Si pasojë e kalimit të një sistemi frontal nga Italia drejt territorit shqiptar do të kushtëzojë mot të paqëndrueshëm.

Orët e paradites paraqiten me alternime kthjellimesh dhe vranësirash deri mesatare, ku në zonat veriore do të jenë më të dendura duke gjeneruar rrebeshe të izoluara shiu ndërsa orët e pasdites dhe në vijim do të sjellin reshje shiu në të gjithë Ultësirën Perëndimore si edhe reshje dëbore në zonat malore përgjatë shtrirjes Lindore gjatë natës pritet intensifikim i reshjeve në të gjithë territorin e vendit.

Temperaturat e ajrit do të pësojnë rënie në të dy vlerat ekstremale ditore duke u luhatur nga 0°C vlera minimale e shënuar në zonat verilindore deri në 14°C vlera maksimale e cila pritet përgjatë vijës bregdetare.

Era do të fryjë mesatare deri e fortë gjatë gjithë ditës duke arritur shpejtësinë maksimale deri në 55 km/h nga drejtimi Jugor – Jugperëndimor, për pasojë në brigjet detare do të krijohet dallgëzim mbi 4 ballë.

Gjermania pritet të mbajë zgjedhje të reja më 23 shkurt pas arritjes sot të marrëveshjes mes fraksioneve parlamentare të social demokratëve kryesues, dhe grupit kryesor opozitar CDU/CSU.

Data ka nevojë për konfirmim nga presidenti Frank-Walter Steinmeier, por kjo konsiderohet vetëm si një formalitet.

Zgjedhjet pritet të sjellin qartësi mes konflikteve të ndryshme brenda dhe mes partive gjermane, pas prishjes së koalicionit tre-palësh javës që shkoi.

Qeveria ra pasi kancelari social-demokrat Olaf Scholz, shkarkoi ministrin e financave Christian Lindner, i partisë pro-biznes FDP, pas një debati të gjatë për buxhetin e ri.

Kjo bëri që ai të humbiste maxhorancën dhe rrjedhimisht aftësinë për të qeverisur.

Data konsiderohet gjithashtu si një kompromis mes opozitës konservatore që kërkonte votën në janar, dhe grupit te Scholz, që tha se vota në mars do t’i jepte zyrtarëve kohën e duhur për të përgatitur zgjedhjet për 60 milionë votuesit e vendit.

Zhvillimi vjen teksa ekonomia më e madhe e Evropës po tkurret për vitin e dytë radhazi dhe inflacioni ka goditur portofolin e shumë gjermanëve.

Qeveria e re do të duhet të përballet me krizat e inflacionit, përfshirjen në luftën në Ukrainë dhe probleme të mundshme ekonomike me Kinën apo prej ardhjes së Trump në SHBA.

Ashtu siç po ndodh prej disa ditësh tashmë edhe për këtë fundjavë vendi ynë do të ndikohet nga kushte të qëndrueshme atmosferike si rezultat i masave ajrore të thata me origjinë veriperëndimore.

Kjo situatë vjen si pasojë e veprimtarisë së një Anticikloni të zgjeruar që ka përfshirë një pjesë të madhe të Evropës duke sjell mot të kthjellët dhe mjegull të dendur në orët e mëngjesit.

Nga sa u përmend edhe më lartë vendi ynë për këtë fundjavë parashikohet me mot të kthjellët në të gjithë territorin si dhe vranësira fare të pakta kalimtare. Gjithashtu në orët e mbrëmjes dhe mëngjesit parashikohet mjegull e dendur dhe mjegullinë për shkak të lagështirës së lartë në këto orë.

Kreu i ri i KFOR-it pritet të jetë italian, i cili do të zëvendësojë gjeneralin nga Turqia, Ozkan Ulutaş. NATO ka konfirmuar raportet e mediave se kush do të zëvendësojë komandantin aktual të KFOR-it kur të përfundojë mandati i tij.

