Elbasan, 13 maj 2025 – Një ngjarje e rëndë është regjistruar në një nga gjimnazet e qytetit të Elbasanit, ku një mësuese është ofenduar publikisht nga një prind nxënësi.

Sipas informacioneve zyrtare, shtetasja A. K., 56 vjeçe, mësuese me përvojë në arsimin parauniversitar, ka kallëzuar në Komisariatin e Policisë së Elbasanit se është fyer dhe denigruar verbalish nga P. B., 67 vjeç, i cili është prind i një prej nxënësve të saj. Ngjarja dyshohet se ka ndodhur brenda ambienteve të shkollës, pas një mosmarrëveshjeje lidhur me vlerësimin e fëmijës së tij.

Pas kallëzimit të bërë nga mësuesja, policia ka referuar menjëherë materialet në Prokurorinë pranë Gjykatës së Shkallës së Parë të Juridiksionit të Përgjithshëm Elbasan, ku ka nisur procedimi penal për prindin P. B., i cili do të përballet me akuzën e fyerjes për shkak të detyrës, e parashikuar nga Kodi Penal.

Agjencia e Mbikëqyrjes Policore (AMP) në rajonin Elbasan-Korçë ka ekzekutuar vendimin e Gjykatës së Shkallës së Parë të Juridiksionit të Përgjithshëm Elbasan, e cila ka caktuar masën e sigurimit personal ndaj punonjësit të policisë, Nënkomisar G. C., 31 vjeç, specialist në Seksionin për Hetimin e Krimeve në Volum në Komisariatin e Policisë Gramsh.

Masa e sigurimit përfshin “Ndalimin e daljes jashtë shtetit” dhe “Pezullimin e ushtrimit të një detyre a shërbimi publik” ndaj Nënkomisarit, i dyshuar për veprën penale “Vjedhja e kryer duke shpërdoruar detyrën”.

Hetimet e kryera nga Agjencia e Mbikëqyrjes Policore kanë grumbulluar fakte dhe prova të mjaftueshme që krijojnë dyshimin se ky punonjës i policisë ka shpërdoruar detyrën duke vjedhur sendet personale të një shtetasi të ndaluar/arrestuar.

Ky vendim i gjykatës dhe veprimet e AMP janë pjesë e angazhimit të vazhdueshëm për të siguruar profesionalizmin dhe transparencën në radhët e policisë, si dhe për të garantuar respektimin e ligjit dhe të drejtave të qytetarëve.

Procedohet penalisht inspektori i drejtorisë së bujqësisë dhe administrimit të ujrave dhe kullotave në bashkinë e Dibrës, Halil Kurti. Ai akuzohet për shpërdorim detyre pasi dyshohet se ka lejuar banorë të zonës të prisnin lëndë drusore në mënyrë të paligjshme dhe nuk informoi strukturat e Policisë.

“Komisariati i Policisë Dibër, referoi materialet në Prokurori për veprën penale “Shpërdorimi i detyrës”, në ngarkim të shtetasit H.K., 58 vjeç, banues në fshatin Selishtë, Dibër, me detyrë Inspektor në Drejtorinë e bujqësisë administrimit të ujrave dhe kullotave në bashkinë Dibër. Nga hetimet e kryera ka rezultuar se ky shtetas duke mos ushtruar kompetencat ligjore që ligji e ngarkon me përgjegjësi, nuk ka informuar strukturat e policisë por ka lejuar dy banorë në zonën e tij pyjore, në vendin e quajtur, “Liqeni i Bataçes”, në fshatin Kacni, të prisnin pa leje 150 pemë ahu, dhe 25m³ lëndë drusore”, njoftoi policia.

Njoftimi nga Policia

Lejoi banorë të zonës të prisnin lëndë drusore në mënyrë të paligjshme dhe nuk informoi strukturat e Policisë, nis hetimi penal për Inspektorin e Drejtorisë së bujqësisë administrimit të ujrave dhe kullotave në bashkinë Dibër.

Komisariati i Policisë Dibër, referoi materialet në Prokurori për veprën penale “Shpërdorimi i detyrës”, në ngarkim të shtetasit H.K., 58 vjeç, banues në fshatin Selishtë, Dibër, me detyrë Inspektor në Drejtorinë e bujqësisë administrimit të ujrave dhe kullotave në bashkinë Dibër. Nga hetimet e kryera ka rezultuar se ky shtetas duke mos ushtruar kompetencat ligjore që ligji e ngarkon me përgjegjësi, nuk ka informuar strukturat e policisë por ka lejuar dy banorë në zonën e tij pyjore, në vendin e quajtur, “Liqeni i Bataçes”, në fshatin Kacni, të prisnin pa leje 150 pemë ahu, dhe 25m³ lëndë drusore.

