Mbrojtësi i Paris Saint-Germain dhe i kombëtares së Marokut, Achraf Hakimi, rrezikon përballjen me një proces gjyqësor pas akuzave për përdhunim, bëjnë me dije burime zyrtare në Francë. Prokuroria e Nanterre ka paraqitur më 1 gusht 2025 një kërkesë për aktakuzë, duke synuar që çështja të kalojë për gjykim në gjykatën penale të Hauts-de-Seine.

Ngjarja e dyshuar daton në shkurt 2023, në banesën e futbollistit në Boulogne-Billancourt, pranë Parisit. Hakimi e ka mohuar kategorikisht akuzën, duke e cilësuar si një tentativë për shantazh financiar.

Sipas të përditshmes franceze Le Parisien, viktima e dyshuar, një 26-vjeçare, kishte komunikuar me lojtarin përmes Instagram-it për më shumë se një muaj përpara takimit të tyre. Ajo ka deklaruar se gjatë vizitës në banesën e Hakimit, futbollisti e ka puthur dhe prekur pa pëlqimin e saj, më pas e ka detyruar me forcë në marrëdhënie. Fillimisht ajo nuk paraqiti një kallëzim zyrtar, por më vonë dorëzoi mesazhe dhe dëshmi që përshkruanin traumën e përjetuar.

Hakimi u vu nën hetim zyrtar më 3 mars 2023 dhe u mor në pyetje, duke kaluar disa orë në paraburgim. Në dhjetor të po atij viti, ai dhe paditësja u përballën në gjykatë, duke mbetur në pozicionet përkatëse.

Në janar 2025, Hakimi deklaroi për një bloger:

“E vërteta është që kur je i suksesshëm, bëhesh një shënjestër e lehtë për disa njerëz. Ata donin të më shantazhonin, prandaj edhe bëmë kallëzim. Drejtësia ka vepruar mirë deri tani.”

PSG ka vazhduar të mbështesë lojtarin, duke theksuar se mungesat e tij në stërvitje janë për arsye personale dhe se beson në drejtësinë franceze.

Aktualisht, dosja ndodhet në duart e gjyqtarit hetues, i cili pritet të vendosë nëse çështja do të shkojë ose jo në gjyq. Në rast se shpallet fajtor, Hakimi rrezikon deri në 15 vjet burg.

PSG dhe Interi po përballen sot në një ndeshje historike për trofeun më të lakmuar të klubeve në futbollin europian, Ligën e Kampioneve. Kjo është hera e parë që këto dy skuadra ndeshen në një sfidë zyrtare ndërkombëtare.

Ndeshja nisi me gol të hershëm, kur në minutën e 12, mbrojtësi Achraf Hakimi kaloi PSG në avantazh. Vetëm tetë minuta më pas, talenti Xavi Doue dyfishoi shifrat për ekipin francez, falë edhe një devijimi të Paolo Di Marcos pas një asistimi të shpejtë nga Dembele.

PSG shfaqet dominues në këtë pjesë të parë, ndërsa Interi përpiqet të rikthehet në lojë në pjesën e dytë.

Finalja e Champions League, mes PSG-së dhe Interit është planifikuar të nisë në orën 21:00, por e kanë filluar më herët përballjen mes tyre.

Mbështetës të francezëve dhe ata të italianëve, u përplasën ashpër mes tyre, në një stacion metroje në Mynih.

Atmosfera gjatë ditës kishte qenë e qetë, por ajo ka agravuar pak minuta para fillimit të finales.

Në videon e publikuar në rrjetet sociale, shihen tifozët e Interit dhe ata të PSG-së, që nuk kursehen ndaj njëri-tjetrit.

Për të rikthyer qetësinë u desh ndërhyrja e autoriteteve, që shpërndanë turmën duke përdorur gaz lotsjellës.

Edhe pse merkato është larg, Juventus po mendon për afrimin e një lojtari. Sipas asaj që shkruajnë mediat, klubi bardhezi do të shfaqë shumë shpejt interes për sulmuesin francez të PSG, Kolo Muani.

Kolo Muani ka një kontratë deri në vitin 2028 dhe me një vlerë që shkon rreth 40 milionë euro. Duke parë dëmtimet e shpeshta të Milik dhe duke parë nevojën për një zëvendësues të Vlahovic, ndërhyrja në merkato për “Zonjën e Vjetër” duket detyrim.

Kolo Muani në sezonin e kaluar luajti 26 ndeshje, ku shënoi 6 gola dhe dhuroi 5 asiste me kampionët e Francës. Më herët, ai ka luajtur për Nantes dhe Frankfurt.