dha vendimin e saj të shumëpritur të martën.

Humala mori pjesë personalisht në seancën e dhënies së vendimit, ndërsa gruaja e tij e dëgjoi atë përmes lidhjes video.

Ish-presidenti 62-vjeçar dhe gruaja e tij kishin mohuar çdo akuzë.

Trump ndërpret fondet për transmetuesit ndërkombëtarë të SHBA-së, largon nga puna pa afat stafin e VOA

Presidenti Donald Trump ka ndërmarrë masa të shpejta për të shkurtuar financimin e mediave të financuara nga qeveria, duke vendosur në pushim administrativ me pagesë, pa afat, punonjës të Voice of America (VOA) dhe duke ndërprerë mbështetjen financiare për dy transmetues kryesorë ndërkombëtarë të SHBA-së.

Ky veprim pason një urdhër ekzekutiv që Trump nënshkroi të premten, i cili uli ndjeshëm financimin e U.S. Agency for Global Media (USAGM), organizatës mëmë që mbikëqyr VOA-n, Radio Free Europe/Radio Liberty (RFE/RL) dhe Radio Free Asia (RFA).

Këto media kanë pasur prej kohësh një rol në ofrimin e lajmeve të pavarura për regjime autoritare në vende si Rusia, Ukraina, Kina dhe Koreja e Veriut, por edhe në Shqipëri, raporton noa.al.

Punonjësit e VOA morën email-e nga USAGM, ku u informoheshin se ishin vendosur në pushim administrativ me pagesë, me udhëzimin për të mos hyrë në ambientet e punës ose për të përdorur sistemet e brendshme, derisa të njoftoheshin ndryshe.

Ndërkohë, financimi për Radio Free Europe/Radio Liberty dhe Radio Free Asia është ndërprerë, sipas dokumenteve të siguruara nga agjencia Reuters.

Trump, i cili ishte përplasur me Voice of America gjatë mandatit të tij të parë, e ka zgjedhur ish-prezantuesen e lajmeve, Kari Lake, si drejtoreshën e saj për mandatin e tij të dytë. Lake, një aleate e ngushtë e Trump, shpesh ka akuzuar mediat kryesore për njëanshmëri kundër tij.

Organizata me bazë në Paris, Reporterët pa Kufij, ka dënuar këtë veprim, me drejtorin e saj të përgjithshëm, Thibaut Bruttin, duke thënë se kjo “kërcënon lirinë e shtypit në mbarë botën dhe mohon 80 vjet histori të SHBA-së në mbështetjen e qarkullimit të lirë të informacionit”.

Disa republikanë kanë akuzuar VOA-n dhe media të tjera të financuara nga publiku për njëanshmëri kundër konservatorëve. Muajin e kaluar, miliarderi Elon Musk, i cili po udhëheq përpjekjen për shkurtimin e qeverisë nga Trump, bëri thirrje për mbylljen e VOA-s dhe Radio Free Europe/Radio Liberty, në një postim në platformën e tij sociale X.

Në një fjalim në Conservative Political Action Conference, Lake deklaroi se, ndonëse e kuptonte thirrjen për të shpërbërë plotësisht VOA-n, ajo besonte se mund të përmirësohej. /noa.al

Gjykata e Kasacionit, gjykata më e lartë në Francë, konfirmoi të mërkurën dënimin e ish-presidentit Nicolas Sarkozy për korrupsion dhe ndikim të paligjshëm.

Sarkozy kishte apeluar kundër dënimit të vitit 2021 për korrupsion dhe ndikim të paligjshëm, ku iu dha një dënim me tre vjet burg.

Dy nga këto vite ishin të pezulluara, ndërsa për vitin e fundit Sarkozy do të mbante një byzylyk elektronik në vend që të shkonte në burg.

Avokati i Sarkozy, Patrick Spinozzi, tha se ish-presidenti francez tani do t’i drejtohet Gjykatës Evropiane të të Drejtave të Njeriut.

Sarkozy, një konservator që mbetet një figurë e rëndësishme në politikën franceze edhe pasi la detyrën në vitin 2012, ishte shpallur fajtor nga një gjykatë më e ulët për përpjekjen për të korruptuar një gjyqtar dhe për të ushtruar ndikim të paligjshëm në këmbim të informacionit konfidencial lidhur me një hetim mbi financat e fushatës së tij të vitit 2007.

Gjykata konstatoi se Sarkozy kishte komplotuar për të siguruar një punë në Monako për një gjyqtar në këmbim të informacionit të brendshëm mbi një hetim mbi akuzat se ai kishte pranuar pagesa të paligjshme nga trashëgimtarja e L’Oreal, Liliane Bettencourt.

