Vëllai i deputetit të PS, Saimir Hasalla është shoqëruar nga policia e Elbasanit ditën e sotme (21 Korrik).

Raportohet se Denis Hasallës, i cili mban postin e Drejtorit të Kabinetit në Bashkinë Peqin iu janë gjetur në banesën 30 fishekë dhe u vendos në prangat e policiasë.

“Strukturat për Hetimin e Krimeve të Drejtorisë Vendore të Policisë Elbasan ekzekutuan vendimin e Gjykatës së Shkallës së Parë të Juridiksionit të Përgjithshëm Elbasan, për lejimin e kontrollit në disa banesa, në kuadër të një procedimi penal të vitit 2024.

Në vijim të veprimeve u bë arrestimi i: D. H., 35 vjeç, pasi gjatë kontrollit në banesën e tij u gjet një sasi municioni luftarak”, njoftoi policia.

Municioni luftarak u zbulua në shtëpinë e vëllait të deputetit socialist gjatë kontrolleve në kuadër të hetimeve për çështjen e inceneratorit të Elbasanit.

Me urdhër të prokurorisë dhe në zbatim të vendimit të Gjykatës së Elbasanit, janë ushtruar gjatë mëngjesit të sotëm 14 kontrolle në banesa të zyrtarëve, përfshirë edhe administratorin e kompanisë koncesionare “ECO-ELB”, Leli Kraja.

Në fokus të hetimeve janë gjithashtu disa zëvendëskryetarë bashkish të qarkut Elbasan, si dhe drejtorë juridikë dhe të Financave, të cilët dyshohet se kanë pasur rol aktiv në marrëdhëniet institucionale dhe financiare me kompaninë që menaxhon mbetjet urbane.

Kontrollet zhvillohen në një moment kur Prokuroria ka përfunduar fazën e marrjes në pyetje të 43 personave, të cilët janë thirrur për të dhënë shpjegime lidhur me funksionimin dhe menaxhimin financiar të inceneratorit.

Hetimi është regjistruar për veprat penale të “Shpërdorimit të detyrës” dhe “Keqmenaxhimit të mbetjeve”, ndërsa burime pranë Policisë së Elbasanit bëjnë me dije se hetimi ka avancuar ndjeshëm.

Pritet që në ditët në vijim të ketë masa sigurie ndaj disa zyrtarëve lokalë, për shkak të dyshimeve për abuzim me fonde publike në bashkëpunim me kompaninë “ECO-ELB”.

Ka vijuar sot, më 1 korrik 2025, dita e dytë e procesit të rinumërimit të votave për qarkun e Fierit.

Deri më tani janë numëruar mbi 74% e kutive të votimit.

Nga rinumërimi i tyre, ka dalë rezultati se Partia Demokratike – Aleanca Për Shqipërinë Madhështore dhe koalicioni “Nisma Shqipëria Bëhet”, kanë humbur më shumë vota se sa Partia Socialiste.

Kjo e fundit sakaq, ka shtuar votat.

Kështu, PD-ja ka humbur deri më tani 108 vota.

Nga ana tjetër, “Shqipëria Bëhet”, e cila ishte dhe partia që kërkonte rinumërimin në qarkun e Fierit, ka humbur nëntë vota.

Ndërkohë, PS ka shtuar 12 vota.

Procesi i numërimit të votave të Diasporës vijon, me theks të veçantë te ato të ardhura nga Greqia. Deri më tani, Partia Socialiste ka fituar një avantazh të konsiderueshëm ndaj Partisë Demokratike, me mbi 47 mijë vota më shumë nga jashtë vendit.

Në qarkun e Lezhës, votat e ardhura nga Greqia kanë ngushtuar ndjeshëm diferencën mes PD-së, e cila aktualisht mban 4 mandate, dhe PS-së me 3 mandate. Kjo ka shtyrë Partinë Demokratike të kërkojë rinumërimin e votave, duke shprehur kundërshtime për rezultatin e shpallur.

Ndërkohë, Koalicioni “Nisma Shqipëria Bëhet” renditet në vendin e tretë, ndërsa subjektet e tjera politike kanë marrë përqindje dukshëm më të ulëta.

