Ashtu siç ishte paralajmëruar, Partia Demokratike po zhvillon protestë përpara parlamentit të Shqipërisë.

Protesta mbahet kundër miratimit të projekt-buxhetit të vitit 2025 në parlament.

Në protestë janë të pranishëm anëtarët e degëve të Partisë Demokratike në Tiranë.

Në tubim kanë qenë të pranishëm edhe shumë pensionistë, duke kërkuar që pensionet të rriten me 20 përqind. Siç shihet në foto, ata mbajnë çadra në duar, pasi bien reshje shiu.

Opozita është kundër miratimit të projekt-buxhetit, duke e konsideruar atë “antisocial”.

Aksioni opozitar ditën e sotme është përshkallëzuar, ku në disa momente pati edhe përplasje me policinë.
Pas këtij akti, protestuesit kanë djegur disa goma dhe koshat e mbeturinave. Është dashur ndërhyrja e policisë për të fikuar flakët.

Protestuesit të cilët janë mbledhur në rrethrrotullimin e Levanit, kanë marr edhe disa pankarta. Siç shihet në foto protestuesit e kanë vendosu pankartën në pjesën e përparme të një automjeti, ku shkruhet ‘Poshtë diktatura’.
Gjithashtu ato kanë vendosur edhe një flamur kombëtar. Rrethrrotullimi i Levanit, është një nga gjashtë pikat e akseve rrugore ku do të protestohet.

Izraelitët dolën të shtunën në mbrëmje në rrugët e vendit për të shprehur keqardhjen dhe zemërimin e tyre pas gjetjes së trupave të 6 pengjeve në Gazë. Ata thërrisnin “ Tani tani” ndërsa i kërkonin Kryeministrit Benjamin Netanyahu të arrijë një marrëveshje armëpushimi në mënyrë që pengjet e mbetur në Gazë, të kthehen të gjallë në shtëpitë e tyre.

Protestat po shënojnë një nga thirrjet më të forta deri tani për kryeministrin izraelit, që të nënshkruajë një armëpushim. Sindikata më e madhe e Izraelit, Hisdraut ka thirrur të hënën një grevë të përgjithshme, duke shtuar më tej trysninë ndaj qeverisë. Greva pritet të prekë sektorët kryesorë të ekonomisë, përfshirë bankat, spitalet dhe aeroportin kryesor të vendit. Kjo do të ishte greva e parë e përgjithshme që nga sulmi i Hamasit më 7 tetor. Në protestat e së shtunës pritej të merrnin pjesë dhjetra mijëra izraelite.

Shumë prej tyre fajësojnë zotin Netanyahu se ka dështuar të arrijë armëpushim pas rreth 11 muajsh luftime.
Negociatat për një marrëveshje të tillë janë zvarritur për muaj të tërë. Ushtria izraelite ka pranuar vështirësitë për shpëtimin e pengjeve të mbetura dhe ka thënë se marrëveshja është rruga e vetme për të bërë të mundur rikthimin e pengjeve në shkaëë të gjërë.

“Po qaj se më vjen keq si njeri”, tha në protestues që u identifikua si Amos, i cili ishte mes mijëra protestuesve që ishin mbledhur jashtë zyrës së kryeministrit Netanyahu, në Jeruzalem.

Ushtria tha se 6 pengjet ishin vrarë pak para se të mbërrinin forcat izraelite. Ata ishin Carmel Gat, Hersh Goldberg-Polin, Eden Yerushalmi, Alexander Lobanov, Almog Sarusi dhe Ori Danino.

Fushata e vaksinimit kundër poliomielitit

Autoritetet shëndetësore palestineze dhe Organizata e Kombeve të Bashkuara kanë nisur një fushatë të gjerë vaksinimi kundër poliomielitit në Rripin e Gazës.
Fushata e udhëhequr nga OKB-ja në koordinim me zyrtarët shëndetësorë të Gazës, synon të vaksinojë rreth 640 mijë fëmijë në Rripin e Gazës, pasi Izraeli dhe Hamasi ranë dakord për ndërprerje të shkurtra luftimesh, për të lejuar fushatën e vaksinimit.

Organizata Botërore e Shëndetësisë (OBSH) konfirmoi muajin e kaluar se një fëmijë më pak se 1 vjeç ishte paralizuar pjesërisht nga virusi i poliomielitit, rasti i parë i tillë në territor pas 25 vjetësh. Fushata e vaksinimit përballet me sfida të shumta, nga fakti që luftimet vazhdojnë, tek rrugët e shkatërruara dhe deri tek spitalet që janë mbyllur si pasojë e konfliktit.

