VLORË- Në foto është Gëzim Sinomati. Ai dyshohet se u ekzekutua me snajper orës 22:05 të mbrëmjes së kaluar(7 janar 2024) në rrugën “Hajro Çakërri”, afër poliklinikës qendrore.

22 vjeçari Gëzim Sinomati u ekzekutua në ballkonin e banesës së tij, në katin e tretë të një pallati, ku kishte dalë për të pirë një cigare. Një orë pas ngjarjes, në 23:20 është gjetur një makinë tip “BMW” e djegur.

“Autorët dyshohet se kanë braktisur mjetin tip “BMW”, në lagjen “24 Maji”, duke e djegur dhe janë larguar duke përfituar nga errësira” informoi sot policia.

Gëzim Sinomati është djali i Sokol Sinomatit i njohur si ‘buzëderri’, ish-anëtarit të bandës së Gaxhait në vitin 1997 në Vlorë i cili është arrestuar për vrasjen e një personi në vitin 2000. Ndërsa 2 vite më parë, në 3 janar të vitit 2022, xhaxhait të viktimës, Bernardo Sinomatit i vunë 150 gram lëndë plasëse tritol në makinën që e kishte parkuar në të njëjtën lagje ku mbrëmjen e sotme iu ekzekutua nipi 23 vjeçar.

Një nga pistat e hetimit është hakmarrja por dyshohet dhe ajo e trafikut të drogës apo konfliktet mes grupeve kriminale.

Personi që shihni në foto është Martin Bardhi 59-vjeçari që u ekzekutua mëngjesin e sotëm në Rrëshen. Bardhi i cili kishte pak kohë që kishte dalë nga burgu u ekzekutua në hyrje të lokalit të tij.

Persona ende të paidentifikuar qëlluan me breshëri plumbash duke lënë të vdekur Bardhin dhe duke plagosur 3 persona të tjerë, të afërm të tij.

Atentati ka zgjatur vetëm pak sekonda dhe me të zbrazur plumbat, autorët u larguan. Makina e llojit “Jeep Cherokee” ngjyrë e zezë, e përdorur prej tyre në këtë atentat u gjet e djegur në fshatin Gëziq të Mirditës.

Ka dyshime se vrasja e 59-vjeçarit ka lidhje me hakmarrjen mes disa fiseve në Rrëshen dhe Mirditë dhe kalvarin e vrasjeve mes tyre.

Vajza që shikoni në foto është Baets Myrthe, 25-vjeçarja gjermane, e cila humbi jetën sot me bashkëshortin në Valbonë.

Myrthe, nga Belgjika, kishte ardhur në Shqipëri të eksploronte Valbonën bashkë me një miken e saj nga Franca. Por vajzat rrëshkitën në Qafën e Valbonës dhe ranë në një greminë.

Aty dhe ndërruan jetë. Trupat e tyre nuk janë nxjerrë akoma pasi sipas autoriteteve deri më tani ka qenë e pamundur ndërhyrja, qoftë edhe me helikopter./noa.al

• Më të lexuarat
• EMRI/ Kush është 22-vjeçarja që braktisi foshnjën në Durrës, 2 vite më parë kishte braktisur dy fëmijët e tjerë
• Sara Hoxha ‘zihet ngushtë’ dhe bën kërkesën e pazakontë për të gjitha vajzat…
• Zgjedhjet e 14 majit/ KAS gjobit 15 kryebashkiakë të PS-së (EMRAT)