Gjeneral-major Ozkan Ulutaş do të largohet nga posti i tij më 11 tetor 2024. Ai do të pasohet nga gjeneral-major Enrico Barduani nga Italia, thuhet në njoftim. Emri i Barduanit u lakua që në korrik, kur ministri serb i Mbrojtjes, Bratislav Gashić, u takua me shefin e Shtabit të Përgjithshëm të Forcave të Armatosura italiane, admiralin Giuseppe Cavo Dragone.

Starti i “Euro 2024” po afron, ndaj mediat ndërkombëtare kanë intensifikuar informacionin për 24 finalistët. Nuk bën përjashtim as “Eurosport”, që në venrsionin e vet italisht i kushton një shkrim Shqipërisë, kundërshtares së kampionëve në fuqi të kontinentit në Dortmund, më 15 qershor:

“Një ekip ambicioz, këmbëngulës dhe i përgatitur. Kundërshtari i parë i Italisë në “Euro 2024” është më i vështirë sesa mund të pritet. Kombëtarja e Sylvinho e ka të gjithë potencialin për t’i vënë në vështirësi axurrët e Spallettit. Blloku ‘italian’ i përbërë nga Djimsiti, Ismajli, Asllani, Bajrami, Ramadani, Berisha dhe Kumbulla kryeson një grup të larmishëm dhe cilësor.

Shqipëria është një ‘nëntokë’ që nuk i trembet askujt dhe që, pikërisht nga natyra, mund të krijojë probleme të ndryshme për Italinë, Kroacinë dhe Spanjën. Kjo kombëtare ballkanike mund të konsiderohet zbulim, ndaj si pengesa e parë për italianët në Kampionatin Evropian nuk duhet nënvlerësuar. Bajrami dhe Broja i japin mjaft cilësi Shqipërisë.

RRUGA NË KUALIFIKUESE

Në procesin kualifikues për Kampionatin Evropian të Gjermanisë, Shqipëria dominoi Grupin E (ku përfshihej edhe Republika Çeke, Polonia, Moldavia dhe Ishujt Faroe), duke përfunduar në vendin e parë, së bashku me Çekinë (në fakt, çekët u renditën të dytët për shkak të golaverazhit më të keq se kuqezinjtë, por me pikë të barabarta). Kombëtarja e Sylvinho, në 8 ndeshjet e luajtura në fushatën eliminatore, regjistroi 4 fitore, 3 barazime dhe vetëm një humbje (kundër Polonisë më 27 mars 2023). Përveç rezultateve të shkëlqyera bien në sy të dhënat për golat e pësuar: vetëm Portugalia (2) dhe Franca (3), në fakt, bënë më mirë në këtë drejtim se kundërshtarët e afërt të Italisë në Europian. Kuqezinjtë pësuan vetëm 4 gola, si Anglia, Belgjika dhe Kroacia.

DREJTIMI TEKNIK

CV e konsiderueshme evropiane falë karrierës së tij të gjatë (dhe të suksesshme) si futbollist. Braziliani Sylvinho, midis viteve 1999 dhe 2010, kaloi nëpër disa klube kryesore në kontinentin tonë si Arsenali, Barcelona (e Guardiolës) dhe Manchester City, duke triumfuar gjithashtu dy herë në Ligën e Kampionëve. Në moshën 50-vjeçare, ai konsiderohet një trajner modern dhe i përgatitur, me disa eksperienca të rëndësishme si te Corinthians apo si bashkëpunëtor teknik në Interin e Mancinit (mes viteve 2014 dhe 2016). Në janar 2023, braziliani u bë trajneri i ri i Shqipërisë (duke zënë vendin e Edy Reja). Me “shqiponjat” u kualifikua në finalet e Kampionatit Evropian falë vendit të parë në grupin eliminator. Sylvinho aplikon futboll të ekuilibruar, në të cilin kujdeset shumë për fazën e mbrojtjes, pa mohuar megjithatë agresionin e menjëhershëm, pasi humbet posedimin e topit.

