Një punëtor 66 vjeç ka humbur jetën mëngjesin e sotëm pasi ka rënë nga soleta ku punonte.

Ngjarja ka ndodhur rreth orës 11:35, në rrugën “Naum Veqilharxhi”, në një banesë katër katëshe në pronësi të shtetasit A. G.

Grupi Hetimor po punon për sqarimin e rrethanave të ngjarjes. Materialet procedurale i kaluan Prokurorisë, për veprime të mëtejshme.

Një ngjarje e rëndë ka ndodhur në Berat. Mësohet se gjatë punimeve masivi i gurëve ka zënë poshtë një punëtor. Si pasojë, 47-vjeçari ka ndërruar jetë.

Njoftimi i Policisë:

Rreth orës 11:30, në lagjen “13 Shtatori”, në rrugën e Kalasë, gjatë punimeve nga një subjekt privat, është shkëputur një masiv guri dhe ka zënë poshtë punëtorin e subjektit, shtetasin 47 vjeç, banues në Berat.

Shërbimet e Policisë dhe të zjarrfikëses kanë bërë të mundur nxjerrjen e shtetasit nga masivi i gurit dhe e kanë transportuar me ambulancë drejt spitalit, por si pasojë e dëmtimeve, 47-vjeçari ka humbur jetën. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.

Punëtori i cili mbeti i bllokuar nën rrënoja, fatkeqësisht u gjet i vdekur pasi një çati u shemb në Sliema më herët gjatë ditës së sotme.

Më herët këtë mëngjes, policia në Maltë u informua për një incident ku një çati u shemb në një rezidencë në kryqëzimin St Ignatius, ku dy punëtorë ishin duke kryer punime në ndërtesë.
Policia së bashku me anëtarët e Departamentit të Mbrojtjes Civile dhe një ekip mjekësor nga Mater Dei mbërritën në vend për të ndihmuar në incident.

Kombësia e dy punëtorëve u identifikua se ishin shqiptarë.

Një nga punëtorët arriti të dilte vetë dhe u dërgua në Mater Dei për trajtim të mëtejshëm, por natyra e lëndimeve të tij ende nuk dihet.
Fatkeqësisht, punëtori tjetër u gjet i vdekur nën rrënoja.

Burimi: namastest.net

Përkthyer nga: JiL.al. Ndalohet kopjimi dhe shpërndarja pa autorizimin e redaksisë