Vijojnë hetimet e thelluara për dokumentimin e kësaj veprimtarie kriminale në dëm të mjedisit, identifikimin dhe kapjen e autorëve përgjegjës.

Një 33-vjeçar, banues në Fier, iu gjet dhe iu sekuestrua një sasi e vogël lënde e dyshuar narkotike cannabis sativa, dhe si pasojë nisi procedimi në gjendje të lirë për shtetasin me inicialet E.A.

Njoftimi i policisë:

Specialistët për Hetimin e Narkotikëve të DVP Fier referuan materialet në Prokurori, ku nisi procedimi në gjendje të lirë për shtetasin E. A., 33 vjeç, banues në Fier, pasi gjatë kontrollit fizik, iu gjet dhe iu sekuestrua një sasi e vogël lënde e dyshuar narkotike cannabis sativa.

Policia rrugore arrestoi në flagrancë shtetasin K. D., 26 vjeç, pasi mbrëmjen e djeshme, në autostradën “Tiranë-Elbasan”, automjeti që drejtonte ky shtetas, në gjendje të dehur, është përplasur me mbrojtësen metalike në anë të rrugës.

Ndaj 26-vjeçarit ka nisur procedimi në gjendje të lirë.

DVP Elbasan raporton dhe për disa vepra penale të ndryshme.

Njoftimi i Policisë:

DVP Elbasan/Vihen në pranga 2 shtetas dhe procedohen në gjendje të lirë 5 të tjerë, për vepra penale të ndryshme.

Specialistët për Hetimin e Krimeve të Komisariatit të Policisë Elbasan, në bashkëpunim me shërbimet e Forcës së Posaçme “Shqiponja”, arrestuan në flagrancë shtetasin T. B., 35 vjeç, banues në Elbasan, pasi gjatë kontrollit në automjetin që drejtonte ky shtetas, u gjetë 1 armë që shërben për peshkim, të cilën ky shtetas e mbante pa leje.

Specialistët e Sektorit të Qarkullimit Rrugor arrestuan në flagrancë shtetasin K. D., 26 vjeç, banues në Tiranë, pasi mbrëmjen e djeshme, në autostradën “Tiranë-Elbasan”, automjeti që drejtonte ky shtetas, në gjendje të dehur, është përplasur me mbrojtësen metalike në anë të rrugës. Nga përplasja ka patur vetëm dëme materiale.

Po këta specialistë referuan materialet në Prokurori ku nisi procedimi në gjendje të lirë për shtetasit:

-N. P., 66 vjeç dhe E. Ç., 35 vjeç, të dy banues në Peqin, pasi ditën e djeshme, automjetet që drejtonin këta shtetas, janë përplasur në aksin rrugor “Peqin-Pajovë”. Si pasojë, janë dëmtuar lehtë të dy shtetasit;

-P. D., 28 vjeçe, banuese në Elbasan, pasi mesditën e djeshme, në lagjen “Haxhias”, automjeti që drejtonte kjo shtetase, në gjendje të dehur, ka përplasur automjetin me drejtues shtetasin A. A., 37 vjeç, banues në Belsh. Si pasojë janë dëmtuar lehtë 2 pasagjere në automjetin që drejtonte 37-vjeçari.

Specialistët për Hetimin e Narkotikëve të DVP Elbasan referuan materialet në Prokurori, ku nisi procedimi në gjendje të lirë për shtetasin M. Sh., 23 vjeç, banues në Elbasan, pasi gjatë kontrollit fizik, shërbimet e Forcës së Posaçme “Shqiponja”, i gjetën një sasi të vogël lënde të dyshuar narkotike cannabis sativa, e cila iu sekuestrua në cilësinë e provës materiale.

Specialistët për Hetimin e Krimeve të Komisariatit të Policisë Elbasan referuan materialet në Prokurori, ku nisi procedimi në gjendje të lirë për shtetasin E. L., 63 vjeç, pasi është shfaqur në një video në rrjete sociale, duke keqtrajtuar një qen.

Rreth orës 17:00 , në Komisariatin e Policisë Peqin ka kallëzuar shtetasi E. H., 56 vjeç, banues në Durrës, se pasditën e djeshme, vajza e tij, shtetasja A. G., 29 vjeçe, banuese në Peqin, ka dalë nga banesa dhe nuk është kthyer më. Vijon puna për gjetjen e saj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.