Deri më tani janë numëruar 162,788 zarfe nga gjithsej 195,007 që pritet të përpunohen. Numërimi i votave nga Greqia nisi në mëngjesin e së shtunës, pas vendimit të kryekomisionerit Ilirjan Celibashi, pasi procesi kishte mbetur i pezulluar që nga e diela për shkak të pretendimeve të PD-së për manipulime.

Pavarësisht se PD ka komisionerë që ndjekin nga afër procesin, partia ka deklaruar se do të kontestojë votat nga Greqia dhe do të kërkojë që ato të mos përfshihen në rezultatin përfundimtar.

Në Qendrën e Posaçme të Votimit pranë Institucionit të Ekzekutimit të Vendimeve Penale (IEVP), Partia Socialiste ka dominuar me 107 vota, që përbëjnë 82%, duke konfirmuar një mbështetje masive edhe në këtë segment të elektoratit.

PD ka marrë vetëm 19 vota, ose 14% të totalit të votave të vlefshme. 6 vota kanë shkuar për parti të tjera, ndërsa janë regjistruar 10 vota të pavlefshme. Tradicionalisht, jo vetëm në vendin tonë, por edhe në shtetet perëndimore, në përgjithësi të burgosurit apo të paraburgosurit votojnë për opozitën. Një rezultat që nuk mund të shpjegohet.

Elbasani, një zonë tradicionalisht e rëndësishme në zgjedhje, duket se vazhdon t’i japë përparësi mazhorancës në pushtet.

Ka përfunduar pas thuajse 7 orësh mbledhja e kryeministrit Edi Rama me ministrat dhe drejtuesit politikë të qarqeve.

Në 7 orë diskutime që shoqëruan takimin mes shefit të qeverisë dhe ministrave e drejtuesve politikë të PS, që u mbajt në Pallatin e Brigadave, është diskutuar edhe për listën e kandidatëve për deputetë në zgjedhjet e 11 majit.

Drejtuesit politik i kanë dorëzuar listat paraprake te kreu i PS.

Takimet janë zhvilluar “kokë më kokë” mes Ramës dhe çdo drejtuesi politik sa i përket emrave për deputet në çdo qark.

Mësohet se vetë kryeministri Rama mund të garojë në Tiranë, ashtu siç edhe ai ka deklaruar pak ditë pasi kryebashkiaku Erion Veliaj përfundoi pas hekurave.

Skenari është që Edi Rama të jetë në listën e hapur të kryeqytetit, çka do t’i krijonte kreut të PS hapësirë për të kërkuar dhe marrë sa më shumë vota.

Referuar listës së Tiranës, ashtu siç deklaroi sot vetë Rama, do të ketë më shumë gra në listën e sigurt sesa burra. Ndërsa vetë Rama dhe deputetët e ashtuquajtur “veteranë”, me më shumë se një mandat nuk do të jenë në listë të sigurt.

Sakaq drejtuesit politik do të jenë në listën e mbyllur, por edhe disa nga ministrat si në Tiranë, Elbasan dhe Vlorë.

Ndërkohë do të ketë kryebashkiakë që do të lënë postet e tyre për të hyrë në Parlament.

Kryetari i Bashkisë së Beratit, Ervin Demo, i cili është edhe drejtues politik i qarkut ka shprehur interesin për të qenë në listën e kandidatëve për deputet. Po ashtu një vend në listë e kanë kërkuar edhe kryebashkiakja e Dimalit, Juliana Mema, kreu i bashkisë së Tepelenës, Tërmet Peçi dhe kryetari i bashkisë së Matit, Agron Malaj.

Gazetarja Klodiana Lala e ftuar në një emision televiziv, duke komentuar zhvillimet lidhur me çështjen e kryebashkiakut të Tiranës, Erion Veliaj, foli edhe për deputeten e PS-së, Klotilda Bushka, e cila u paraqit sot në SPAK. Lala tha se ajo ka dhënë shpjegime si person nën hetim, për dyshimet se ka intimiduar një dëshmitare në çështjen ndaj Veliajt.

