Për këtë dalje të thjeshtë, Leonardo veshi një triko gri të errët dhe pantallona të shkurtra blu, të kombinuara me atlete të bardha të trasha.

Ai mbante një pako ngjyrë kafe dhe përpiqej të fshihte fytyrën me maskë dhe kapelë të zezë.

Vittoria dukej elegante dhe e rehatshme me një bluzë të bardhë me mëngë të gjata dhe pantallona të zeza të gjera.

Çifti festoi së fundmi dyvjetorin e marrëdhënies së tyre në gusht dhe që nga ajo kohë janë parë shpesh së bashku, përfshirë vizita në javën e modës në Milano.

Kryeministri Edi Rama ka reaguar përmes një postimi në Facebook duke konfirmuar se aksioni për pastrimin dhe lirimin e hapësirave publike në kryeqytet do të vazhdojë me intensitet të plotë dhe pa ndalur. Ai e cilësoi operacionin si të pandalshëm dhe të domosdoshëm për rendin dhe qetësinë në qytet.

“Vazhdojmë, papushim,” shkruan Rama, duke nënkuptuar se ky proces do të jetë i vazhdueshëm dhe i palëkundur.

Për kritikët dhe komentuesit në rrjetet sociale që kundërshtojnë aksionin, Rama mesazhoi duke u kërkuar të tregojnë durim brenda mundësive, ndërsa ata që nuk mund ta bëjnë, i përshëndeti “me mirëkuptim”, duke mos hequr dorë nga përpjekjet e qeverisë për të vendosur rendin.

Ky postim vjen në një kohë kur aksionet e IKMT-së dhe policisë bashkiake për shembjen e ndërtimeve pa leje dhe lirimin e hapësirave në Tiranë po intensifikohen, duke krijuar reagime të ndryshme nga qytetarët.

Vlorë, 6 Korrik 2025 – Kryeministri Edi Rama ka reaguar sot në rrjetin social X për situatën e zaptimit të trotuareve në zonën bregdetare të Lungomares në Vlorë, duke bërë thirrje të fortë për çlirimin e menjëhershëm të hapësirave publike.

Në reagimin e tij, Rama theksoi se trotuari është i njerëzve dhe nuk duhet të shndërrohet në “barrikada” të bizneseve, duke e konsideruar këtë hap të domosdoshëm për ngritjen e standardit të shërbimeve turistike dhe përmirësimin e imazhit të Shqipërisë si destinacion turistik.

“Kjo nuk është një problem me karriget apo shërbimin në një pjesë të trotuarit, si në qytetet e mëdha si Parisi, Londra apo New York-u, por duhet respektuar se hapësira është për njerëzit dhe jo për barrikadat siç po ndodh në Lungomarë,” shkruan Rama.

Kreu i qeverisë theksoi se Lungomarja duhet të jetë modeli modern i qytetit bregdetar dhe një shembull për dizajnin e jashtëm të vijës së shërbimeve turistike.

Ai u bëri thirrje pronarëve dhe menaxherëve të bizneseve që të heqin vetë të gjitha barrikadat dhe të bashkëpunojnë ngushtë me Bashkinë e Vlorës dhe Agjencinë e Zhvillimit të Territorit për një dizajn të ri, për të cilin do të kenë mbështetjen e plotë të qeverisë.

“Përveç ndërhyrjeve në strukturat ekzistuese, synimi është përmirësimi i funksionalitetit dhe pamjes estetike të vijës turistike, në përputhje me një standard të ri kombëtar për mikpritjen dhe shërbimin,” përfundoi Rama.

Kreu i Komisionit të Prokurimeve Publike, Jonaid Myzyri është paraqitur në SPAK këtë të hënë, ku ka dëshmuar më shumë se 2 orë.

Pas dy orësh marrje në pyetje, ai ka lënë SPAK, ndërsa nuk ka pranuar të flasë për gazetarët në lidhje me arsyen e paraqitjes së tij.

Sipas burimeve paraprake, ka dyshime se ai është thirrur për disa procedura tenderimi të zhvilluara nga institucioni që drejton, në cilësinë e personit që ka dijeni. Megjithatë, kjo mbetet për t’u konfirmuar zyrtarisht nga ana e Prokurorisë së Posaçme.

Kjo është hera e dytë që Myzyri thirret për t’u marrë në pyetje nga prokurorët e posaçëm lidhur me disa tendera publikë të dyshuar si korruptivë.

Më 20 shkurt të këtij viti, ai nuk dha sqarime para mediave teksa doli nga ambientet e SPAK, ku ishte marrë në pyetje për rreth 2 orë.

Burime paraprake bëjnë me dije se marrja e tij në pyetje lidhet me ankimet e bëra mbi procedura tenderuese, ku dyshohet për marrëveshje të fshehta paraprake mes komisionit dhe firmave fituese.

Mësohet se mbi 20 praktika tenderuese janë në në verifikim nga prokuroria. Myzyri e mban këtë post që prej vitit 2021.

Po ashtu, në janar të këtij viti qeveria ka hapur garën për ta zëvendësuar Myzyrin, proces që ende nuk ka ndodhur.

Policia e Kosovës ka arrestuar dy persona të dyshuar me iniciale (E.SH dhe B.K.) për shkak se dyshohet se kanë shpërdoruar detyrën zyrtare me qëllim të përfitimin e paligjshëm të parave.

“Personat zyrtarë kanë qenë te caktuar për menaxhim dhe mbikëqyrje të kontratës për ndërtimin e disa rrugëve në një fshat të komunës së Suharekës në vitin 2022, vlera e të cilës ka qenë dhjetëra mijë euro”, njofton Policia e Kosovës.

Sipas autoriteteve kosovare është konstatuar se kontrata nuk është përmbushur dhe punimet nuk janë realizuar.

Lidhur me rastin janë intervistuar të dyshuarit, ku pas përfundimit, sigurimit të provave dhe dëshmive me vendim të prokurorit, ata janë dërguar në qeli për 48 orët në vijim.