SI LUAN SHQIPËRIA

Shqipëria aplikon formacionin 4-2-3-1, i cili mund të bëhet 4-3-3 në varësi të kundërshtarit dhe pozicioneve të Jasir Asanit e Nedim Bajramit. Këtë të fundit e njohim shumë mirë duke pasur parasysh eksperiencat e tij me Empolin dhe Sassuolo. Referenca qendrore përpara, qoftë Broja apo Manaj, është gjithmonë aty, ashtu si edhe linja mbrojtëse me katër lojtarë, e drejtuar nga mbrojtësi i Atalantës, Berat Dijmsiti.

YLLI I RI

Kushtojini vëmendje sulmuesit Armando Broja, i cili pas një mungese gati 2-vjeçare për shkak të dëmtimit, po i afrohet Kampionatit Europian me një formë të shkëlqyer dhe besim të ri. Lojtari i Fulham, i lindur në vitin 2001 (i huazuar nga Chelsea) hapi rezultatin në miqësoren kundër Lihtenshtajnit më 3 qershor, e fituar 3-0 nga “shqiponjat”. Më në fund duket se i ka lënë pas problemet e tij fizike. Ka interes nga disa klube të mëdha evropiane për 22-vjeçarin e lindur në Slough, i cili do t’iu thotë lamtumirë bluve të Londrës. Kompeticioni kontinental mund të bëhet vitrinë klasike për t’u dukur edhe më shumë. Ai gjuan me të majtën dhe të djathtën, di të lëvizë dhe të luajë me topin. Quajeni yllin e ri të kombëtares shqiptare.

GJYKIMI / PARASHIKIMI GLOBAL

Shqipëria nuk duhet nënvlerësuar. Ka individualitet të mirë, mburret me një trajner të përgatitur dhe ambicioz dhe nuk është në Kampionatin e parë Evropian, duke qenë se në vitin 2016, në Francë, pati pjesëmarrjen e parë historike (vendi i tretë në grup pas Francës nikoqire dhe Zvicrës). Me pak fjalë, grupi me Italinë, Spanjën dhe Kroacinë mund të duket si i “ferrit”, por për asnjërin prej të treve nuk do të jetë e lehtë ta mundë këtë Shqipëri. Kombëtarja e Sylvinho nuk është aspak një “viktimë” sakrifikuese, kalimi i fazës së grupeve nuk përfaqëson një objektiv të pamundur”.

Pak ditë më parë, më 21 mars ndodhi ekuinoksi i pranverës, i cili solli shumë tension dhe lëvizje në aspektin emocional. Astrologët thonë se efektet e ndryshimeve planetare reflektohen në dhimbje koke, probleme me shikimin, tension në trup dhe probleme me gjumin.

E gjithë faza thuhet se ka nisur me Hënën e plotë më 25 shkurt dhe purifikimi vazhdon ende deri më 25 mars kur kemi Hënën e plotë të radhës.

Kjo Hënë e plotë do t’ju ndihmojë t’i jepni fund disa raporteve, apo të shihni më qartë disa situata të tjera.

Nga shoqëritë deri te dashuria, kjo fazë do t’ju ndihmojë për mos u kthyer më pas.

25 marsi do sjellë inat dhe nerva për disa, por çlirim dhe rehati për të tjerë. Hëna e plotë është në Peshore, ndërkohë Dielli është në Dash.

Ekspertët thonë se tani e mbrapa do ngjallen frikëra të vjetra, por njëkohësisht do të manifestohet largimi nga këto ndjesi për të ecur para.

Mos harro që energjia do shtohet ditët në vazhdim dhe duhet të jesh vigjilent/e për ndjesitë e tua dhe reagimet ndaj të tjerëve.