“Deputetja e Partisë Socialiste dhe kryetarja e Komisionit të Ligjeve, Klotilda Bushka, është paraqitur në Prokurorinë e Posaçme për të dhënë shpjegime si person nën hetim dhe jo thjesht si person në dijeni.

Sipas burimeve, Bushka ka qenë e shoqëruar nga avokati Enrik Ligori dhe është marrë në pyetje për dyshimet se ka intimiduar një dëshmitare në çështjen ndaj kryebashkiakut të Tiranës, Erion Veliaj. Prokuroria dyshon se ajo ka ndikuar në mënyrën se si dëshmitarja do të dëshmonte në SPAK.

Ka dyshime të arsyeshme sipas prokurorëve që kompani të kontrolluara nga Ajola Xoxa kanë marrë fonde. Po ta shikosh me kujdes hetimet, rezulton edhe një fond i Bashkimit Europian, pra fonde që janë përfituar nga kompanitë e lidhura me Ajola Xoxën.

Përveç fondeve që kanë të bëjnë me Shtetet e Bashkuara të Amerikës, janë edhe fonde të Bashkimit Europian që janë marrë në bashki të tjera, siç është rasti pranë Bashkisë së Fierit. Ky është një hetim, ose më saktë, një verifikim që po kryhet aktualisht nga prokurorët e posaçëm.”- tha Lala.

Drejtuesit aktualë politikë të cilët do të punojnë për t’i sjellë fitoren socialistëve, do të jenë në listat e mbyllura duke siguruar një vend të sigurt në garën elektorale të 11 majit. Përvec 4 kryebashkiakëve, thonë se 11 drejtuesit e fushatës në qarqe do të bëjnë përjashtim nga deputetët me më shumë se dy mandate, për të cilët siç kryeministri Edi Rama ka deklaruar më herët, do të jenë në listën e hapur duke luftuar për një ulëse në parlament.

Nga 8 shtatori kur Rama prezantoi se cilët do të ishin ekipi që do të mbante peshën elektorale për zgjedhje, lista ka pësuar rrugës disa ndryshime. Ndryshe nga zgjedhjet e kaluara, peshën për qarkun më të rëndësishëm të vendit, Tiranën, Rama nuk ia la vetëm Erion Veliajt. Punën organizative të strukturave në bashkinë Tiranë ia caktoi Ogerta Manastirliut, ndërsa për 4 bashki të qarkut, Kavajën, Vorën, Rrogozhinën e Kamzën, zgjodhi Elisa Spiropalin.

Ndonëse kjo ndarje për kryeqytetin u duk e mjaftueshme, rrugës Rama vendosi ta blindojë me përforcime. Fillimisht largoi Blendi Gonxhen nga drejtimi politik i Dibrës dhe i ngarkoi atij specifikisht njësinë 6 në kryeqytet, zonën e Kombinatit. Vitin e nisi më një tjetër ndryshim, largoi Pandeli Majkon nga drejtimi i Kukësit dhe e dërgoi për mbështetje në Kavajë, zonë jo fort komode për socialistët që në 2023-shin humbën dhe bashkia drejtohet tashmë nga një demokrat. Pas largimit të Majkos, Kukësin do ta drejtojë Eduart Shalsi, ndërsa Dibrën Blendi Klosi.

Ministri i Brendshëm Ervin Hoxha, ndër të paktët ministra ende të paangazhuar do të mbulojë në kryeqytet njësinë nr1.

Përforcimet Rama nuk i shtoi vetëm në Tiranë, por edhe Belinda Ballukut në Fier i çoi ministrin e Financave Petrit Malaj, i cili ka nisur angazhimin në Lushnje. Ndërsa Bledi Çuçit që drejton qarkun e Vlorës, i çoi për suport Ministrin e Mbrojtjes Pirro Vëngun, bashkë me Anila Denajn që do të mbulojë Sarandën.

Shkodra, Durrësi dhe Berati do të drejtohen nga kryetarët e bashkive që e njohin mirë terrenin, Benet Beci, Emiriana Sako dhe Ervin Demo.