Gjyqtari, Gilbert Azibert, gjithashtu u shpall fajtor për korrupsion dhe ndikim të paligjshëm.

Sarkozy pritet të dalë në gjyq vitin e ardhshëm për akuza të korrupsionit dhe financimit të paligjshëm në lidhje me financimin e dyshuar libian të fushatës së tij të suksesshme presidenciale të vitit 2007.

Sarkozy i mohon të gjitha akuzat.

Nëse shpallet fajtor në çështjen libiane, Sarkozy mund të përballet me deri në 10 vjet burg.

Paraardhësi i Sarkozy-t, Jacques Chirac, gjithashtu një konservator, është i vetmi president tjetër në historinë moderne franceze që është dënuar nga një gjykatë. Chirac u shpall fajtor për korrupsion në vitin 2011, katër vjet pasi la detyrën.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Milei është aktualisht në Romë për të takuar kryeministrin e Italisë ultra të djathtë, Giorgia Meloni dhe për të marrë pjesë në një festival të organizuar nga partia e saj postfashiste ,Fratelli d’Italia (Vëllezërit e Italisë).

Të dy politikanët ruajnë një marrëdhënie të ngushtë: argjentinasi i dha Melonit një statujë të tij, në lidhje me paraqitjet gjatë fushatës së tij elektorale, në të cilën i vetëshpalluri “anarko-kapitalist” mbante një sharrë elektrike me zinxhir.

Dhënia e nënshtetësisë italiane Mileit, hasi në kritika të ashpra nga opozita.

Ajo foli për një “fyerje” dhe “diskriminim të padurueshëm” ndaj shumë njerëzve, që do të duhej të prisnin gjatë për këtë hap.

Aktualisht, shtetasit e huaj duhet të jetojnë në Itali për dhjetë vjet, përpara se të aplikojnë për natyralizim. Fëmijët e lindur në Itali nga prindër të huaj, nuk mund të aplikojnë për shtetësi deri në moshën 18 vjeç.

Partitë dhe organizatat e opozitës si Oxfam Italia kanë kërkuar tashmë që afati dhjetëvjeçar të shkurtohet në pesë vjet, për të kapur vendet si Britania e Madhe, Franca dhe Gjermania.

Megjithatë, koalicioni qeverisës i Melonit kishte refuzuar lehtësimin e rregulloreve.

Sipas një vendimi të Gjykatës Kushtetuese, një shkallë relativisht e largët marrëdhëniesh mjafton që pasardhësit e emigrantëve italianë të mund të pajisen me pasaportë italiane.

Presidenti izraelit Isaac Herzog ka telefonuar Elon Musk për të diskutuar me të lidhur me rinisjen e bisedimeve për të siguruar lirimin e pengjeve që aktualisht mbahen në Gaza, sipas një burimi të afërt me Presidentin Herzog.

Burimi tha për CNN se presidenti izraelit i bëri telefonatën Elon Musk me kërkesë të anëtarëve të familjarëve së pengjeve, të cilët shpresojnë se Musk do të jetë në gjendje të ushtrojë presion mbi të gjitha palët për të siguruar një marrëveshje.

Komunikimi vjen pasi presidenti i sapozgjedhur Donald Trump, me të cilin Musk është aleat i ngushtë, i cili paralajmëroi të hënën se nëse pengjet që mbahen në Gaza nuk lirohen para se ai të betohet president më 20 janar, situata në Lindjen e Mesme do të “bëhet ferr”.

Një burim i afërt me familjet e pengjeve, i cili foli me Presidentin Herzog tha për CNN:

“Pati një bisedë mes Presidentit dhe disa familjeve të pengjeve, ku një nga temat e diskutuara ishte ndikimi i Trump, dhe emri i Elon Musk një person me ndikim tek Trump. Prandaj, mbajtja e një kanali të hapur me të është e rëndësishme.”

Besohet se janë 100 pengje, të vdekur dhe të gjallë, që mbahen aktualisht në Gaza, 96 prej të cilëve u morën gjatë sulmit të Hamasit në Izrael më 7 tetor të vitit të kaluar.

Kryeministri izraelit Benjamin Netanyahu është nën presion të madh nga familjet e të kapurve për të siguruar lirimin e tyre, por përpjekjet e përsëritura për të arritur një marrëveshje armëpushimi për pengjet kanë dështuar.

Nëntorin e kaluar, Musk udhëtoi në Izrael për të takuar udhëheqësit dhe të afërmit e pengjeve, si pjesë e përpjekjeve të tij për të hequr dorë nga një postim antisemitik në Twitter.

