RRËSHEN- Një ngjarje e rëndë ka ndodhur ditën e sotme, ku një elektriçist ka humbur jetën teksa po çonte energjinë elektrike në një qendër votimi në Kodër Rrëshen.

Viktima është identifikuar si shtetasi Emiljano Bunga. Nga incidenti raportohet se kanë mbetur të plagosur edhe dy elektriçistë të tjerë. Ata ndodhen në spital dhe po marrin ndihmë mjekësore.

Policia dhe grupi hetimor ndodhen në vendin e ngjarjes dhe po punojnë për të zbardhur rrethanat dhe shkaqet e ngjarjes së rëndë.

Ndaj dy vajzave në Korçë, ka nisur procedimi penal në gjendje të lirë, pasi dyshohet se në kundërshtim me kontratën e punës, kanë përvetësuar shuma parash të përfituara nga shitja e produkteve në dyqanin ku ishin të punësuara.   

Njoftimi i policisë: 

“U referuan materialet në Prokurori ku filloi procedimi në gjendje të lirë për shtetaset K. A., 20 vjeçe dhe G. T., 22 vjeçe, banuese në Korçë, pasi dyshohet se në kundërshtim me kontratën e punës, kanë përvetësuar shuma parash të përfituara nga shitja e produkteve në dyqanin ku ishin të punësuara”, njofton policia.

Gjithashtu shërbimet e Komisariatit të Policisë Korçë, në vijim të punës për evidentimin dhe goditjen e veprimtarive të kundërligjshme në fushën e lojërave të fatit, kanë intensifikuar kontrollet dhe kanë goditur 3 raste të tjera të kësaj veprimtarie. Për këto raste, u referuan materialet në Prokurori dhe nisi procedimi në gjendje të lirë për shtetasit M. X., 37 vjeç, D. E., 39 vjeç dhe S. T., 39 vjeç, banues në Korçë.

Shërbimet e Policisë, gjatë kontrollit të ushtruar në një lokal në lagjen nr. 10, Korçë, iu gjetën këtyre shtetasve, nga një celular, që dyshohet se e përdornin për vënien e basteve sportive. 3 celularët u sekuestruan në cilësinë e provës materiale.

Dy gazetarë rusë që punonin për një grup të themeluar nga politikani i ndjerë i opozitës, Alexei Navalny, janë arrestuar, pasi akuzohen për “ekstremizëm”.

Konstantin Gabov dhe Sergey Karelin akuzohen për përgatitjen e materialit për një kanal në YouTube të drejtuar nga Fondacioni i Navalny për Luftën kundër Korrupsionit, i cili është i jashtëligjshëm nga autoritetet ruse.

Të dy të arrestuarit mohuan akuzat, për të cilat do të mbahen në paraburgim për të paktën dy muaj. Ata përballen me një minimum prej dy vite burg dhe një maksimum prej gjashtë vjetësh për “pjesëmarrje në një organizatë ekstremiste”, sipas gjykatave ruse.

Dy shqiptarë janë plagosur rëndë teksa ishin duke punuar në ndërtim në Maltë.

Ngjarja raportohet se ka ndodhur  mëngjesin e sotëm, në Triq Sir Luigi Preziosi, ku çatia e ndërtesës ku ata po punonin u shemb. “Times of Malta” raporton se dy shqiptarët po punonin në një pronë fqinje, e cila është në ndërtim e sipër, kur u hodhën në çatinë e pronës ngjitur.

Por çatia u rrëzua dhe gjithashtu u rrëzuan tavanet e dy kateve poshtë tyre. Për pasojë, punëtorët përfunduan në katin e parë mbi rrënoja. Policia tha se punëtorëve, të moshës 26 dhe 32, iu dha ndihma e parë nga një ekip mjekësor dhe oficerë nga Departamenti i Mbrojtjes Civile.

Pak ditë më parë, një burrë shqiptar humbi jetën po në Maltë dhe mbeti i plagosur dhëndri i tij. Bari Balla, 51-vjeç humbi jetën më 20 prill në Sliema.