Sigurisht ajo do të përformojë në festivalin “Sunny Hill” që zhvillohet në fund të kësaj jave.

Një video të siguruar nga RTV 21, Dua Lipa shihet në momente romantike me të fejuarin e saj.

ifozët e Dritës dhe Kopenhagenit u përfshinë në një sherr para fillimit të ndeshjes në Ligën e Kampioneve. Grupe nga dy tifozëritë rastisën në Prishtinë, ndërsa nuk reaguan mirë.

Për këtë ka pasur të lënduar, ndërsa policia ka ndërhyrë duke arrestuar disa tifozë. Drita dhe Kopenhagen luajnë në stadiumin “Fadil Vokrri” për turin e dytë të Ligës së Kampioneve.

Drita e ka humbur ndeshjen në Danimarkë me rezultatin 2 me 0. Pjesa e parë në Kosovë u mbyll 0 me 1 në favor të miqëve.

Kjo do të jetë përballja e dytë në histori mes dy skuadrave. Në rast eliminimi, kampionët e Kosovës do e vijojnë rrugëtimin në turin e tretë të Ligës së Europës.

Ishte hera e parë që artisti performonte në Prishtinë, dhe momenti nuk kaloi pa emocione.

Gjatë performancës, Gjesti jo vetëm që ndezi atmosferën me energjinë e tij, por në një moment u shfaq i prekur, teksa ndau një mesazh të sinqertë me publikun.

“Është hera e parë që po këndoj në Prishtinë. Kam luftuar shumë për këtë ditë, shumë kam luftuar me mbërri këtu ku jam”.

Fjalët e tij prekëse u pritën me duartrokitje, ndërsa ai vazhdoi me falënderime: “Faleminderit që mi keni hapur dyert, jau ha zemrën të gjithëve”.

Ky moment shënon një hap të rëndësishëm për artistin në karrierën e tij, duke lënë të kuptohet se për të, ky nuk ishte thjesht një koncert, por një ëndërr e realizuar.

KOSOVË- Policia e Kosovës njoftoi se njëmbëdhjetë persona janë arrestuar nën dyshim se kishin ndihmuar kandidatë të pajiseshin me patentë shoferë, në këmbim të përfitimeve materiale.

Policia tha se ka kontrolluar dhjetë lokacione në rajonin e Prishtinës, Gjilanit dhe Gjakovës për këtë rast përfshirë shtëpi private, zyra rajonale të Ministrisë së Mjedisit, Planifikimit Hapësinor dhe biznese me veprimtari të auto-shkollës, më 29 maj.

Sipas Policisë, rasti është hetuar për disa muaj dhe janë siguruar prova se të arrestuarit kanë kryer veprat penale: keqpërdorim i pozitës apo autoritetit zyrtar, pranim të ryshfetit në sektorin privat, ushtrim ndikimi dhe mbajtja në pronësi, kontroll ose posedim të paautorizuar të armëve.

Autoritetet njoftuan se gjatë kontrollit janë sekuestruar prova, përfshirë një pushkë AK47, dy revole, fishekë të kalibrave të ndryshme, para të gatshme (16.145 euro dhe 6660 franga zvicerane), telefona mobilë, kompjuterë, USB dhe dokumente të tjera të rëndësishme për rastin.

Në njoftim tha se të dyshuarit janë dërguar për intervistim dhe me vendim të prokurorit të rastit dhjetë prej tyre janë dërguar në mbajtje për 48 orë, ndërsa një nga të arrestuarit është liruar në procedurë të rregullt.

Edhe në të kaluar, autoritetet kishin arrestuar zyrtarë të Ministrisë së Infrastrukturës për pajisjen e kandidatëve me patentë shoferë në këmbim të përfitimeve materiale./ REL

Një person është gjetur pa shenja jete mëngjesin e sotëm në rrugën “Fan Noli” në Prishtinë.

Lajmin e ka konfirmuar zëdhënësja e policisë, Flora Ahmeti. Ahmeti ka bërë të situr se viktima është shtetas i huaj.

“Rreth orës 10:30, kemi pranuar informatën se një person pa shenja jete është gjetur në rrugën “Fan Noli”. Vdekjen e viktimës (mashkull, shtetas i huaj) e ka konstatuar ekipi mjekësor në vend ngjarje”, tha ajo.

Ahemti ka theksuar se policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore për sqarimin e plotë të rrethanave të rastit.

Mikja e këngëtares ka konfirmuar thashethemet se çifti ndodhet së bashku në Prishtinë.

Ajo ka theksuar se Egli është së bashku me Gjestin në Kosovë dhe për këtë shkuarje të saj ka diçka. Sipas ndjekësve, çifti është duke punuar për projekte të reja që do t’i publikojnë së bashku.

Egli Tako ka befasuar ndjekësit me një postim të fundit nga Prishtina.

Ish-banorja e Big Brother ndau një story në Instagram ku shihet brenda makinës, e shoqëruar me mbishkrimin “Era Prishtinë”, duke lënë të kuptohet se ndodhet në kryeqytetin kosovar.

Në foto, Egli pozon e vetme në sediljen e shoferit, veshur me një stil minimalist por mjaft elegant.

Në dorë mban syzet, por ajo që mungon është çdo detaj mbi arsyen e udhëtimit të saj.

Një zyrtar i Policisë së Kosovës ka humbur jetën sot në kryeqytet, ndërsa dyshohet se ka kryer vetëvrasje.

Lajmin e ka konfirmuar zëdhënës i Policisë për rajonin e Prishtinës, Agron Borovci,i cili njoftoi se rasti ka ndodhur rreth orës 14:45 në rrugën “Ahmet Korenica” në Prishtinë.

Policia si dhe mjekët  kanë konstatuar vdekjen e viktimës, mashkull, 47 vjeç.

Një aksident i gjashtëfishtë ka ndodhur në aksin Prishtinë-Pejë, në fshatin Vragoli të Fushë Kosovës.

Policia ka arritur në vendin e ngjarjes dhe është duke punuar për zbardhjen e shkaqeve të aksidentit.

Sipas informacioneve të para, nuk ka raporte për të plagosur, por vetëm për dëme materiale.

Për shkak të aksidentit është shkaktuar trafik në zonë.

Prishtinë – Një ngjarje e rëndë ka ndodhur mbrëmjen e sotme në lagjen Dardania në Prishtinë, ku janë dëgjuar të shtëna me armë zjarri. Si pasojë e këtij incidenti, një person ka mbetur i plagosur.

Policia e Kosovës ka njoftuar se rreth orës 20:00 ka marrë raport për të shtëna me armë, dhe menjëherë janë dërguar njësitet policore në vendin e ngjarjes për të siguruar zonën dhe për të filluar hetimet.

I plagosuri është dërguar me urgjencë në spital për ndihmë mjekësore, dhe sipas informacioneve paraprake, ai është një taksist.

Autoritetet po punojnë për zbardhjen e plotë të rrethanave të ngjarjes dhe për identifikimin e autorëve të këtij akti të dhunshëm. Hetimet janë në vazhdim dhe priten më shumë informacione për këtë incident të rëndë.