Vizita e Presidentit Joe Biden në Angola, e para nga një president amerikan në këtë vend jugperëndimor të Afrikës, do të përqendrohet rreth një korridori hekurudhor, që do të transportojë minerale nga pjesa qendrore e kontinentit në një port në zhvillim të Angolas. Siç njofton korrespondentja e Zërit të Amerikës Anita Powell, ai gjithashtu do të theksojë nevojën për qëndrueshmëri dhe demokraci për forcimin e rritjes ekonomike të kontinentit.
Presidenti i Angolës është një figurë e njohur në kontinentin e Afrikës, i cili ka përdorur statusin e vendit të tij si një nga prodhuesit e mëdhenj të naftës për të zgjeruar ndikimin dhe për të punuar në zgjidhjen e konflikteve rajonale.

Tani Presidenti Joao Lourenco më 2 dhjetor mirëpret një mik të ri dhe të fuqishëm, Presidentin Joe Biden, që do të jetë vizita e parë e një presidenti amerikan në Angola.
Joe Biden do ta përdorë vizitën për të nxjerrë në pah një projekt të madh zhvillimi të financuar nga Shtetet e Bashkuara, korridorin hekurudhor “Lobito” prej 1300 kilometrash, i cili lidh brendësinë e Afrikës, të pasur me minerale, me portin jugperëndimor. Shtetet e Bashkuara thonë se kanë mbledhur më shumë se 3 miliardë dollarë fonde private dhe publike për investimin amerikan në këtë projekt.

Shtëpia e Bardhë thotë se marrëdhëniet mes dy vendeve po kalojnë një “transformim të vërtetë”, ndërsa Shtetet e Bashkuara dhe Angola po bëhen partnerë gjithnjë e më të ngushtë.
“Së bashku, Shtetet e Bashkuara dhe Angola po punojnë për të trajtuar një spektër të madh sfidash urgjente, nga përmirësimi i infrastrukturës, rritja e mundësive ekonomike dhe zhvillimi i qëndrueshëm në rajon deri tek zgjerimi i teknologjive dhe bashkëpunimi shkencor, forcimi i paqes dhe sigurisë ushqimore”, tha zëdhënësja e Shtëpisë së Bardhë Karine Jean-Pierre .

Disa analistë thonë se ka kaluar shumë kohë që nga premtimi i Presidentit Biden në vitin 2022 për të vizituar Afrikën. Joe
Biden fillimisht kishte planifikuar të vizitonte Angolën në tetor, por uragani “Milton” e detyroi atë të shtynte vizitën.
“Duke marrë parasysh që ajo po bëhet në fund të mandatit të administratës së tij dhe mungesës së shënimit të arritjeve të mëdha nga angazhimi i tij në Afrikë, mendoj se vizita nuk do të bëjë një jehonë të madhe”, thotë Cameron Hudson nga Qendra për Studime Strategjike dhe Ndërkombëtare.

Lourenco dhe Biden nuk janë dakord për gjithçka. Ndërsa mbështetja e zotit Biden për Izraelin është “e hekurt”, pikëpamjet e Angolës mbi këtë çështje përputhen më shumë me ato të vendeve të Amerikës së Jugut, Afrikës dhe Azisë.
“Izraeli ka të drejtë të mbrojë veten dhe të mbrojë jetën e qytetarëve të tij, por e njëjta e drejtë vlen edhe për palestinezët, të cilët kanë jetuar nën pushtim për dekada, një situatë e papranueshme”, tha presidenti i Angolës.

Por një gjë për të cilën ata dhe Kina janë dakord është nevoja urgjente për zhvillimin e Afrikës. Kina ka bërë investime të mëdha në kontinent në kuadër të nismës së saj “Një brez, një rrugë”.
“Gjatë 11 viteve të fundit, ndërmarrjet kineze kanë marrë pjesë në ndërtimin dhe rinovimin e mbi 10,000 kilometrave hekurudhë, afro 100,000 kilometra rrugë, afro një mijë ura, rreth njëqind porte, 66,000 kilometra linja energjetike dhe 150,000 kilometra rrjete komunikimi në vende të ndryshme të Afrikës”, tha Xu Jianping nga Komisioni Kombëtar i Kinës për
Zhvillim dhe Reforma.
Analistët thonë se ky është një pozicionim i mirë i Kinës në kontinentin e Afrikës.
Ndërsa kjo është vizita e parë për Presidentin Biden në brigjet e Afrikës Perëndimore, në një farë mënyre ajo është edhe një kapitull i fundit për të. Ky ka të ngjarë të jetë udhëtimi i tij i fundit jashtë vendit si president i Shteteve të Bashkuara./VOA