Ndërsa qarqet e tjera deri më tani nuk janë prekur nga ndryshimet, me ministrat Manja në Lezhë, Kumbaro në Gjirokastër, Mazniku në Elbasan Niko dhe kreu i grupit Peleshi në Korçë.

Përforcime Rama ka dërguar edhe në diasporë, ku përveç Taulant Ballës të cilin e ka caktuar përgjegjës për diasporën, ka angazhuar edhe disa prej drejtuesve të tjerë politikë.

Drejtuesit politikë të PS në qarqe Tiranë 1-Erion Veliaj 2-Ogerta Manastirliu 3-Elisa Spiropali Durrës Emirjana Sako Elbasan Arbian Mazniku Shkodër Benet Beci Dibër Blendi Klosi Kukës Eduart Shalsi Lezhë Ulsi Manja Fier Belinda Balluku Berat Ervin Demo Vlorë Bledi Çuçi Gjirokastër Mirela Kumbaro Korçë Niko Peleshi Diaspora Taulant Balla.

Jurgis Çyrbja është marrë i pandehur zyrtarisht nga SPAK për shpërdorim detyre. Çyrbja ishte sërish sot në Prokurorinë e Posaçme ku i është komunikuar akuza. Gazetari Igli Çelmeta raportoi se ish-deputeti i PS-së do të përballet në gjykatë me akuzën për “shpërdorim detyre” në kohën kur ishte drejtor i ZVRPP Durrës të ngritura nga zyrtarë të PD-së.

“I është komunikuar akuza e shpërdorimit të detyrës ditën e sotme nga SPAK, lidhur me kallëzimin e PD-së kur Çyrbja ka qenë drejtues i Hipotekës së Durrësit. SPAK mund të ketë dhe një njoftim zyrtar edhe pse çështja është ende në hetim. Kur SPAK do të mbyllë hetimet Çyrbja ka të drejtë të tërheqë materialet nga dosja hetimore në SPAK dhe më pas të bëjë prapësimet apo ankimimet, më pas Prokuroria e Posaçme ka të drejtë të dërgojë për gjykim çështjen”, tha Çelmeta.

Pas trazirave të sotme, ku ka pasur edhe djegie karrigesh, Partia Socialiste ka kërkuar përjashtimin nga parlamenti të 24 deputetëve të opozitës.

Përpos Flamur Nokës, që u përjashtua në sallë, është kërkuar përjashtimi edhe për disa deputetë të tjerë opozitarë.

Mes deputetëve që PS kërkon të përjashtojë nga parlamenti janë Edi Paloka, Bledjon Nallbati, Dashnor Sula etj.

Emrat e disa deputetëve opozitarë, që PS kërkon të përjashtojë nga parlamenti pas trazirave:

Gazmend Bardhi,

Flamur Noka,

Bledion Nallbati,

Edi Paloka,

Saimir Korreshi,

Lefter Gështenja,

Luan Baçi,

Dashnor Sula,

Agron Gjekmarkaj,

Dhurata Çupi,

Xhelal Mziu,

Ina Zhupa,

Zheni Gjergji,

Helidon Bushati,

Lindita Metaliaj,

Ramadan Lika,

Asllan Dogjani,

Qani Xhafa,

Flamur Hoxha,

Isuf Çela,

Kastriot Piroli,

Lodovik Hasani,

Kasem Mahmutaj,

Edmond Spaho

Ministri i Brendshëm Ervin Hoxha ka reaguar, pas arrestimit nga policia të Marklen Hakës në Nikël.

Hoxha shprehet se Haka është një emër i njohur për drejtësinë, në kërkim për vepra të rënda penale. Sipas Hoxhës, policia sot ka kryer një punë tepër profesionale.

“Në prangat e Policisë së Shtetit ka rënë pak minuta më parë i shumëkërkuari Marklen Haka alias Aliu, i dyshuar për pjesëmarrje në organizatë kriminale dhe i përfshirë në disa ngjarje të rënda, pas një operacioni profesional të Forcave Speciale RENEA, mbi bazën e informacioneve të siguruara nga Policia e Tiranës.