Rreth 90 për qind e popullsisë së Gazës është zhvendosur dhe qindra mijëra vetë janë grumbulluar nëpër tenda. Muajin e kaluar Izraeli lejoi hyrjen në territor të 1.3 milionë dozave të vaksinës kundër poliomielitit, të cilat po ruhen në Deri al-Balahj. Një sasi prej 400 mijë dozash pritet të dërgohet në Gazë së shpejti./ VOA

Një stacion policie u plaçkit dhe u dogj ndërsa protestuesit u përleshën me policinë në Sunderland gjatë një demonstrate të lidhur me sulmin me thikë që si autor të dyshuar kishte një 17-vjeçar. Ngjarja ndodhi në Southport të hënën e kaluar.

Qindra njerëz dolën në rrugë për një ditë tjetër protestash në Britani pasi tre vajza u vranë në një klasë kërcimi me temë Taylor Swift në Southport, por nuk u desh shumë që situata të dilte jashtë kontrollit. Protestuesit përmbysën një makinë përpara se t’i vunë flakën në qendër të qytetit Sunderland, ndërsa të tjerët sulmuan policinë e armatosur.

Stacioni i policisë në Sunderland në Waterloo Place u plaçkit dhe u dogj. Policia që merret me trazirat në Sunderland po përballet me “abuzime të rënda”, ka thënë Policia e Northumbria. “Skenat që po shohim janë krejtësisht të papranueshme dhe nuk do të tolerohen. Garantimi i sigurisë së publikut është prioriteti ynë më i lartë”, thanë autoritetet, ndërsa sekretarja britanike e Brendshme Yvette Cooper theksoi se kriminelët që shkaktojnë telashe në Sunderland do të paguajnë, duke vënë në dukje se policia kishte mbështetjen e qeverisë për të marrë masat më të forta të mundshme.

Ashtu si edhe në protestat e tjera, mbështetës të opozitës, i kanë vënë zjarrin disa gomave që ishin vendosur në sheshin para Bashkisë.

Tashmë djegia e gomave është kthyer në një ritual të zakonshëm para Bashkisë, sa herë që protestohet dhe kërkohet dorëheqja e Erion Veliajt si Kryebashkiak.

Me një skenar të njëjtë, një i ri fillimisht ka hedhur benzinë mbi gomat dhe më pas i është vënë flaka.

Ditën e sotme opozita ka organizuar një protestë para Bashkisë Tiranë. Sërish opozita këtë herë ka vepruar njësoj me të njëjtin skenar si herët e tjera.

Ata kanë hedhur molotov drejt godinës, ndërsa mbanin flamujt e PD, tymuese me ngjyra dhe fishekzjarrë.

Këtë herë policia ka vendosur mos të marrë të njëjtat masa, duke mos bllokuar me gardh metalik bashkinë.

TIRANË- Protesta e sotme e opozitës para Kuvendit ka nisur me tensione. Që nga grumbullimi i protestuesve e deri në këto momente protestuesit kanë tentuar herë pas herë të thyejnë kordorin e policisë të cilët kanë rrethuar Kuvendit.

Policët kanë dalë para Kuvendit prej disa orësh në temperatura të larta dhe janë përballur me protestuesit të cilët kanë tentuar të futen drejt objektit. Protestuesit gjithashtu i kanë qëlluar me vezë dhe fruta dhe në një situatë të tillë një nga efektivët nuk është ndjerë mire.

Nga pamjet e publikuara nga vendi i ngjarjes bëhët me dije se protestuesit kanë ndihumar efektivin. Nga fotot e publikuara duket një protestues i cili e ndihmon policin të heqë skafandën dhe më pas i jep ujë.

Protesta e opozitës para bashkisë së Tiranës ka hasur probleme për shkak se është ndërprerë energjia elektrike. Kjo ka bërë që fonia të mos punojë dhe qytetarët të mos mbajnë dot fjalimet e tyre. Ndërkohë që pas ndërprerjes së energjisë, qytetarët kanë hedhur flakadanë drejt godinës, duke bërë që situata të agravohet.

Qytetarët u mblodhën ditën e sotme në protestë në orën 11:00 ndërsa kërkuan largimin nga detyra të kryebashkiakut Erjon Veliaj. Protesta e sotme ashtu si protestat e kaluara u shoqërua me disa incidente ndëra qytetarët kanë hedhur bomba molotov drejt bashkisë. Këshilltarët e opozitës dhe qytetarëve tentuan disa herë për tu futur brenda objektit të bashkisë ndërsa më pas shkulen edhe gardhin metalik.